For Quick Alerts
ALLOW NOTIFICATIONS  
For Daily Alerts

மாம்பழ பூரி

மாம்பழ சீசன் என்பதால் மாம்பழம் எங்கும் விலை குறைவில் கிடைப்பதைக் காணலாம். நீங்கள் மாம்பழ பிரியர் என்றால், மாம்பழத்தை பல வித்தியாசமான வழிகளில் சாப்பிட விரும்புகிறீர்கள் என்றால், மாம்பழ பூரி செய்து சாப்பிடுங்கள்.

Posted By:
|

மாம்பழ சீசன் என்பதால் மாம்பழம் எங்கும் விலை குறைவில் கிடைப்பதைக் காணலாம். நீங்கள் மாம்பழ பிரியர் என்றால், மாம்பழத்தை பல வித்தியாசமான வழிகளில் சாப்பிட விரும்புகிறீர்கள் என்றால், மாம்பழ பூரி செய்து சாப்பிடுங்கள். இது நிச்சயம் உங்களுக்கு வித்தியசமான சுவையில் இருக்கும். அதோடு அனைவரும் விரும்பி சாப்பிடும் வகையில் ஒரு நல்ல ப்ளேவருடனும் இருக்கும்.

Mango Poori Recipe In Tamil

உங்களுக்கு மாம்பழ பூரி எப்படி செய்வதென்று தெரிந்து கொள்ள வேண்டுமா? கீழே மாம்பழ பூரியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* கோதுமை மாவு - 1 கப்

* மாம்பழ கூழ் - 1/4 கப்

* ஏலக்காய் பொடி - 1/4 டீஸ்பூன்

* உப்பு - சுவைக்கேற்ப

* தண்ணீர் - தேவையான அளவு

செய்முறை:

* முதலில் ஒரு பாத்திரத்தில் கோதுமை மாவு, மாம்பழ கூழ், ஏலக்காய் பொடி மற்றும் உப்பு ஆகியவற்றை சேர்த்துக் கொள்ள வேண்டும்.

* பின் விரல்களால் மெதுவாக கிளறி, கொஞ்சம் கொஞ்சமாக நீரை ஊற்றி பூரி மாவு பதத்திற்கு பிசைந்து, குறைந்தது 15 நிமிடம் ஊற வைக்க வேண்டும்.

* பின்பு பிசைந்த மாவை சிறு உருண்டைகளாக உருட்டிக் கொள்ள வேண்டும்.

* பிறகு ஒரு உருண்டையை எடுத்து பூரி அளவில் தேய்த்துக் கொள்ள வேண்டும். இதேப் போன்று அனைத்து உருண்டைகளையும் தேய்த்துக் கொள்ள வேண்டும்.

* அடுத்து ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.

* எண்ணெய் சூடானதும், தேய்த்ததை ஒவ்வொன்றாக போட்டு பொரித்து எடுத்தால், மாம்பழ பூரி தயார்.

குறிப்பு:

* உங்களுக்கு பூரி இனிப்பாக வேண்டுமானால், 2 டீஸ்பூன் சர்க்கரை சேர்த்துக் கொள்ளுங்கள். ஆனால் இதற்கு மேல் சேர்க்காதீர்கள். இல்லாவிட்டால் பூரி எளிதில் கருகிவிடும்.

* மாம்பழ கூழ் சேர்ப்பதால் வழக்கத்தை விட வேகமாக பூரி வெந்துவிடும். எனவே சற்று கவனமாக இருங்கள்.

Image Courtesy: sharmispassions

[ of 5 - Users]
English summary

Mango Poori Recipe In Tamil

Want to know how to make a mango poori recipe at home? Take a look and give it a try...
Desktop Bottom Promotion