கேரள பெண்களின் நீளமான முடியின் முக்கிய ரகசியம் நெல்லிக்காயை வைத்து செய்யும் இதுதான்... ட்ரை பண்ணி பாருங்க...!

Nellikai Chammanthi Recipe: ஒரு ஆப்பிள்க்கு சமம் ஒரு நெல்லிக்காய் என்று பலரும் சொல்லி கேட்டிருப்போம். நெல்லிக்காய் ஆப்பிளை விடவும் விலை ரொம்ப குறைவுதான். ஆனால் அதன் புளிப்பு கலந்த கசப்பு சுவையால் குழந்தைகள் முதல் பெரியவர்கள் வரை பலருக்கும் இது பிடிக்காது. ஆனால் இது வைட்டமின் சி மற்றும் வைட்டமின் ஈ-யின் சிறந்த ஆதாரமாக விளங்குவதோடு சிறப்பான ஆக்ஸிசனேற்றிகளாகவும் இருக்கின்றன.

நெல்லிக்காய் நோய் எதிர்ப்பு சக்தியை அதிகரிப்பதோடு, சரும ஆரோக்கித்தை மேம்படுத்தவும், செரிமான திறனை அதிகரிக்கவும் பயன்படுகிறது. மேலும் இது முடியின் ஆரோக்கியத்தை மேம்படுத்தி வளர்ச்சியடையவும் வலுவடையவும் செய்கிறது. இது தான் கேரளா பொண்ணுங்களோட முடி ஆரோக்கியத்தின் முக்கிய ரகசியமாகவும் இருக்கிறது. சரிஅவங்க ரகசிய ரெசிபியான நெல்லிக்காய் சம்மந்தி எப்படி செய்யறதுன்னு இங்கு பார்க்கலாம்.

தேவையான பொருட்கள்:

- பெரிய நெல்லிக்காய் அல்லது சின்ன நெல்லிக்காய் - 8 அல்லது 20
- மாங்காய் - ½ அளவு
- தேங்காய் - ½ மூடி
- பச்சை மிளகாய் - 3
- இஞ்சி - ஒரு இன்ச் அளவு
- கருவேப்பிலை - சிறிதளவு
- சின்ன வெங்காயம் - 5
- உப்பு - தேவையான அளவு

செய்முறை:

- நெல்லிக்காயை நன்றாக கழுவி மஞ்சள் மற்றும் உப்பு கலந்த நீரில் கழுவி சுத்தமான ஈரம் போக துடைத்து எடுக்கவும்.
- பெரிய நெல்லிக்காய் என்றால் சிறிய துண்டுகளாக நறுக்கி விதைகளை நீக்கி கொள்ளுங்கள்.
- சிறிய நெல்லிக்காய் என்றால் உரலில் இடித்து விதைகளை நீக்கி தனியாக வைத்து கொள்ளவும்.
- மாங்காயையும் நன்றாக உப்பு மஞ்சள் கலந்த தண்ணீரில் நன்றாக அலசி கொள்ளவும்.
- அதில் பாதி மாங்காயை சிறிய சிறிய துண்டுகளாக நறுக்கி தனியே வைக்கவும்.
- தேங்காயை துருவியோ அல்லது நறுக்கியோ எடுத்து வைத்து கொள்ளவும்.
- வெங்காயத்தை தோல் உரித்து தண்ணீரில் நன்றாக கழுவி எடுத்து கொள்ளவும்.
- இஞ்சியின் மேல் தோலில் இருக்கும் மண் போக நன்றாக கழுவி தோல் நீக்கி துண்டுகளாக நறுக்கி வைக்கவும்.
- பின் ஒரு மிக்ஸி ஜாரில் நறுக்கிய நெல்லிக்காய் துண்டுகள் மற்றும் இஞ்சி சேர்த்து தண்ணீர் சேர்க்காமல் நன்றாக அரைக்கவும்.
- பின் அதனுடன் நறுக்கிய மாங்காய் சேர்த்து நன்றாக கலந்துவிட்டு மீண்டும் அரைக்கவும்.
- பின் அதே மிக்ஸி ஜாரில் உரித்த சின்ன வெங்காயம், மற்றும் துருவிய தேங்காயை சேர்க்கவும்.
- அதனுடன் பச்சை மிளகாயை உடைத்து சேர்க்கவும்.
- பின் அதில் கருவேப்பிலை, மற்றும் தேவையான அளவு உப்பு சேர்த்து தண்ணீர் சேர்க்காமல் அரைக்கவும்.
- கடைசியாக உப்பு பார்த்து தேவை என்றால் சேர்த்து மீண்டும் அரைத்து எடுத்தால் சுவையான நெல்லிக்காய் சம்மந்தி ரெடி!