ஃபேஸ்புக்கில் இதை எல்லாமா போடுவாங்க? கடுப்பாகாது??

துணையின் அனுமதி

ஏதாவது போட்டோவை உங்களது துணையின் டைம் லைனில் ஷேர் செய்யும் முன்னர் உங்களது துணையின் அனுமதி பெற்ற பின்னரே ஷேர் செய்ய வேண்டியது அவசியம். அவரது அனுமதி இல்லாமல் அவரது டைம் லைனில் நீங்கள் ஏதாவது ஷேர் செய்தால், அது அவரை ஏதேனும் ஒரு விதத்தில் பாதித்துவிட்டால், உங்களது உறவில் அது விரிசலை உண்டாக்கிவிடும்.

சண்டை

உங்களது துணை எந்த அளவுக்கு சண்டை போட்டாலும் சரி, உங்களை புரிந்து கொள்ளாமல் இருந்தாலும் சரி, உங்கள் மீது தவறே ஒரு துளி கூட இல்லை என்றாலும் சரி நீங்கள் உங்களது சண்டை, உங்களது துணையின் மீது உள்ள கோபம் பற்றி பேஸ்புக்கில் ஷேர் செய்யாதீர்கள். உங்களது கோபத்தை மற்றவர்கள் பயன்படுத்திக் கொள்ள நிறைய வாய்ப்புகள் உள்ளன. அதுமட்டுமின்றி, இது ஒருவித தர்ம சங்கடத்தையும் உங்களது துணைக்கு உண்டாக்கும்.

நெருக்கமான போட்டோ

நீங்களும் உங்களது துணையும் மிகவும் நெருக்கமானவர்களாக இருக்கலாம். அடிக்கடி வெளியே சென்று வாழ்க்கையை அனுபவித்து வாழ்பவர்களாக இருக்கலாம். அதே சமயம் உங்களது நட்பு வட்டத்தில், துணையை பிரிந்து, அல்லது இன்னும் திருமணம் ஆகவில்லையே என்று புலம்பி வாழ்பவர்களும் இருக்கலாம்... அவர்களது மத்தியில் நீங்கள் உங்களது துணையுடன் மிகவும் நெருக்கமாக உள்ள புகைப்படத்தை போட்டால் அது அவர்களை வருத்தப்பட செய்யும். இந்த கடுப்பில் உங்களை அவர்கள் பிளாக் செய்து விடவும் வாய்ப்புகள் உள்ளது.

பரிசுப் பொருட்கள்

நீங்கள் உங்களது துணையுடம் விலை அதிகமுள்ள பரிசுப் பொருட்களை போட்டோ எடுத்து பேஸ்புக்கில் போடுவது வேண்டாம். இது பொருளாதாரத்தில் உங்களுக்கு கீழ் உள்ளவர்களின் மனதை பாதிக்கும். நம்மால் இப்படி எல்லாம் இருக்க முடியவில்லையே என்ற ஏக்கத்தை தரும்.

முறிவு

உங்களது காதல் முறிவு.. ஏன் அவருடம் உங்களுக்கு பிரேக் அப் ஆனது போன்ற கதைகளை எல்லாம் பேஸ்புக்கில் போட வேண்டாம். உங்களது பிரேக் அப் பிரச்சனையை பேஸ்புக்கில் வந்து கொட்ட வேண்டும் என்று எல்லாம் ஒன்றும் இல்லை. உங்களது நெருங்கிய நண்பரகளிடத்தில் உங்களது பிரச்சனைகளை பகிர்ந்து கொண்டாலே போதுமானது.

சின்ன சின்ன விஷயம்

உங்களது துணையும் நீங்களும் மிகவும் நெருக்கமானவர்களாக இருக்கலாம். அதற்காக உங்களது நண்பர்கள் அனைவரும் உங்களது வாழ்க்கையில் என்னென்ன விஷயங்கள் நடக்கிறது..திங்கள் கிழமை எங்கே போனீர்கள், செவ்வாய்கிழமை என்ன செய்தீர்கள் என்பதை எல்லாம் தெரிந்து கொள்ள அனைவரும் ஆர்வம் காட்டமாட்டார்கள். மேலும் இந்த பழக்கம் தம்பதிகளுக்கு இடையே உள்ள நெருக்கத்தை குறைப்பதாகவும் இருக்கும்.

எக்ஸ் லவ்வர்

உங்களது எக்ஸ் லவ்வரை உங்களது பிரண்ட் லிஸ்ட்டில் வைத்துக் கொள்வது உங்களுக்கு நீங்களே ஆப்பு வைத்துக் கொள்வதை போல ஆகும். இதனை உங்களது காதலி அல்லது மனைவி அறிந்தால், நீங்கள் அவருடன் இன்னும் தொடர்பில் தான் இருக்கிறீர்கள் என்று நினைக்க கூட வாய்ப்புகள் உள்ளது.