கர்ப்பிணிகளே! ஆண் குழந்தை பற்றிய எதிர்பார்ப்பு இருக்கா?

Pre Natal

oi-Jaya

By Mayura Akilan

Published: Tuesday, April 10, 2012, 17:25 [IST]

கர்ப்பமாக இருக்கும் பெண்களுக்கு தங்களுக்கு பிறக்கப்போகும் குழந்தையைப் பற்றி ஒரு கனவு இருக்கும். ஆணா, பெண்ணா என்ற ஒரு எதிர்பார்ப்பும் இருக்கும். பெண் குழந்தை என்றால் ஒருமாதிரியான அறிகுறிகள் இருக்கும். அதேபோல் ஆண் குழந்தை கருவில் இருந்தால் வித்தியாசமான அறிகுறிகள் தென்படும் என்றும் வீட்டில் உள்ள வயதானவர்கள் கூறுவார்கள். ஆனால் கர்ப்ப காலத்தின் தொடக்கத்தில் ஒரு பெண் உட்கொள்ளும் உணவின் தன்மைதான் அவளது குழந்தை ஆணாக உருவாகுமா அல்லது பெண்ணாக உருவாகுமா என்பதையும், அந்த குழந்தையின் ஆரோக்கியத்தையும் தீர்மானிக்கும் என்கிறார்கள் ஆய்வாளர்கள்!

கொழுப்புச்சத்துள்ள உணவுகள்

இது தொடர்பாக அண்மையில் கொலம்பியாவில் உள்ள மிஸ்சௌரி பல்கலைக்கழக மருத்துவ ஆராய்ச்சியாளர்கள் மேற்கொண்ட ஆய்வில், ஒரு பெண் கர்ப்ப காலத் தின் தொடக்கத்தில் காலை உணவை தவறாமல் உட்கொள்வதோடு, நல்ல கொழுப்பு சத்தான ஆகாரத்தையும் எடுத்துக்கொண்டால் ஆண் குழந்தை பிறக்க மிகப் பிரகாசமான வாய்ப்பு உள்ளதாக தெரிய வந்துள்ளது. அதுவே குறைந்த கொழுப்பு சத்துடைய உணவையும், உணவு இடை வேளையை நீண்ட நேரமாக வைத்துக்கொள்ளும் பெண்களுக்கு பெண் குழந்தை பிறக்க வாய்ப்புள்ளதாகவும் கூறுகிறார்கள் அந்த ஆய்வை மேற்கொண்ட மருத்துவ ஆராய்ச்சியாளர்கள்.

வயிறு சிறிதாக இருக்கும்

ஆண் குழந்தை என்றால் கர்ப்பிணிகளின் வயிறு சிறிதாக இருக்கும். அதே சமயம் பெண் குழந்தை என்றால் வயிறு பெரிதாக காணப்படும். அதேபோல் கர்ப்பிணிகள் அதிகம் குண்டாகமாட்டார்கள்.

அம்மாவின் அழகு

கருவில் உள்ள குழந்தை ஆணா, பெண்ணா என்பதை அம்மாவின் அழகு காட்டிக்கொடுத்துவிடும். ஆண் குழந்தை என்றால் அம்மாவின் அழகு மொத்தத்தையும் எடுத்துக்கொள்ளும் என்கின்றனர் வீட்டு பெரியவர்கள்.

அதேபோல் பெண்கள் வாழைப்பழம் அதிகம் உண்டாலோ, சோடியம், பொட்டாசியம் அதிகம் உள்ள இறால், அரிசி உணவுகள், உருளைக் கிழங்கு, பிரட் போன்ற உணவுகளை அதிகம் உண்பவர்களுக்கு ஆண்குழந்தை பிறக்க வாய்ப்புள்ளது என்கின்றனர்.

கருவில் உள்ள குழந்தை ஆணா, பெண்ணா என்பதை அறிந்து அதை கருவிலேயே அழிக்க நினைப்பது சட்டப்படி குற்றம். பிறக்கப்போகும் குழந்தை ஆணோ, பெண்ணோ எந்தக் குழந்தையாக இருந்தாலும் ஆரோக்கியமான குழந்தையாக பிறக்கவேண்டும் என்கின்றனர் ஆய்வாளர்கள்.