தினமும் காலையில் இந்த சாலட்டை 1 கப் சாப்பிடுங்க.. கெட்ட கொழுப்பு, கெட்ட நீர் வெளியேறி தொப்பை வேகமாக குறையும்..

Weight Loss Vegetable Salad In Tamil: உடல் எடையைக் குறைக்கும் டயட்டில் உள்ளீர்களா? காலை வேளையில் ஒரே மாதிரியான உணவை சாப்பிட்டு போரடித்துவிட்டதா? சற்று சிம்பிளாகவும், அதே சமயம் ஆரோக்கியமானதாகவும் இருக்கும் ஒரு ரெசிபியை செய்ய நினைக்கிறீர்களா? அப்படியானால் உடல் எடையைக் குறைக்கத் தூண்டும் ஒரு அருமையான வெஜிடேபிள் சாலட்டை சாப்பிடுங்கள்.

இந்த சாலட் புரோட்டீன் நிறைந்தது. எனவே இது உடலில் உள்ள கெட்ட கொழுப்பு, கெட்ட நீரை வெளிறேற்றி, தசையைச் சுருங்கச் செய்து, தொப்பையை வேகமாக குறைக்க உதவும். இந்த சாலட்டை அடிக்கடி காலையில் செய்து சாப்பிட்டு வந்தால், ஒரு நல்ல மாற்றத்தை விரைவில் காணலாம்.

உங்களுக்கு வெஜிடேபிள் சாலட்டை எப்படி செய்வதென்று தெரிந்து கொள்ள வேண்டுமா? கீழே வெஜிடேபிள் சாலட் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* பச்சை பயறு - 1 கப்
* தண்ணீர் - சிறிது
* மீல் மேக்கர் - 50 கிராம்

தாளிப்பதற்கு...

* நல்லெண்ணெய் - 1/2 டீஸ்பூன்
* சீரகம் - 1/4 டீஸ்பூன்
* பூண்டு - 2 பல் (பொடியாக நறுக்கியது)
* இஞ்சி - 1/2 இன்ச் (துருவியது)
* சின்ன வெங்காயம் - 4 (பொடியாக நறுக்கியது)
* பீன்ஸ் - 50 கிராம் (பொடியாக நறுக்கியது)
* கேரட் - 1 (பொடியாக நறுக்கியது)
* மஞ்சள் பூசணி - சிறிது (பொடியாக நறுக்கியது)
* மஞ்சள் தூள் - 1/4 டீஸ்பூன்
* பச்சை மிளகாய் - 1 (நறுக்கியது)
* உப்பு - சுவைக்கேற்ப
* தண்ணீர் - 1/2 டம்ளர்
* மிளகுத் தூள் - 1/2 டீஸ்பூன்
* எலுமிச்சை - பாதி
* கொத்தமல்லி - சிறிது

செய்முறை:

* முதலில் பச்சை பயறை நீரில் கழுவி, இரவு முழுவதும் ஊற வைக்க வேண்டும்.
* மறுநாள் காலையில் அந்த பச்சை பயறை ஒரு துணியில் கட்டி, 8 மணிநேரம் ஊற வைத்தால், முளைக்கட்டிய பச்சை பயறு தயார்.
* பின் ஒரு பாத்திரத்தில் நீரை ஊற்றி, அடுப்பில் வைத்து, நீர் கொதிக்க ஆரம்பித்ததும் மீல் மேக்கரை போட்டு 2 நிமிடம் ஊற வைத்து இறக்கிக் கொள்ள வேண்டும்.
* பின்பு ஒரு பாத்திரத்தில் குளிர்ந்த நீரை எடுத்துக் கொண்டு, சுடுநீரில் உள்ள மீல் மேக்கரை எடுத்து குளிர்ந்த நீரில் போட்டு, பின் மீல் மேக்கரில் உள்ள அதிகப்படியான நீரை பிழிந்து எடுத்துவிட வேண்டும்.
* அடுத்து ஒரு வாணலியை அடுப்பில் வைத்து, அதில் நல்லெண்ணெய் ஊற்றி சூடானதும், சீரகம், பூண்டு, இஞ்சி சேர்த்து நன்கு வதக்க வேண்டும்.
* அதன் பின் பொடியாக நறுக்கிய வெங்காயத்தை சேர்த்து வதக்க வேண்டும்.
* பிறகு அதில் மீல் மேக்கர், பொடியாக நறுக்கிய கேரட், பீன்ஸ், மஞ்சள் பூசணியை சேர்த்து, பச்சை மிளகாயையும் சேர்த்து, சுவைக்கேற்ப உப்பு சேர்த்து வதக்க வேண்டும்.
* பின் அதில் 1/2 டம்ளர் நீரை ஊற்றி கிளறி, மூடி வைத்து 5 நிமிடம் காய்கறிகளை வேக வைக்க வேண்டும்.
* பின் மூடியைத் திறந்து, அதில் மிளகுத் தூள், பாதி எலுமிச்சையின் சாறு மற்றும் கொத்தமல்லியைத் தூவி கிளறி இறக்கினால், சுவையான வெஜிடேபிள் சாலட் தயார்.