Latest Updates
-
கேஸ் அடுப்பு ஆரஞ்சு நிறத்தில் எரிவதற்கு காரணம் என்ன தெரியுமா? அப்படி எரிஞ்சா என்ன பண்ணனும் தெரியுமா? -
புதன் நட்சத்திர பெயர்ச்சியால் டிசம்பரில் இந்த 4 ராசிக்கு பண மழை கொட்டும்.. உங்க ராசி இதுல இருக்கா? -
இந்தியாவில் உருவான முதல் கம்பெனி எது தெரியுமா? இன்று அந்த கம்பெனியின் மதிப்பு 60,000 கோடியாம் -
1 பீர்க்கங்காயும், 4 முட்டையும் இருந்தா.. இப்படி பொரியல் செய்யுங்க.. டேஸ்ட் தாறுமாறா இருக்கும்.. -
காளானும், உருளைக்கிழங்கும் இருந்தா இந்த மாதிரி தொக்கு செஞ்சு பாருங்க - தோசை, சப்பாத்திக்கு சூப்பரா இருக்கும் -
ஆன்டிபயாடிக் எதிர்ப்பைத் தடுக்க ஆய்வகப் பரிசோதனைகள் எப்படி உதவும்? விளக்கும் டாக்டர்! -
இந்தியாவின் மிகவும் வினோதமான ரயில் நிலையம் இதுதான் - இது எங்க இருக்குனு தெரிஞ்சா நம்பவே மாட்டிங்க -
நேருக்கு நேர் இருக்கும் ராகு-செவ்வாய்: இந்த 3 ராசிக்கு டபுள் ஜாக்பாட்டி அடிக்கும்.. உங்க ராசி இதுல இருக்கா? -
முடக்கத்தான் கீரை தோசையும், தேங்காய் சட்னியும் - எப்படி செய்றதுன்னு பாத்து செஞ்சு சாப்பிடுங்க.. -
நவம்பர் 19, 2026: இன்று இந்த 4 ராசிக்காரர்களின் ஆரோக்கியத்தில் பிரச்சினைகள் ஏற்படப்போகுதாம்
செஃப் தீனாவின் பச்சை சுண்டக்காய் குழம்பு - எப்படி செய்றது-ன்னு பாத்து செஞ்சு பாருங்க..
Chef Deena's Pachai Sundakkai Kuzhambu Recipe In Tamil: உடல் ஆரோக்கியத்திற்காக வாரம் ஒருமுறையாவது உணவில் சேர்க்க வேண்டிய குறிப்பிட்ட சில உணவுப் பொருட்கள் உள்ளன. அவற்றில் ஒன்று தான் சுண்டக்காய். அதுவும் பச்சை சுண்டக்காயை அடிக்கடி உணவில் சேர்த்து வரும் போது, செரிமானம் மேம்படும், குடல் புழுக்கள் வெளியேற்றப்படும், ஹீமோகுளோபின் அளவு அதிகரிக்கும், இரத்த சர்க்கரை சீராகும் மற்றும் இதய ஆரோக்கியம் மேம்படும்.

இவ்வளவு சத்துக்கள் கொண்ட பச்சை சுண்டக்காயை குழம்பு வைத்து சூடான சாதத்துடன் சேர்த்து சாப்பிடும் போது சுவை பிரமாதமாக இருக்கும். அதுவும் இந்த குழம்பானது மீன் குழம்பைப் போல் மறுநாள் வைத்து சாப்பிட்டால் அருமையாக இருக்கும். முக்கியமாக இந்த குழம்பை கீழே கொடுக்கப்பட்டுள்ள பக்குவத்தில் செய்யும் போது, கசப்பும் தெரியாது, குழந்தைகளும் விரும்பி சாப்பிடுவார்கள்.
இந்த பச்சை சுண்டக்காய் குழம்பு குறித்து பிரபல செஃப் தீனா அவர்கள் தனது யூடியூப் பக்கத்தில் பகிர்ந்துள்ளார். உங்களுக்கு பச்சை சுண்டக்காய் குழம்பை எப்படி செய்வதென்று தெரிந்து கொள்ள வேண்டுமா? கீழே பச்சை சுண்டக்காய் குழம்பு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* பச்சை சுண்டக்காய் - 150 கிராம்
* சின்ன வெங்காயம் - 20-25 (நறுக்கியது)
* தக்காளி - 2 (நறுக்கியது)
* பூண்டு - 15-20
* குழம்பு தூள் - 1 1/2 டேபிள் ஸ்பூன்
* மஞ்சள் தூள் - 1/4 டீஸ்பூன்
* பெருங்காயத் தூள் - 1/4 டீஸ்பூன்
* கறிவேப்பிலை - சிறிது
* கொத்தமல்லி - சிறிது
* கடுகு - 1/4 டீஸ்பூன்
* வெந்தயம் - 1/4 டீஸ்பூன்
* புளி - 1 எலுமிச்சை அளவு (நீரில் ஊற வைத்து சாறு எடுத்தது)
* உப்பு - சுவைக்கேற்ப
* நல்லெண்ணெய் - தேவையான அளவு
செய்முறை:
* முதலில் சுண்டக்காயில் உள்ள காம்புகளை நீக்கிவிட்டு, சுண்டக்காயை
நசுக்கி, ஒரு பாத்திரத்தில் போட்டு, நீரில் 2-3 முறை கழுவிக் கொள்ள
வேண்டும்.
* பின்னர் ஒரு வாணலியை அடுப்பில் வைத்து, அதில் 1 டேபிள் ஸ்பூன்
நல்லெண்ணெய் ஊற்றி சூடானதும், கடுகு மற்றும் வெந்தயத்தை சேர்த்து
தாளிக்க வேண்டும்.
* பின்பு அதில் பூண்டு, நறுக்கிய சின்ன வெங்காயம், கறிவேப்பிலை
சேர்த்து நன்கு வதக்க வேண்டும்.
* பிறகு அதில் நறுக்கிய தக்காளியை சேர்த்து, சுவைக்கேற்ப உப்பு,
மஞ்சள் தூள், பெருங்காயத் தூள் சேர்த்து வதக்க வேண்டும்.
* அதன் பின் அதில் சுண்டக்காயை சேர்த்து நன்கு வதக்க வேண்டும்.
* அடுத்து அதில் குழம்பு தூள் சேர்த்து நன்கு வதக்க வேண்டும்.
* பின்னர் அதில் சிறிது நீரை ஊற்றி கிளறி, நன்கு பச்சை வாசனை போக
கொதிக்க வைக்க வேண்டும்.
* பின்பு அதில் புளிச்சாற்றினை சேர்த்து கிளறி, மூடி வைத்து பச்சை
வாசனை போக மீண்டும் கொதிக்க வைக்க வேண்டும்.
* இறுதியாக மூடியைத் திறந்து, அதில் சிறிது கொத்தமல்லியைத் தூள்,
நல்லெண்ணெய் ஊற்றி கிளறி இறக்கினால் சுவையான பச்சை சுண்டக்காய்
குழம்பு தயார்.



Click it and Unblock the Notifications
