புதினா துவையல்

புதினா உடலுக்கு மிகவும் நல்லது. அடிக்கடி புதினாவை உணவில் சேர்த்து வந்தால் உடல் குளிர்ச்சியாக இருக்கும். உங்கள் வீட்டில் புதினா உள்ளதா? இன்று இரவு இட்லி அல்லது தோசை செய்ய திட்டமிட்டுள்ளீர்களா? அப்படியானால் புதினாவைக் கொண்டு துவையல் செய்யுங்கள். இந்த புதினா துவையல் செய்வதற்கு ஈஸியாகவும், இட்லி, தோசையுடன் சேர்த்து சாப்பிட அற்புதமாகவும் இருக்கும். குறிப்பாக இந்த துவையல் குழந்தைகளும் விரும்பி சாப்பிடும் வகையில் சூப்பராக இருக்கும்.

உங்களுக்கு புதினா துவையல் எப்படி செய்வதென்று தெரிந்து கொள்ள வேண்டுமா? கீழே புதினா துவையல் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* புதினா - 2 கப்

* உப்பு - சுவைக்கேற்ப

* சர்க்கரை - 1 டீஸ்பூன்

வறுத்து அரைப்பதற்கு...

* துவரம் பருப்பு - 1 டேபிள் ஸ்பூன்

* உளுத்தம் பருப்பு - 1 டேபிள் ஸ்பூன்

* வரமிளகாய் - 2

* தேங்காய் - 1/2 கப்

* பூண்டு - 1 பல்

* புளி - 1 சிறிய துண்டு

செய்முறை:

* முதலில் ஒரு வாணலியை அடுப்பில் வைத்து, அதில் வறுத்து அரைப்பதற்கு கொடுத்துள்ள பொருட்களில் புளியைத் தவிர மற்ற அனைத்து பொருட்களையும் சேர்த்து 3-4 முறை வறுக்க வேண்டும்.

* பின் அதில் புதினா இலைகளை சேர்த்து சுருங்கும் வரை வதக்க வேண்டும்.

* பிறகு அதில் புளியை சேர்த்து நன்கு கிளறி, உப்பு மற்றும் சர்க்கரை சேர்த்து நன்கு கிளறி இறக்கி குளிர வைக்க வேண்டும்.

* பின்பு அதை மிக்சர் ஜாரில் போட்டு, சிறிது நீரை தெளித்து கெட்டியாக அரைத்தால், புதினா துவையல் தயார்.

Image Courtesy: yummytummyaarthi