கோடைகாலத்தில் சர்க்கரை நோயால் பாதிக்கப்பட்ட குழந்தைகளுக்கு என்ன உணவுகள் கொடுக்கணும் தெரியுமா?

கொளுத்தும் கோடை வெயிலில் ஆரோக்கியமான உணவுப் பழக்கங்களைப் பராமரிப்பதில் பெரும்பாலான மக்கள் சிரமப்படுகின்றனர். பள்ளியில் விடுமுறை நாட்கள் தொடங்க இருப்பதால், குழந்தைகள் வெளியில் செலவிடும் நேரம் அதிகரிக்கத் தொடங்கும்.

கோடைக்கால விடுமுறை நாட்களில் குழந்தைகள் மகிழ்ச்சியாக விளையாட ஆர்வம் காட்டுவார்கள். ஆனால் அவை ஆரோக்கியமான உணவுப் பழக்கத்தை பராமரிப்பதை கடினமாக்கும். குறிப்பாக நீரிழிவு நோயால் பாதிக்கப்பட்ட குழந்தைகளை கவனமாக பார்த்துக்கொள்ள வேண்டும்.

வழக்கமான உணவுத் திட்டத்தின் ஒரு பகுதியாக, நீரிழிவு நோயால் பாதிக்கப்பட்ட குழந்தைகள் மற்றும் இளைஞர்கள் நல்ல உணவுப் பழக்கத்தை மேம்படுத்துவதற்காக ஆரோக்கியமான உணவுகளை சாப்பிடுவது முக்கியம். குழந்தைகளில், வகை 1 நீரிழிவு நோய் காணப்படுவது மிகவும் பொதுவானது. இது உங்கள் குழந்தை என்ன சாப்பிடுவதால் ஏற்படுகிறது? மற்றும் உணவு கடுப்பாடுகள் ஏன் இருக்கிறது என்பது பற்றி அவர்களுக்கு புரியாது.

டைப் 1 நீரிழிவு நோயை உணவால் ஏற்படுத்த முடியாது என்றாலும், சில உணவுகள் இரத்த சர்க்கரையை வித்தியாசமாக பாதிக்கிறது. எனவே உங்கள் குழந்தைகளுக்கு என்ன சாப்பிட கொடுக்க வேண்டும் என்றும் கோடைகால உணவுமுறையை பற்றியும் இங்கே தெரிந்துகொள்ளலாம்.

சர்க்கரை நோய் உள்ள குழந்தைகளுக்கு சிறந்த உணவுகள்
பொதுவாக, குழந்தைகள் ஒவ்வொரு நாளும் நான்கு உணவுக் குழுக்களின் உணவுகளை உட்கொள்ளலாம். அவை,

• பழங்கள் மற்றும் காய்கறிகள்
• தானியங்கள் மற்றும் ரொட்டி
• பாலில் இருந்து தயாரிக்கப்படும் பொருட்கள்
• இறைச்சி, கோழி, கடல் உணவு, முட்டை, பருப்பு வகைகள், நட்ஸ்கள் மற்றும் விதைகள்

• 

கார்போஹைட்ரேட் கொண்ட உணவுகள்
கார்போஹைட்ரேட் கொண்ட உணவுகள் இரத்த சர்க்கரை அளவை நேரடியாக பாதிக்கின்றன.

• சர்க்கரை அதிகம் நிறைந்த பழங்கள்
• ரொட்டி, அரிசி மற்றும் பாஸ்தா போன்ற தானியங்கள்
• பால் அல்லது தயிர் போன்ற சில பால் பொருட்கள்
• உருளைக்கிழங்கு மற்றும் சோளம் போன்ற மாவுச்சத்துள்ள காய்கறிகள்
• மிட்டாய் அல்லது இனிப்புகள் போன்ற சர்க்கரை உணவுகளை கொடுப்பதை தவிர்க்க வேண்டும். எனவே, ஒரு பெற்றோராக, உங்கள் நீரிழிவு குழந்தைக்கு சிறந்த மற்றும் ஆரோக்கியமான கோடைகால உணவுகளை வழங்குவது உங்கள் கடமை.

நீரிழிவு குழந்தைகளுக்கான கோடைகால உணவுகள்
பழங்கள்
நீரிழிவு நோயால் பாதிக்கப்பட்ட குழந்தைகள் தங்கள் உணவின் ஒரு பகுதியாக பல்வேறு பழங்களை உட்கொள்ள வேண்டும். ஆப்பிள், ஆரஞ்சு மற்றும் பீச் போன்ற பழங்களை பொதுவாக எடுத்துக்கொள்ளலாம். ஒருமுறை சாப்பிடும்போது, சுமார் 15 கிராம் கார்போஹைட்ரேட்டுகளை உங்கள் குழந்தைக்கு வழங்கலாம்.

தர்பூசணி, பாகற்காய் மற்றும் ராஸ்பெர்ரி உட்பட பெரும்பாலான கோடைகாலப் பழங்களில் அதே அளவு கார்போஹைட்ரேட் உள்ளது. கிரான்பெர்ரிகள், புளிப்பு செர்ரிகள் அல்லது திராட்சைகள் போன்ற சர்க்கரை சேர்க்கப்படாத இரண்டு தேக்கரண்டி உலர்ந்த பழங்களில் சுமார் 15 கிராம் கார்போஹைட்ரேட்டுகள் உள்ளன.

காய்கறிகள்
விரும்பத்தகாத உணவுப் பழக்கம் உள்ள குழந்தைகளுக்கு போதுமான காய்கறிகளை உட்கொள்வது கடினம். வெள்ளரி, குடைமிளாகாய், செலரி, ப்ரோக்கோலி மற்றும் காலிஃபிளவர் ஆகியவற்றை சிறிய துண்டுகளாக வெட்டலாம். இது ஒரு சிறந்த சிற்றுண்டி தேர்வாக இருக்கும். கோடையில், மாவுச்சத்து நிறைந்த காய்கறிகளை தவிர்க்க வேண்டும். ஏனெனில் அவற்றில் அதிகளவு கார்போஹைட்ரேட் உள்ளது.

இறைச்சி
சிவப்பு இறைச்சியில் இரும்புச்சத்து மற்றும் புரதம் உள்ளது என்றாலும், கோடை மாதங்களில் அதைத் தவிர்ப்பது நல்லது. இறைச்சியிலிருந்து ஊட்டச்சத்துக்களை ஜீரணிக்க மற்றும் ஒருங்கிணைக்க உடல் கடினமாக உழைக்க வேண்டும். மேலும் இது உடல் வெப்பநிலையை அதிகரிக்கிறது. எனவே, கோடை மாதங்களில் உங்கள் குழந்தைக்கு இறைச்சி நல்லதல்ல.

பால் பொருட்கள்
பாலாடைக்கட்டி, தயிர் மற்றும் பால் போன்ற பால் பொருட்கள் குழந்தைகளுக்கு கால்சியம், பொட்டாசியம், புரதம் மற்றும் வைட்டமின் டி உள்ளிட்ட ஊட்டச்சத்துக்களின் சிறந்த மூலமாகும் என்பதில் சந்தேகமில்லை. சாப்பிடுவதற்கு முன் லேபிளில் உள்ள ஊட்டச்சத்துகளை எப்போதும் நீங்கள் படிக்க வேண்டும்.

நீரிழிவு நோயால் பாதிக்கப்பட்ட குழந்தைகளுக்கு இதய நோய் அபாயத்தைக் குறைக்க, நீரிழிவு சங்கம் (டிஏ) பகலில் அல்லது கோடையில் நிறைவுற்ற கொழுப்பு குறைந்த உணவை உட்கொள்ள பரிந்துரைக்கிறது. கோடையில் பகலில் குளிர்ந்த பால் குடிப்பது அதிக நன்மை பயக்கும். இது உடல் சூட்டைக் குறைத்து, உடலை உள்ளிருந்து குளிர்விக்க உதவுகிறது. அதேசமயம் இரவில் பால் குடிக்க விரும்பினால், சூடான பால் குடிக்க வேண்டும்.