Latest Updates
-
3 கத்திரிக்காய் இருந்தா.. இப்படி சட்னி செய்யுங்க.. இட்லி, தோசைக்கு வேற லெவல்-ல இருக்கும்.. -
நவம்பர் 14, 2026: இன்று இந்த 4 ராசிக்காரங்க கொடிகட்டி பறக்கப்போறாங்களாம் -
கேது கடக ராசிக்குள் செல்வதால் 18 மாதங்களுக்கு நரகத்தை அனுபவிக்கப்போகும் 4 ராசிகள் - உங்க ராசி இதுல இருக்கா? -
2026 ராகு-கேது பெயர்ச்சியால் மேஷம் முதல் மீனம் வரையிலான 12 ராசிகளுக்கும் எப்படி இருக்கும்? -
4 முட்டையும், 1 கப் தயிரும் இருந்தா இந்த பஞ்சாபி மசாலாவை செய்யுங்க - சப்பாத்தி, பூரிக்கு பக்காவா இருக்கும் -
தூங்க செல்வதற்கு முன் பாதத்தில் தேங்காய் எண்ணெயை தடவினால் கிடைக்கும் நன்மைகள் என்னென்ன தெரியுமா? -
உங்கள் இரத்தப் பிரிவு உங்கள் குணங்களைப் பற்றி என்ன சொல்கிறது தெரியுமா? -
இந்த 4 ராசிக்காரங்க அவங்க செய்த சத்தியத்தை எப்போதும் காப்பாற்ற மாட்டார்களாம் - உங்க ராசி இதுல இருக்கா? -
நாகர்கோவில் கருப்பட்டி பணியாரம் - எப்படி செய்றதுன்னு பாத்து ஒருடைம் ட்ரை பண்ணுங்க... -
அதிக பனியால் சருமம் சொரசொரன்னு இருக்குதா? அப்ப இந்த ஸ்க்ரப்பை வாரம் 1 முறை யூஸ் பண்ணுங்க..
உதட்டில் முத்தம் கொடுக்கும் போது கண்கள் ஏன் தானாக மூடுகிறது தெரியுமா? இதுல இவ்வளவு ரகசியம் இருக்கா?
அன்பை வெளிப்படுத்தும் சிறந்த வழியாக இருப்பது முத்தம்தான். எந்த உறவாக இருந்தாலும் அதில் அன்பை வெளிப்படுத்த முத்தமிடுவது என்பது ஒரு இயல்பான நிகழ்வாகும். முத்தமிடுவது எப்படி ஒரு இயல்பான செயலோ அதேபோல முத்தம் கொடுக்கும் போது கண்களை மூடுவதும் ஒரு இயல்பான செயல்தான். முத்தமிடும்போது பெரும்பாலானோர் இயல்பாகவே ஏன் கண்களை மூடிக்கொள்கிறார்கள் என்று நீங்கள் எப்போதாவது யோசித்திருக்கிறீர்களா?

இது நாம் சிந்தித்து செய்யும் விஷயமல்ல, இது தானாகவே நிகழக்கூடிய ஒரு அனிச்சை செயலாகும். அது ஒரு அவசர முத்தமாக இருந்தாலும் சரி அல்லது ரொமான்டிக்கான தருணமாக இருந்தாலும் சரி, கண்களை மூடிக்கொள்வது என்பது கிட்டத்தட்ட ஒரு இயல்பான செயலாகவே உள்ளது. ஆனால், இந்த பெரும்பாலான மக்களிடம் காணப்படும் இந்த பழக்கத்திற்குப் பின்னால் ஒரு அறிவியல் பூர்வமான காரணம் உள்ளது.
கண்களை மூடக் காரணம்
முத்தமிடும்போது பொதுவாக மக்கள் தங்கள் கண்களை மூடிக்கொள்வதற்கான முக்கிய காரணங்களில் ஒன்று, மூளை ஒரு விஷயத்தில் கவனம் செலுத்த உதவுவதாகும். நம் புலன்கள் எப்போதும் பார்வை, கேட்டல் மற்றும் உணர்தல் எனத் தொடர்ந்து தகவல்களைப் பெற்றுக்கொண்டே இருக்கின்றன. கண்கள் திறந்திருக்கும்போது, உங்களைச் சுற்றியுள்ள காட்சிகளைப் பற்றிய விவரங்களைச் செயலாக்குவதில் உங்கள் மூளை சுறுசுறுப்பாக இருக்கும். கண்களை மூடிக்கொள்வது அந்தத் காட்சிகளில் கவனம் செலுத்துவதைக் குறைக்கிறது. இதனால் முத்தத்தின் போது ஏற்படும் பிற உணர்வுகளான தொடுதல், கதகதப்பு மற்றும் உணர்ச்சிகள் போன்றவற்றில் மூளையால் அதிக கவனம் செலுத்த முடிகிறது. உண்மையில், கண்களை மூடுவதுதான் அந்தத் தருணத்தை முழுமையாக உணர உதவுகிறது.
ஆய்வு என்ன சொல்கிறது?
லண்டன் பல்கலைக்கழக ஆராய்ச்சியாளர்களின் ஆய்வு ஒன்றில், மக்கள் கண்களை திறந்திருக்கும் போது காட்சி சார்ந்த பணிகளில் கவனம் செலுத்தும்போது தொடு உணர்வைச் செயலாக்குவதை கடினமாக மாற்றுவது கண்டறியப்பட்டுள்ளது. இந்த ஆய்வு சொல்வது என்னவெனில், நம் கண்கள் திறந்திருந்து சுற்றுப்புறத்தை உன்னிப்பாகக் கவனிக்கும்போது, நமது தொடு உணர்வின் கூர்மை பலவீனமடைகிறது. கண்களை மூடிக்கொள்வதன் மூலம், முத்தத்தை முழுமையாக உணர்வதற்கு ஏற்றவாறு நம் மூளை விடுவிக்கப்படுகிறது. இதனால் அந்த தருணம் அதிக அர்த்தமுள்ளதாகவும், மகிழ்ச்சியானதாகவும் அமைகிறது.
கண்களை மூடுவதால் கிடைக்கும் நன்மை
முத்தமிடுதல் என்பது வெறும் உடல்ரீதியான செயல் மட்டுமல்ல, அது உணர்வுப்பூர்வமான ஒரு செயலும் கூட. கண்களை மூடிக்கொள்வது கவனச்சிதறல்களைத் தவிர்க்கவும், நெருக்கமான உணர்வை உருவாக்கவும் உதவும். பார்வையின் மூலம் ஏற்படும் இடையூறுகள் இல்லாதபோது, பலரும் தங்கள் துணையுடன் எளிதாக ஒன்றிணைவதையும், தாங்கள் அனுபவிக்கும் உணர்வுகளில் முழுமையாகக் கவனம் செலுத்துவதையும் உணர்கிறார்கள். இது பல தம்பதிகளுக்கு, அந்தத் தருணத்தை மிகவும் தனிப்பட்டதாகவும் மறக்க முடியாததாகவும் மாற்றுகிறது.
மற்றொரு காரணம்
முத்தமிடும் போது கண்களை மூடுவதற்கு மற்றொரு காரணம் உள்ளது. ஒருவரின் முகத்திற்கு மிக அருகில் இருக்கும்போது, பார்வையை ஒருமுகப்படுத்துவது மூளைக்குக் கடினமாக இருக்கலாம். சில சென்டிமீட்டர் தொலைவில் உள்ள பொருட்களைத் தெளிவாகப் பார்க்கும் வகையில் நமது கண்கள் வடிவமைக்கப்படவில்லை. மக்கள் முத்தமிடும்போது கண்களைத் திறந்து வைத்திருப்பது அவர்களுக்கு சங்கடமாகவோ அல்லது அசௌகரியமாகவோ கூடத் தோன்றலாம்.
கலாச்சாரமும் முக்கியப்பங்கு வகிக்கிறது
கலாச்சாரமும் இதில் முக்கிய பங்காற்றக்கூடும் என்று ஆய்வுகள் கூறுகிறது. திரைப்படங்கள், புத்தகங்கள் மற்றும் தொலைக்காட்சிகளில் காதல் முத்தங்கள் பெரும்பாலும் கண்கள் மூடிய நிலையில் காட்டப்படுகின்றன. காலப்போக்கில், மக்கள் ஆழ்மனதில் கண்கள் மூடியிருப்பதை அன்பு, நம்பிக்கை மற்றும் காதலோடு தொடர்புபடுத்திப் பழகிவிட்டதால், இந்தச் செயல் கிட்டத்தட்ட இயல்பான ஒன்றாக மாறிவிட்டது.



Click it and Unblock the Notifications

