உங்களால் கருத்தரிக்க முடியும் என்பதை வெளிப்படுத்தும் அறிகுறிகள்!!!

ஆரோக்கியமான மாதவிடாய் சுழற்சி

ஒவ்வொரு மாதமும் தவறாமல் மாதவிடாய் சுழற்சி நடைபெற்றால், அத்தகையவர்களுக்கு கருத்தரிக்கும் தகுதி உள்ளது என்பதை தெரிந்து கொள்ளலாம். ஏனெனில் இப்படி முறையான மாதவிடாய் சுழற்சி நடைபெற்றால், ஹார்மோன்களானது சரியாக செயல்பட்டு, கர்ப்பமடைய நினைக்கும் போது பெரிதும் உதவியாக இருக்கும்.

ஓவுலேசன் சுழற்சி

ஓவுலேசன் சுழற்சியானது ஒவ்வொரு மாதமும் சரியாக நடைபெறுமானால், அதுவும் குழந்தை பெறும் தகுதி உள்ளது என்பதை தெளிவாக வெளிப்படுத்தும். பொதுவாக பெண்கள் அடுத்த மாதவிடாய் சுழற்சி வருவதற்கு 14 நாட்களுக்கு முன்னர் தான் ஓவுலேசன் காலமாகும். இக்காலத்தில் ஒருசில அறிகுறிகள் தென்படும். இது ஒவ்வொரு மாதமும் நடைபெற்றால், அவர்கள் கருத்தரிக்க தகுதியானவர்கள் என்பதை தெரிந்து கொள்ளலாம்.

உடல் எடை

உயரத்திற்கு ஏற்ற உடல் எடை இருந்தாலும், எளிதில் கருத்தரிக்க முடியும். ஆனால் உடல் எடை குறைவாகவோ அல்லது அதிகமாகவோ இருந்தால், பின் கருத்தரிப்பதில் பிரச்சனை தான் ஏற்படும். ஆகவே எப்போதும் உடல் எடையை சரியாக பராமரிக்க வேண்டும்.

நார்த்திசுக்கட்டிகள்

நார்த்திசுக்கட்டிகள் இல்லாமல் இருந்தால், கருத்தரிப்பதில் எந்த பிரச்சனையும் இருக்காது. ஆனால் இந்த கட்டிகளானது கருப்பையில் இருந்தால், அது மாதவிடாயின் போது கடுமையான வலியை ஏற்படுத்துவதோடு, அதிகப்படியான இரத்தப் போக்கையும் ஏற்படுத்தும்.

பால்வினை நோய்கள்

பால்வினை நோய்கள் இருந்தாலும், கருத்தரிக்க முடியாது. ஆகவே கருத்தரிக்க முயலும் போது, முடியாமல் போனால், அப்போது பால்வினை நோய் உள்ளதா என்று பரிசோதித்துக் கொள்ளுங்கள்.

நோய்த்தொற்றுகள்

வயிற்றில் பாக்டீரியல் தொற்றுகள் ஏற்பட்டிருக்கும் போது, அதனை முறையாக கவனித்து சரிசெய்யாவிட்டால், அது கருப்பை, கருமுட்டை குழாய்கள் மற்றும் இனப்பெருக்க பாதை போன்றவற்றை பெரிதும் பாதித்து, மலட்டுத்தன்மையை உண்டாக்கிவிடும். எனவே ஏதேனும் நோய்த்தொற்று இருந்தால், உடனே மருத்துவரை அணுகுங்கள்.

புகைப்பிடிக்கக்கூடாது

புகைப்பிடிப்பது ஆண்களுக்கு மட்டுமின்றி, பெண்களுக்கும் மலட்டுத்தன்மையை ஏற்படுத்திவிடும். எனவே நீங்கள் புகைப்பிடிப்பவராக இருந்தால், உடனே அதை நிறுத்திவிடுங்கள். இல்லாவிட்டால், அது மாதவிடாய் மற்றும் ஓவுலேசன் சுழற்சியின் இடையூறை ஏற்படுத்தி, முட்டைகளை பாதிக்கும்.