தக்காளியும், கொத்தமல்லியும் இருந்தா.. ஒருடைம் இந்த சைடு டிஷ் செய்யுங்க.. இட்லி, தோசைக்கு அள்ளும்..

Thakkali Malli Thokku Recipe In Tamil: காலையில் உங்கள் வீட்டில் இட்லி, தோசை தான் டிபனாக செய்யப் போகிறீர்களா? அந்த இட்லி, தோசைக்கு ஒரு அருமையான ஒரு சைடு டிஷ் செய்ய வேண்டுமா? இட்லி, தோசைக்கு எப்போதும் சட்னி அரைத்து போரடித்துவிட்டதா? அப்படியானால் சற்று வித்தியாசமாக துவையல் செய்து சாப்பிடுங்கள்.

அதுவும் வீட்டில் 1/2 கிலோ தக்காளியும், 1/2 கட்டு துவையலும் இருந்தா, அவற்றைக் கொண்டு துவையல் செய்யுக்ஙள். இந்த துவையல் இட்லி, தோசையுடன் மட்டுமின்றி, சாதத்துடன் சாப்பிடவும் அருமையாக இருக்கும். மதிய வேளையில் சமைக்க பிடிக்காவிட்டால், இந்த துவையலை செய்தாலே போதும் அட்டகாசமாக இருக்கும்.

இந்த தக்காளி மல்லி துவையல் குறித்து கோவை கஃபே என்னும் தளத்தில் பகிரப்பட்டுள்ளது. உங்களுக்கு தக்காளி மல்லி துவையல் ரெசியை எப்படி செய்வதென்று தெரிந்து கொள்ள வேண்டுமா? கீழே தக்காளி மல்லி துவையல் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்ககைப் பகிர்ந்து கொள்ளுங்கள்.

தேவையான பொருட்கள்:

* தக்காளி - 1/2 கிலோ
* கொத்தமல்லி - 1/2 கட்டு
* பூண்டு - 10 பல்
* வரமிளகாய் - 2
* சாம்பார் தூள் - 2 டீஸ்பூன்
* மஞ்சள் தூள் - 1/4 டீஸ்பூன்
* புளி - சிறிய நெல்லிக்காய் அளவு

தாளிப்பதற்கு..

* நல்லெண்ணெய் - 1 டேபிள் ஸ்பூன்
* கடுகு - 1/2 டீஸ்பூன்
* சீரகம் - 1/4 டீஸ்பூன்
* பெருங்காயத் தூள் - 2 சிட்டிகை
* கறிவேப்பிலை - 2 கொத்து
* அரைத்த விழுது
* உப்பு - சுவைக்கேற்ப
* வெல்லம் - 1/2 டீஸ்பூன்

வறுத்து பொடிப்பதற்கு...

* கடுகு - 1 டீஸ்பூன்
* வெநதயம் - 1/4 டீஸ்பூன்

செய்முறை:

* முதலில் மிக்சர் ஜாரில் நறுக்கிய தக்காளி மற்றும் கொத்தமல்லியை சேர்த்து நன்கு மென்மையாக அரைத்துக் கொள்ள வேண்டும்.
* பின்னர் அதில் பூண்டு பற்கள், வரமிளகாய், சாம்பார் தூள், சிறிய நெல்லிக்காய் அளவு புளி சேர்த்து நீர் சேர்க்காமல் நன்கு மென்மையாக அரைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் நல்லெண்ணெய் ஊற்றி சூடானதும், கடுகு, சீரகம், பெருங்காயத் தூள், கறிவேப்பிலை சேர்த்து தாளிக்க வேண்டும்.
* பிறகு அதில் அரைத்த விழுதை சேர்த்து 1 நிமிடம் நன்கு கிளறி விட்டு, சுவைக்கேற்ப உப்பு சேர்த்து கிளறி மூடி வைத்து, 10 நிமிடம் மிதமான தீயில் வைத்து வேக வைக்க வேண்டும்.
* அதற்குள் ஒரு வாணலியை அடுப்பில் வைத்து, அதில் கடுகு மற்றும் வெந்தயத்தை சேர்த்து நன்கு பொரிய விட்டு இறக்கி குளிர வைத்து அரைத்து நன்கு பொடி செய்து கொள்ள வேண்டும்.
* 10 நிமிடம் துவையல் நன்கு கொத்தபின் மூடியைத் திறந்து, அதில் பொடித்து வைத்துள்ளதை கடுகு வெந்தய பொடியை சேர்த்து கிளறி, 3 கிடம் வேக வைத்து, சிறிது வெல்லத்தை சேர்த்து கிளறி இறக்கினால், சுவையான தக்காளி மல்லி தொக்கு தயார்.