மைசூர் பாக் செய்றீங்களா? அப்போ இப்டி ட்ரை பண்ணுங்க!

தேவையான பொருட்கள்:

கடலை மாவு - 1 கோப்பை

சர்க்கரை - இரண்டரை கோப்பை

நெய் - 2 கோப்பை

கடலை மாவை லேசாக வறுத்துக் கொள்ளவும். நெய்யை அடுப்பில் வைத்து சுட வைத்துக் கொள்ளவும். சர்க்கரையை கால்டம்பளர் தண்ணீர் ஊற்றி அடுப்பில் வைத்துப் பாகு வைக்கவும்.

கம்பிப் பாகு வந்ததும் பாகில் சிறிது சிறிதாக மாவு சேர்த்துக் கிளறவும். அடுப்பை மிதமான சூட்டில் வைத்து, நெய் சேர்த்துக்கிளறவும். நெய்யும், மாவும் மாறி மாறி சேர்த்துக் கிளறவும்.

இது பொங்கி பூத்து வரும்போது, நெய் தடவிய தட்டில் கொட்டிச் சமப்படுத்தவும். ஆறிய பிறகு துண்டுகள் போடவும்.