எள் உருண்டை : கிருஷ்ண ஜெயந்தி ஸ்பெஷல் ரெசிபி

கிருஷ்ண ஜெயந்தி வரப்போகிறது. அனைவரும் கிருஷ்ண ஜெயந்திக்கு பல்வேறு பலகாரங்களை வீட்டில் செய்து கொண்டிருப்பார்கள். நீங்களும் அப்படி பலகாரங்களை செய்து வந்தால், சிம்பிளான செய்முறையைக் கொண்ட எள் உருண்டையையும் செய்யுங்கள்.

இங்கு அந்த எள் உருண்டையின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து, கிருஷ்ண ஜெயந்தியைக் கொண்டாடுங்கள்.

தேவையான பொருட்கள்:

கருப்பு எள் - 1 கப்
வெல்லம் - 1/4 கப்
ஏலக்காய் பொடி - 1 டீஸ்பூன்

செய்முறை:

முதலில் ஒரு வாணலியை அடுப்பில் வைத்து, அதில் எள்ளைப் போட்டு சிறிது நேரம் வறுத்து இறக்கி குளிர வைத்துக் கொள்ள வேண்டும்.

பின்பு மிக்ஸியில் எள்ளை சேர்த்து, அத்துடன் வெல்லம் மற்றும் ஏலக்காய் பொடி சேர்த்து அரைத்துக் கொள்ள வேண்டும்.

பின் அதனை ஒரு பௌலில் போட்டு, பின் சிறு உருண்டைகளாக உருட்டினால், எள் உருண்டை ரெடி!

Image Courtesy: yummytummyaarthi