For Quick Alerts
ALLOW NOTIFICATIONS  
For Daily Alerts

பூரிக்கு அட்டகாசமாக இருக்கும் தக்காளி தொக்கு

இன்று இரவு உங்கள் வீட்டில் பூரி செய்ய திட்டமிட்டுள்ளீர்களா? அதற்கு எப்போதும் உருளைக்கிழங்கு மசாலா செய்து போரடித்துவிட்டதா? அப்படியானால் தக்காளியைக் கொண்டு தொக்கு செய்யுங்கள்.

Posted By:
|

இன்று இரவு உங்கள் வீட்டில் பூரி செய்ய திட்டமிட்டுள்ளீர்களா? அதற்கு எப்போதும் உருளைக்கிழங்கு மசாலா செய்து போரடித்துவிட்டதா? அப்படியானால் உங்கள் வீட்டில் தக்காளி நிறைய உள்ளதா? அப்படியானால் அந்த தக்காளியைக் கொண்டு தொக்கு செய்யுங்கள். இந்த தக்காளி தொக்கு பூரிக்கு மட்டுமின்றி, சப்பாத்திக்கும் அட்டகாசமாக இருக்கும். முக்கியமாக இது குழந்தைகள் சாப்பிடும் வகையில் ருசியாக இருக்கும். இதை செய்வது மிகவும் சுலபம்.

Tomato Thokku For Poori In Tamil

உங்களுக்கு தக்காளி தொக்கு எப்படி செய்வதென்று தெரிந்து கொள்ள வேண்டுமா? கீழே தக்காளி தொக்கு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* தக்காளி - 6

* வெங்காயம் - 2

* மிளகாய் தூள் - 3/4 டீஸ்பூன்

* மஞ்சள் தூள் - 1 சிட்டிகை

* சர்க்கரை - 1/4 டீஸ்பூன்

* உப்பு - சுவைக்கேற்ப

தாளிப்பதற்கு...

* கடுகு - 1/2 டீஸ்பூன்

* உளுத்தம் பருப்பு - 1/2 டீஸ்பூன்

* கறிவேப்பிலை - சிறது

* நல்லெண்ணெய் - 2 டேபிள் ஸ்பூன்

செய்முறை:

* முதலில் வெங்காயத்தை பொடியாக நறுக்கிக் கொள்ள வேண்டும்.

* பின் தக்காளியை துண்டுகளாக்கி மிக்சர் ஜாரில் போட்டு நன்கு அரைத்துக் கொள்ள வேண்டும். அப்படி அரைக்கும் போது அத்துடன் மிளகாய் தூளையும் சேர்த்து நன்கு அரைத்துக் கொள்ள வேண்டும்.

* பின்பு குக்கரை அடுப்பில் வைத்து, அதில் எண்ணெய் ஊற்றி சூடேற்ற வேண்டும்.

* பிறகு அதில் கடுகு, உளுத்தம் பருப்பு மற்றும் கறிவேப்பிலை சேர்த்து தாளிக்க வேண்டும்.

* பின் அதில் பொடியாக நறுக்கிய வெங்காயத்தைப் போட்டு லேசாக வதக்க வேண்டும்.

* அடுத்து அதில் அரைத்த தக்காளியை ஊற்றி, மஞ்சள் தூள் மற்றும் சுவைக்கேற்ப உப்பு மற்றும் சர்க்கரை சேர்த்து நன்கு கிளற வேண்டும்.

* பின்னர் குக்கரை மூடி 2 விசில் விட்டு இறக்கினால், சுவையான தக்காளி தொக்கு தயார்.

Image Courtesy: yummytummyaarthi

[ of 5 - Users]
English summary

Tomato Thokku For Poori In Tamil

Want to know how to make a tomato thokku recipe for poori at home easily? Take a look and give it a try...
Story first published: Thursday, December 8, 2022, 20:35 [IST]
Desktop Bottom Promotion