கோலாப்பூரி மட்டன் மசாலா ரெசிபி - இந்த மாதிரி ட்ரை பண்ணுங்க - சப்பாத்தி, தோசைக்கு அட்டகாசமா இருக்கும்

Kolhapuri Mutton Masala Recipe in Tamil: சன்டே வந்தாலே உங்கள் வீட்டில் மட்டன் கட்டாயம் எடுப்பீர்களா? அப்படி மட்டன் எடுத்தால், அதை எப்போதும் ஒரே மாதிரிதான் குழம்பு செய்வீர்களா? அப்படியானால் இந்த வாரம் மட்டன் எடுத்தால், அந்த மட்டனை கோலாப்பூரி ஸ்டைலில் குழம்பு செய்யுங்கள். இந்த கோலாப்பூரி மட்டன் குழம்பு இட்லி, புரோட்டா மற்றும் சாதம் போன்றவற்றுடன் சேர்த்து சாப்பிட அற்புதமாக இருக்கும்.

கோலாப்பூரி மட்டன் என்றால் பொதுவாக ரெஸ்டாரண்ட்களில்தான் சாப்பிட முடியும், ஆனால் அதை நாம் வீட்டிலேயே செய்து விடலாம். மேலும் இந்த ஸ்டைலில் மட்டன் குழம்பை உங்கள் வீட்டில் உள்ளோருக்கு செய்து கொடுத்தால், பின் எப்போதும் இந்த சுவையில் தான் குழம்பு செய்ய சொல்வார்கள். அந்த அளவில் ருசி பிரமாதமாக இருக்கும். அதோடு இந்த பக்குவத்தில் குழம்பு வைக்கும் போது, மட்டன் பஞ்சு போன்று மென்மையாக இருக்கும்.

உங்களுக்கு கோலாப்பூரி மட்டன் மசாலாவை எப்படி செய்வதென்று தெரிந்து கொள்ள வேண்டுமா? கீழே கோலாப்பூரி மட்டன் மசாலா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- அரை கிலோ மட்டன்
- 1 பெரிய வெங்காயம் (நறுக்கியது)
- 1 பெரிய தக்காளி (நறுக்கியது)
- 4 ஸ்பூன் கோலாப்பூரி கறி பேஸ்ட்
- 1 ஸ்பூன் மஞ்சள் தூள்
- 2 ஸ்பூன் பூண்டு (நறுக்கியது)
- 2 ஸ்பூன் தேங்காய் எண்ணெய்
- தேவையான அளவு உப்பு
- 2 ஸ்பூன் நறுக்கிய கொத்தமல்லி

கோலாப்பூரி பேஸ்ட் செய்ய:

- 4 ஸ்பூன் துருவிய தேங்காய்
- 1/2 ஸ்பூன் மிளகு
- 1/2 ஸ்பூன் சீரகம்
- 1/2 ஸ்பூன் மல்லி விதைகள்
- 2 அன்னாசிப்பூ
- 1/2 ஸ்பூன் எள்
- 1/2 ஸ்பூன் கிராம்பு
- 1 இன்ச் பட்டை
- 2 காஷ்மீரி மிளகாய்
- 1 பிரியாணி இலை

செய்முறை:

- ஒரு கடாயை அடுப்பில் வைத்து சூடாக்கவும்.

- கோலாப்பூரி மசாலா செய்யத் தேவையான அனைத்துப் பொருட்களையும் சூடான கடாயில் போட்டு, அதிகத் தீயில் 2 நிமிடங்கள் வறுக்கவும்.

- பின்னர், அவற்றை ஒரு மிக்ஸி ஜாரில் போட்டு, சிறிதளவு தண்ணீர் சேர்த்து அரைத்துக்கொள்ளவும்.

- ஒரு அகலமான பாத்திரத்தை அடுப்பில் வைத்து, அதில் 2 ஸ்பூன் தேங்காய் எண்ணெய் ஊற்றி சூடாக்கவும். .

- எண்ணெய் சூடானதும் அதில் சுத்தம் செய்து வைத்த மட்டன் துண்டுகளைப் போட்டு வதக்கவும். 5 நிமிடங்களுக்குப் பிறகு, வதக்கிய இறைச்சியைத் தனியாக எடுத்து வைக்கவும்.

- இறைச்சியை வதக்கிய அதே பாத்திரத்தில், நறுக்கிய வெங்காயத்தைச் சேர்த்து மிதமான தீயில் 3 நிமிடங்கள் வதக்கவும்.

- பின்னர் நறுக்கிய தக்காளி மற்றும் பூண்டு ஆகியவற்றைச் சேர்த்து 2 நிமிடங்கள் வதக்கவும். அதன்பின் தேவையான அளவு உப்பு, 4 ஸ்பூன் அரைத்து வைத்துள்ள மசாலா விழுது மற்றும் மஞ்சள் தூள் ஆகியவற்றைச் சேர்த்து மேலும் 4 நிமிடங்கள் வதக்கவும்.

- இப்போது வதக்கி வைத்துள்ள ஆட்டிறைச்சியைச் சேர்த்து, மசாலாப் பொருட்களுடன் இறைச்சித் துண்டுகள் நன்றாகக் கலக்குமாறு கிளறவும்.

- பாத்திரத்தை ஒரு மூடியால் மூடி, அடுப்பின் தீயைக் மிகக் குறைவாக வைத்து இறைச்சியை மெதுவாக வேகவைக்கவும். ஆட்டிறைச்சி நன்றாக வெந்து மென்மையாகும் வரை, சுமார் 45 நிமிடங்கள் வரை சமைக்கவும்.

- இறைச்சி நன்றாக வெந்ததும் நறுக்கிய கொத்தமல்லி சேர்த்து நன்கு கிளறினால் சுவையான கோலாப்பூரி மட்டன் மசாலா ரெசிபி.