Andhra chutney powder recipe: ஆந்திரா சட்னி பவுடர்

பொதுவாக ஆந்திரா ரெசிபிக்கள் மிகவும் சுவையாகவும், காரமாகவும் இருக்கும். ஆந்திரா ஸ்டைல் சிக்கன், மட்டன், ஏன் சைவ ரெசிபிக்கள் அனைத்துமே தனித்துவமான சுவையைக் கொண்டிருக்கும். அதேப் போல் ஆந்திராவில் சட்னி பவுடர் மிகவும் பிரபலமானது. இந்த சட்னி பவுடரை இட்லி, தோசைக்கு மட்டுமின்றி, சாதத்துடன் சேர்த்து சாப்பிடவும் அற்புதமாக இருக்கும். அதுவும் இந்த ஆந்திரா சட்னி பவுடரை நெய்யுடன் சேர்த்து சாப்பிட்டால் அட்டகாசமாக இருக்கும்.

உங்களுக்கு ஆந்திரா சட்னி பவுடரை எப்படி வீட்டிலேயே தயாரிப்பது என்று தெரிந்து கொள்ள வேண்டுமா? கீழே ஆந்திரா சட்னி பவுடரின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* கடலைப் பருப்பு - 1/2 கப்

* துவரம் பருப்பு - 1/2 கப்

* பொட்டுக்கடலை - 1 டேபிள் ஸ்பூன்

* மல்லி - 1 டீஸ்பூன்

* சீரகம் - 1/2 டீஸ்பூன்

* பெருங்காயத் தூள் - 1/4 டீஸ்பூன்

* உப்பு - சுவைக்கேற்ப

செய்முறை:

* முதலில் ஒரு வாணலியை அடுப்பில் வைத்து, அதில் ஒவ்வொரு பொருளாக சேர்த்து பொன்னிறமாக வறுத்து இறக்கி குளிர வைக்க வேண்டும்.

* பின்னர் வறுத்த பொருட்கள் மிக்சர் ஜாரில் போட்டு, சுவைக்கேற்ப உப்பு சேர்த்து நன்கு மென்மையாக அரைத்துக் கொள்ள வேண்டும்.

* பின்பு அரைத்த பொடியை காற்றுப்புகாத டப்பாவில் போட்டுக் கொண்டு, தேவையான போது பயன்படுத்திக் கொள்ளுங்கள்.

Image Courtesy: yummytummyaarthi