Latest Updates
-
December 2026 Horoscope: டிசம்பர் மாதத்தில் பணத்தையும், புகழையும் குவிக்கப்போகும் 4 ராசிகள் என்னென்ன தெரியுமா? -
செட்டிநாடு கத்திரிக்காய் அவியல் குழம்பு ரெசிபி - இதை ட்ரை பண்ணி பாருங்க - செம சைடிஷா இருக்கும் -
வார ராசிபலன் ( November 22-28)- இந்த வாரம் இந்த 4 ராசிக்காரங்கள பிரச்சினைகள் விடாம துரத்தப்போகுதாம் -
சிக்கன் வாங்குனா இந்த பாலக்காடு சிக்கன் வறுவலை செஞ்சு பாருங்க - எவ்வளவு செஞ்சாலும் பத்தாது -
தேங்காயில் மூன்று கண்கள் இருப்பதற்கு பின்னால் உள்ள அறிவியல் ரகசியம் என்ன தெரியுமா? இதுல இவ்ளோ விஷயம் இருக்கா? -
நவம்பர் 25-ல் கன்னி ராசிக்குள் நுழையும் செவ்வாய் இந்த 3 ராசிக்காரர்களுக்கு சகல நன்மைகளையும் கொடுக்கப்போகுதாம் -
உருளைக்கிழங்கை இந்த மாதிரி ராஜஸ்தான் ஸ்டைலில் வறுவல் செஞ்சு பாருங்க - பைவ் ஸ்டார் ஹோட்டல் டேஸ்ட்ல இருக்கும் -
1800 கோடிக்கு விற்கப்பட்ட ஹிட்லர் காலத்து அதிசய ஓவியம் - இந்த ஓவியத்தில் அப்படி என்ன ஸ்பெஷல் தெரியுமா? -
காலையில் இந்த ஒரு குழம்பை செஞ்சா போதும்... 3 வேளையும் வெச்சு சாப்பிடலாம்... -
நவம்பர் 21, 2026: இன்று இந்த 4 ராசிக்காரர்களுக்கு ஆபத்துகள் துரத்தும் நாளாக இருக்குமாம்
வெண்டைக்காயும் வேர்க்கடலையும் இருந்தா.. இப்படி தொக்கு செய்யுங்க.. 3 வேளையும் சைடு டிஷ் பிரச்சனையே இருக்காது..
Vendakkai Thokku Recipe In Tamil: பொதுவாக வெண்டைக்காயை பொரியல், சாம்பார், புளிக்குழம்பு என்று தான் செய்து சுவைத்திருப்பீர்கள். ஆனால் அதைக் கொண்டு தொக்கு செய்துள்ளீர்களா? வெண்டைக்காயில் தொக்கா என்று கேட்கலாம். ஆம், வெண்டைக்காய் கொண்டு ஒருமுறை தொக்கு செய்யும் போது, அதை மூன்று வேளையும் வைத்து சாப்பிடலாம்.

முக்கியமாக உங்கள் வீட்டில் உள்ளோர் வெண்டைக்காய் சாப்பிடமாட்டார்களா? அப்படியானால் இந்த பக்குவத்தில் வெண்டைக்காய் தொக்கு செய்து கொடுங்கள், சுவை பிரமாதமாக இருக்கும். குறிப்பாக இந்த தொக்கு இட்லி, தோசை, சாதம் என அனைத்துடனும் சாப்பிட அருமையாக இருக்கும்.
உங்களுக்கு இந்த வெண்டைக்காய் தொக்கு ரெசிபியை எப்படி செய்வதென்று தெரிந்து கொள்ள வேண்டுமா? கீழே வெண்டைக்காய் தொக்கு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
வறுப்பதற்கு...
* எண்ணெய் - 1 டீஸ்பூன்
* மல்லி விதை - 4 டீஸ்பூன்
* சீரகம் - 1 டீஸ்பூன்
* வேர்க்கடலை - 2 டேபிள் ஸ்பூன்
வதக்குவதற்கு...
* எண்ணெய் - 1 டேபிள் ஸ்பூன்
* வெண்டைக்காய் - 400 கிராம்
* உப்பு - 1 டீஸ்பூன்
* பெரிய தக்காளி - 1
* பூண்டு - 4-5 பல்
* மிளகாய் தூள் - 2 டீஸ்பூன்
* புளி - சிறிய துண்டு
தாளிப்பதற்கு...
* எண்ணெய் - 1 டேபிள் ஸ்பூன்
* கடுகு - 1 டீஸ்பூன்
* பெருங்காயத் தூள் - 1/4 டீஸ்பூன்
* மிளகாய் தூள் - 1/2 டீஸபூன்
செய்முறை:
* முதலில் ஒரு வாணலியை அடுப்பில் வைத்து, அதில் 1 டீஸ்பூன் எண்ணெய்
ஊற்றி சூடானதும், மல்லி, சீரகம், வேர்க்கடலை சேர்த்து நன்கு வறுத்து,
ஒரு தட்டில் போட்டு குளிர வைக்க வேண்டும்.
* பின் அதே வாணலியை மீண்டும் அடுப்பில் வைத்து, அதில் 1 டேபிள் ஸ்பூன்
எண்ணெய் ஊற்றி சூடானதும், நறுக்கிய வெண்டைக்காயை சேர்த்து, 1 டீஸ்பூன்
உப்பு சேர்த்து நன்கு பிசுபிசுப்புத்தன்மை போகும் வரை வதக்க
வேண்டும்.
* வெண்டைக்காயில் பிசுபிசுத்தன்மை போனதும், நறுக்கிய தக்காளியை
சேர்த்து தக்காளி மென்மையாகும் வரை வதக்க வேண்டும்.
* தக்காளி நன்கு வதங்கியதும், அடுப்பை அணைத்துவிட்டு, அதில் பூண்டு,
மிளகாய் தூள் மற்றும் புளியை சேர்த்து வாணலியின் சூட்டில் வதக்கி
குளிர வைக்க வேண்டும்.
* அதன் பின் மிக்சர் ஜாரில் வறுத்த பொருட்களை சேர்த்து, முதலில்
அரைத்துக் கொள்ள வேண்டும்.
* பிறகு அதில் வதக்கிய வெண்டைக்காய் கலவையை சேர்த்து, கொரகொரவென்று
அரைத்துக் கொள்ள வேண்டும்.
* பின்னர் அதே வாணலியை மீண்டும் அடுப்பில் வைத்து, அதில் 1 டேபிள்
ஸ்பூன் எண்ணெய் ஊற்றி சூடானதும், கடுகு சேர்த்து பொரிய விட்டு, பின்
அதில் பெருங்காயத் தூள் மற்றும் மிளகாய் தூளை சேர்த்து கிளறி,
அரைத்ததை சேர்த்து 2 நிமிடம் கிளறி இறக்கினால், வெண்டைக்காய் தொக்கு
தயார்.



Click it and Unblock the Notifications
