கேரளா ஸ்டைல் தக்காளி தொக்கு ரெசிபி... சப்பாத்தி, தோசைக்கு இந்த தொக்கு சூப்பரா இருக்கும்... ட்ரை பண்ணுங்க...!

Kerala Style Tomato Fry in Tamil: பெரும்பாலான தென்னிந்திய வீடுகளில் பிரதான காலை உணவு அல்லது இரவு உணவாக இருப்பது இட்லி அல்லது தோசைதான். இட்லி, தோசை என்றால் பெரும்பாலும் அதற்கு சிறந்த சைடிஷாக இருப்பது தேங்காய் சட்னி அல்லது தக்காளி சட்னிதான். இது தவிர நேரம் இருக்கும்போது சாம்பார் அல்லது குருமா போன்றவை சைடிஷாக செய்யப்படுகிறது.

வழக்கமான தக்காளி சட்னி போல அல்லாமல் கேரளா அல்லது ஆந்திரா ஸ்டைலில் தக்காளியை வைத்து புதிய சைடிஷ் செய்யும்போது அது வீட்டில் உள்ள அனைவருக்கும் மிகவும் பிடித்ததாக இருக்கும். அந்த வகையில் கேரளா ஸ்டைல் தக்காளி தொக்கை பற்றி இந்த பதிவில் தெரிந்து கொள்ளலாம். வழக்கமான தக்காளி தொக்கு மாதிரி இல்லாமல் இது மிகவும் தனித்துவமானதாக இருக்கும்.

தேவையானப் பொருட்கள்:

- தேங்காய் எண்ணெய் - 2 ஸ்பூன்
- கடுகு - அரை ஸ்பூன்
- சோம்பு - அரை ஸ்பூன்
- பூண்டு - 10 பல்
- இஞ்சி - 1 சிறிய துண்டு
- கறிவேப்பிலை - 1 கொத்து
- நறுக்கிய வெங்காயம் - 1 கப்
- நறுக்கிய தக்காளி - 2 கப்
- கீறிய பச்சை மிளகாய் - 4
- மஞ்சள் - 1 ஸ்பூன்
- மிளகாய்த்தூள் - 1 ஸ்பூன்
- உப்பு - தேவைக்கு ஏற்ப
- சர்க்கரை - அரை ஸ்பூன்

செய்முறை:

- ஒரு கடாயில் தேங்காய் எண்ணெயை சூடாக்கி அதில் கடுகு மற்றும் சோம்பு சேர்த்து தாளிக்கவும். கடுகு வெடித்ததும், அதில் நறுக்கிய இஞ்சி மற்றும் பூண்டு சேர்க்கவும். ஓரிரு நிமிடங்கள் வதக்கவும். பூண்டு சிறிது பழுப்பு நிறமாக மாறும் வரை வதக்கவும்.

- பின்னர் வெங்காயம், உப்பு மற்றும் கறிவேப்பிலை சேர்க்கவும். வெங்காயம் மென்மையாக பொன்னிறமாகும் வரை 4-5 நிமிடங்கள் வதக்கவும். கடாயை ஒரு மூடியால் மூடுவது அதிக நீராவியை உருவாக்கி அதன் மூலம் வெங்காயத்தை வேகமாக சமைக்கிறது.

- இப்போது நறுக்கிய தக்காளி மற்றும் பச்சை மிளகாயை சேர்க்கவும். மேலும் ஒரு டீஸ்பூன் மஞ்சள் தூள் மற்றும் சிவப்பு மிளகாய் தூள் சேர்க்கவும். உங்கள் சுவைக்கு ஏற்ப மிளகாய் பொடியை சேர்க்கவும். சிவப்பு மிளகாய் தூள் நல்ல நிறத்தையும் நறுமணத்தையும் கொடுக்கும் அதே வேளையில் பச்சை மிளகாய் தனித்துவமான சுவையைக் கொடுக்கிறது.

- இந்த கலவையை 6-7 நிமிடங்கள் மூடி வைத்து சமைக்கவும். தக்காளி அதன் ஈரப்பதத்தை வெளியேற்ற ஆரம்பிக்கும். தக்காளி நன்றாக வெந்து சாறை முழுமையாக வெளியேற்றும் வரை வதக்கிக் கொண்டே இருக்கவும். தக்காளி நன்கு வெந்ததும் அதில் அரை ஸ்பூன் சர்க்கரை சேர்க்கவும். காரமான மசாலா மற்றும் புளிப்பான தக்காளியுடன் சர்க்கரை சேரும்போது அது தனித்துவமான சுவையைக் கொடுக்கும்.

- தக்காளி கூழ் பதத்திற்கு வந்தவுடன் நீண்ட நேரம் வேக வைக்க வேண்டாம். இறுதியாக செய்து கொத்தமல்லி சேர்த்து அடுப்பை அணைக்கவும். இந்த தக்காளி தொக்கு இட்லி, தோசை, சப்பாத்தி மற்றும் சாதத்துடன் பிசைந்து சாப்பிடவும் சூப்பராக இருக்கும்.