அவகேடோ மில்க் ஷேக் ரெசிபி

அவகேடோ அல்லது வெண்ணெய் பழத்தை அப்படியே சாப்பிட பிடிக்காதவர்கள், அதனை மில்க் ஷேக் போன்று செய்து சாப்பிடலாம். ஏனெனில் இது மிகவும் அருமையான சுவையில் இருப்பதால், இந்த பழத்தைப் பிடிக்காதவர்களும், மில்க் ஷேக்காக செய்யும் போது மறுக்காமல் சாப்பிடுவார்கள்.

இப்போது அந்த அவகேடோ மில்க் ஷேக்கை எப்படி செய்வதென்று பார்ப்போமா!!!

தேவையான பொருட்கள்:

அவகேடோ அல்லது வெண்ணெய் பழம் - 1 (கனிந்தது)

சர்க்கரை - தேவையான அளவு

குளிர்ந்த பால் - 2 டம்ளர்

செய்முறை:

மிக்ஸியில் அவகேடோ, பால் மற்றும் சர்க்கரை சேர்த்து நன்கு மென்மையாக அடித்துக் கொள்ள வேண்டும். ஒருவேளை மில்க் ஷேக் மிகவும் கடினமாக இருந்தால், இதில் குளிர்ந்த நீர் சேர்த்து அடித்துக் கொள்ளலாம்.

இப்போது சுவையான அவகேடோ மில்க் ஷேக் ரெடி!!!