ஊழியர்களுக்கு ஜாக்பாட்.. EPF வட்டி விகிதம் 9% ஆக உயர்வு..? ரூ.5 லட்சத்திற்கு ரூ.45,000 கிடைக்கும்.!!

சம்பளம் பெறும் அரசு மற்றும் தனியார் நிறுவன ஊழியர்கள், பல ஆண்டுகளாக எதிர்பார்த்து காத்திருந்த ஒரு முக்கிய செய்தி தற்போது வெளியாகியுள்ளது. ஊழியர்களின் வருங்கால வைப்பு நிதி அமைப்பு (EPFO), வரவிருக்கும் 2025 மற்றும் 2026 ஆம் நிதியாண்டுகளுக்காக, வருங்கால வைப்பு நிதி வட்டி விகிதத்தை அதிகரிக்க தீவிரமாக ஆலோசித்து வருகிறது. தற்போது வெளியான தகவலின்படி, மத்திய அரசு இந்த வட்டி விகிதத்தை 9% ஆக உயர்த்தக் கூடும் என்று எதிர்பார்க்கப்படுகிறது. இது கடந்த ஆண்டின் விகிதத்தை விட குறிப்பிடத்தக்க அளவு அதிகம் ஆகும்.

7.5 கோடி உறுப்பினர்களுக்கு பலன் : இந்த அறிவிப்பு, நாடு முழுவதும் உள்ள சுமார் 7.5 கோடிக்கும் அதிகமான வருங்கால வைப்பு நிதி உறுப்பினர்களுக்குப் பயனளிக்கும் என்று எதிர்பார்க்கப்படுகிறது. தங்களது ஓய்வூதியச் சேமிப்புக்கு அதிக வருமானம் கிடைப்பதன் மூலம், அவர்களது எதிர்கால நிதி பாதுகாப்பு மேலும் பலமடையும்.

தற்போதுள்ள 8.25% வட்டி விகிதத்தில் இருந்து, 9% ஆக உயர்த்தப்பட்டால், ஊழியர்களுக்கு கூடுதல் 0.75% லாபம் கிடைக்கும். இந்த கோரிக்கையை EPFO அமைப்பு அடுத்ததாக கூடவிருக்கும் அறங்காவலர் குழு கூட்டத்தில் வைத்து விவாதிக்கும் என்றும், இதற்கான இறுதி ஒப்புதல் அடுத்த பிப்ரவரி மாதத்திற்குள் மத்திய அரசால் வழங்கப்படலாம் என்றும் எதிர்பார்க்கப்படுகிறது.

உதாரணமாக, ஒரு ஊழியரின் வருங்கால வைப்பு நிதி கணக்கில் ரூ.5,00,000 இருப்பு இருந்தால், 9% வட்டி விகிதத்தின் கீழ், அந்த ஊழியர் ஓராண்டில் ரூ.45,000 வட்டித் தொகையாகப் பெறுவார். இதேபோல, கணக்கில் ரூ.4,00,000 இருப்பு வைத்திருக்கும் ஊழியருக்கு ரூ.36,000 வழங்கப்படும். ரூ.3,00,000 இருப்பு வைத்திருக்கும் ஊழியருக்கு ரூ.27,000 வட்டியாக வழங்கப்படும்.

கடந்த ஆண்டை விட வட்டி விகிதம் உயரும்போது, உறுப்பினர்கள் தங்கள் நீண்ட காலச் சேமிப்பில், அதிக வருமானத்தைப் பெற்று, நிதிப் பாதுகாப்பை மேலும் பலப்படுத்திக்கொள்ள முடியும். இந்த அதிக வட்டி விகிதம் ஊழியர்களுக்குக் கிடைக்கும் கூடுதல் வருமானத்தை குறிக்கிறது.

EPF இருப்பை எளிமையாக சரிபார்க்கும் முறை : EPFO உறுப்பினர்கள் அனைவரும் தங்கள் PF இருப்பை, வட்டி வரவு வைக்கப்பட்ட பிறகு, ஆன்லைன் பாஸ்புக் மூலம் எளிதாக சரிபார்க்கலாம்.

முதலில் passbook.epfindia.gov.in என்ற பக்கத்திற்குச் செல்லவும்.

பின்னர், உங்களின் UAN எண் (Universal Account Number), கடவுச்சொல் மற்றும் கேப்ட்சா குறியீட்டைப் பயன்படுத்தி உள்நுழையவும்.

உள்நுழைந்த பிறகு, 'View' என்ற பிரிவின் கீழ் சென்று, 'View Passbook' என்பதை தேர்ந்தெடுக்கவும்.

இந்த விரைவான ஆன்லைன் முறை மூலம், PF உறுப்பினர்கள் தங்கள் பங்களிப்புகளை உடனடியாக கண்காணிப்பதுடன், அரசு அறிவித்த வட்டித் தொகை தங்கள் கணக்கில் வரவு வைக்கப்பட்டதா என்பதையும் உறுதி செய்து கொள்ளலாம். வட்டி விகித உயர்வு குறித்த அதிகாரப்பூர்வ அறிவிப்புக்காகக் கோடிக்கணக்கான PF ஊழியர்கள் ஆவலுடன் காத்திருக்கின்றனர்.

Credit: Goodreturns