மசாலா பாவ்

உங்களுக்கு வட இந்தியாவில் தெருவோரங்களில் விற்கப்படும் ஸ்நாக்ஸ்கள் பிடிக்குமா? உங்கள் வீட்டிலேயே அந்த ஸ்நாக்ஸ்களை செய்து சாப்பிட விரும்புகிறீர்களா? உங்களுக்கு மசாலா பாவ் பிடிக்குமா? அப்படியானால் அதை வீட்டில் உள்ளோருக்கு செய்து கொடுங்கள். இந்த மசாலா பாவ் செய்வது மிகவும் ஈஸி. அதோடு பள்ளி முடிந்து பசியுடன் வீட்டிற்கு வரும் குழந்தைகளுக்கு இதை செய்து கொடுத்தால், அவர்கள் விரும்பி சாப்பிடுவதோடு, பசியும் தீரும்.

உங்களுக்கு மசாலா பாவ் எப்படி செய்வதென்று தெரிந்து கொள்ள வேண்டுமா? கீழே மசாலா பாவ் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* பாவ் பன் - தேவையான அளவு

* எண்ணெய் - 1 டேபிள் ஸ்பூன்

* சீரகம் - 1 டீஸ்பூன்

* வெண்ணெய் - தேவையான அளவு

* வெங்காயம் - 1 (பெரியது மற்றும் பொடியாக நறுக்கியது)

* குடைமிளகாய் - 1/2 (பொடியாக நறுக்கியது)

* இஞ்சி பூண்டு பேஸ்ட் - 1 டேபிள் ஸ்பூன்

* தக்காளி - 4 (பொடியாக நறுக்கியது)

* பால் பாஜி மசாலா பவுடர் - 1 டேபிள் ஸ்பூன்

* காஷ்மீரி மிளகாய் தூள் - 2 டீஸ்பூன்

* உப்பு - சுவைக்கேற்ப

* கொத்தமல்லி - பொடியாக நறுக்கியது

* எலுமிச்சை சாறு - சுவைக்கேற்ப

* தண்ணீர் - தேவையான அளவு

செய்முறை:

* ஒரு தட்டையான பேனை அடுப்பில் வைத்து, அதில் எண்ணெய் ஊற்றி சூடானதும், சீரகத்தை சேர்த்து தாளிக்க வேண்டும்.

* பின் அதில் வெங்காயத்தை சேர்த்து பொன்னிறமாக வதக்கி, இஞ்சி பூண்டு பேஸ்ட் நன்கு வதக்க வேண்டும்.

* பின்பு அதில் குடைமிளகாய் மற்றும் தக்காளியை சேர்த்து 6-7 நிமிடம் நன்கு வேக வைக்க வேண்டும்.

* பிறகு அதில் பாவ் பாஜி மசாலா, காஷ்மீரி மிளகாய் தூள் மற்றும் சுவைக்கேற்ப உப்பு சேர்த்து நன்கு கிளறி, சில நிமிடங்கள் வேக வைக்க வேண்டும்.

* அடுத்து அதில் சிறிது நீரை ஊற்றி நன்கு 5 நிமிடம் கொதிக் வைக்க வேண்டும்.

* பின் அதில் எலுமிச்சை சாறு, கொத்தமல்லியைத் தூவி நன்க கிளறி இறக்கி ஒரு பாத்திரத்தில் போட்டுக் கொள்ள வேண்டும்.

* பின்னர் அடுப்பில் அதே பேனை வைத்து, அதில் சிறிது வெண்ணெய் சேர்த்து உருகியதும், பாவ் பன்னை இரண்டாக வெட்டி பேனில் வைத்து முன்னும் பின்னும் டோஸ்ட் செய்த பின், அதன் மேல் தயாரித்த மசாலாவை வைத்து எடுத்தால், மசாலா பாவ் தயார்.

Image Courtesy: yummytummyaarthi