Just In
- 53 min ago உங்களுக்கு இந்த அறிகுறிகள் அதிகம் தெரியுதா? அப்ப உடம்புல தண்ணீர் ரொம்ப கம்மியா இருக்கு-ன்னு அர்த்தம்... உஷார்.
- 3 hrs ago 1 கப் ரேசன் அரிசி வெச்சு ஈவ்னிங் டைம்-ல இப்படியொரு ஸ்நாக்ஸ் செய்யுங்க.. அட்டகாசமா இருக்கும்..
- 4 hrs ago இரத்தத்தில் ஹீமோகுளோபின் அளவு அதிகரிக்கனுமா?.. இதை சாப்பிடுங்கள்..!
- 4 hrs ago உங்கள் கால் நகங்களை அழகாக மாற்ற அற்புதமான டிப்ஸ்..
Don't Miss
- Technology Aadhaar Update Cost: இனி ஆதார் அட்டையில் பெயர், முகவரி, போட்டோ மாற்ற கட்டணம்.. எவ்வளவு தெரியுமா?
- News மிளகாய் பொடி ஆயுதம்! ஆந்திராவில் சினிமா ஸ்டைலில்.. மண்டபத்திற்குள் நுழைந்து மணப்பெண்ணை கடத்த முயற்சி
- Sports LSG v CSK-சிஎஸ்கேக்கு பாதகமாக விழுந்த டாஸ்..பிளேயிங் லெவனில் அதிரடி மாற்றம்..பேட்டிங்கிலும் சர்பரைஸ்
- Automobiles வெறும் 1 ஸ்டார் ரேட்டிங்கை பெற்ற மஹிந்திரா கார்! இந்த காருக்கா இப்படி ஒரு நிலைமை?
- Finance நீங்க கிரெடிட் கார்டு வச்சிருக்கீங்களா.. ஆன்லைன் மோசடியில் இருந்து தப்பிக்க நச்சுனு 4 டிப்ஸ்!
- Movies Sivakarthikeyan: நடிகர் சங்க கட்டட பணிகளுக்கு நடிகர் சிவகார்த்திகேயன் ரூ.50 லட்சம் நிதியுதவி!
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
முள்ளங்கி சட்னி
இதுவரை முள்ளங்கியைக் கொண்டு சாம்பார் தான் செய்திருப்பீர்கள். ஆனால் முள்ளங்கியைக் கொண்டு சட்னி செய்யலாம் என்பது தெரியுமா?
இதுவரை முள்ளங்கியைக் கொண்டு சாம்பார் தான் செய்திருப்பீர்கள். ஆனால் முள்ளங்கியைக் கொண்டு சட்னி செய்யலாம் என்பது தெரியுமா? ஆம், முள்ளங்கியைக் கொண்டு சட்னி செய்தால், அது இட்லி, தோசைக்கு அட்டகாசமாக இருக்கும். நீங்கள் சற்று வித்தியாசமான சட்னி செய்ய நினைத்தால், அதற்கு முள்ளங்கி சட்னி பொருத்தமாக இருக்கும்.
உங்களுக்கு முள்ளங்கி சட்னி எப்படி செய்வதென்று தெரிந்து கொள்ள வேண்டுமா? கீழே முள்ளங்கி சட்னியின் செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் அனுபவத்தைப் பகிர்ந்து கொள்ளுங்கள்.
தேவையான பொருட்கள்:
* முள்ளங்கி - 2 கப் (நறுக்கியது)
* பெரிய வெங்காயம் - 2 (நறுக்கியது)
* கடலை பருப்பு - 2 டேபிள் ஸ்பூன்
* மல்லி விதை - 2 டீஸ்பூன்
* வரமிளகாய் - 4
* பூண்டு பல் - 2
* எண்ணெய் - 2 டேபிள் ஸ்பூன்
* உப்பு - சுவைக்கேற்ப
தாளிப்பதற்கு...
* எண்ணெய் - 4 டீஸ்பூன்
* கடுகு - 1 டீஸ்பூன்
* உளுத்தம் பருப்பு - 1 டீஸ்பூன்
* கறிவேப்பிலை - சிறிது
செய்முறை:
* ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடலை பருப்பு, மல்லி விதைகள், பூண்டு, வரமிளகாய் சேர்த்து 2 நிமிடம் வதக்கவும்.
* பின்பு வெங்காயத்தைப் போட்டு சிறிது உப்பு சேர்த்து சிறிது நேரம் வதக்கவும். பின் முள்ளங்கியை சேர்த்து 2 நிமிடம் வதக்கி, மூடி வைத்து 5-7 நிமிடம் குறைவான தீயில் வேக வைக்கவும்.
* பிறகு முள்ளங்கி வெந்துவிட்டதா என்று ஒரு ஸ்பூன் கொண்டு வெட்டிப் பார்க்கவும். முள்ளங்கி எளிதில் வெட்டப்பட்டால், அடுப்பை அணைத்துவிட்டு, வாணலியை இறக்கி குளிர வைக்க வேண்டும்.
* பின் மிக்ஸர் ஜாரில் வதக்கிய பொருட்களைப் போட்டு, சிறிது நீர் சேர்த்து நன்கு அரைத்துக் கொள்ள வேண்டும். அரைத்த சட்னியை ஒரு கிண்ணத்தில் எடுத்துக் கொள்ளுங்கள்.
* இறுதியில் ஒரு வாணலியை அடுப்பில் வைத்து, அதில் எண்ணெய் ஊற்றி, தாளிப்பதற்கு கொடுத்துள்ள பொருட்களை சேர்த்து தாளித்து, சட்னியில் சேர்த்து கிளறினால், சுவையான முள்ளங்கி சட்னி தயார்!
குறிப்பு:
* சட்னிக்கு பொருட்களை வதக்கும் போது, முள்ளங்கியை நன்கு வேக வைக்க வேண்டும். இல்லாவிட்டால் சட்னியில் முள்ளங்கியின் பச்சை வாசனை வீசி, சட்னியின் சுவை பாழாகிவிடும்.
* உங்களுக்கு சட்னி குறைவான காரத்தில் இருக்க வேண்டுமானால், வரமிளகாயைக் குறைத்துக் கொள்ளுங்கள்.
* முள்ளங்கி சட்னிக்கு வெள்ளை முள்ளங்கியை மட்டுமின்றி, சிவப்பு முள்ளங்கியையும் பயன்படுத்தலாம்.