உலகிலேயே முதலில் கடத்தப்பட்ட விமானம் எது? அந்த விமானத்தை கடத்திய முட்டாள்கள் யார் தெரியுமா?

தற்போது தொடர்ந்து நிகழ்ந்து வரும் விபத்துகளால் விமான போக்குவரத்து என்பது மிகவும் சர்ச்சைக்குரிய மற்றும் ஆபத்தான ஒன்றாக மாறிவருகிறது. விமான போக்குவரத்து உலக வரலாற்றை மாற்றியிருந்தாலும் விமானப் போக்குவரத்து வரலாற்றையே மாற்றிய நிகழ்வு என்னவென்றால் ஒரு கடல் விமானத்தை "விமானக் கொள்ளையர்கள்" கைப்பற்றியதிலிருந்து தொடங்கியது. ஹாங்காங் அஞ்சல் விமானக் கடத்தல் எப்படி விமானப் போக்குவரத்து வரலாற்றை எப்படி மாற்றியது என்று மேற்கொண்டு பார்க்கலாம்.

கடந்த காலங்களில் விமானங்கள் பணக்காரர்கள் மட்டுமே பயணிக்கக் கூடியதாக இருந்தது. மக்காவ் மற்றும் ஹாங்காங்கிற்கு இடையே ஒரு 'சிகரெட் விமானம்' திடீரென விபத்துக்குள்ளானது, மேலும் உயிர் பிழைத்த ஒரே நபர் வெவ்வேறு கதைகளைச் சொல்லி சந்தேகத்திற்குரியவராக நடந்து கொண்டது, உண்மையில் என்ன நடந்தது என்பதை அதிகாரிகள் ஆழமாக ஆராய வழிவகுத்தது.

விமானத்தில் கடத்தல்காரர்கள் இருந்தார்களா?

ஜூலை 16, 1948 அன்று, "மிஸ் மக்காவ்" விமானம் மக்காவ்விலிருந்து 27 பேருடன் புறப்பட்டது, ஆனால் அவர்களில் 4 பேருக்கு ஹாங்காங்கிற்குச் செல்லும் எண்ணம் இல்லாமல் இருந்தது. உயிர் பிழைத்தவர், 24 வயது விவசாயியான வோங் யூ, தனது மூன்று சக நண்பர்களுடன் சேர்ந்து, தங்களிடம் இருந்த அனைத்தையும் விற்று விமான டிக்கெட்டுகளை வாங்கி பயணித்தார், ஆனால் அவர் விமானியிடமிருந்து விமானத்தின் கட்டுப்பாட்டைப் பறிக்க முயன்றார். விமானத்தை கடத்துவதன் மூலம் கிடைக்கும் வருமானம் தங்களை பணக்காரர்களாக மாற்றும் என்று அவர்கள் நினைத்தனர், எனவே அவர்களில் ஒருவர் விமானத்தை ஓட்டக் கற்றுக்கொண்டார்.

வரலாற்றாசிரியர்களின் கூற்றுப்படி, விமானிகளை கட்டுப்பாட்டுக்கு கொண்டு வந்தவுடன் விமானத்தின் கட்டுப்பாட்டைப் பெற கடத்தல் குழுவின் தலைவர் விரும்பினார், ஆனால் எதிர்பாராத விதமாக அவரது திட்டங்கள் தவறாகிவிட்டது. விமானிகள் தீவிரமாக எதிர்ப்பார்கள் என்று கடத்தல்காரர்கள் எதிர்பார்க்கவில்லை, இதனால் அவர்கள் இருவரையும் சுட்டுக் கொன்றனர், இதனால் கேப்டனின் உடல் விமானத்தின் ஜாய்ஸ்டிக் மீது விழுந்தது, அது தென் சீனக் கடலில் விழுந்தது.

காவல்துறை எப்படி கண்டுபிடித்தது?

விமானத்தின் இடிபாடுகள் உயிர் பிழைத்தவர் சொன்ன அனைத்தும் பொய் என்பதை நிரூபித்தன. ஆனால் வோங்கின் மோசமான உடல் மற்றும் மன நிலையைப் பார்த்த பிறகு, காவல்துறையினர் கடுமையான வழிமுறைகளை கையாள முடியவில்லை. அதற்குப் பதிலாக அவர்கள் புத்திசாலித்தனமாக செயல்பட்டனர், நோயாளிகளின் வடிவத்தில் இரகசிய போலீசார் வோங்கிடம் சென்று அவருடன் நட்பாக பேசினர், இது இறுதியில் அவர் அவர்களிடம் எல்லாவற்றையும் ஒப்புக்கொள்ள வழிவகுத்தது.

விமானத்தின் கட்டுப்பாட்டைப் பெறுவது, மதிப்புமிக்க பொருட்களைத் திருடுவது மற்றும் மக்களை பிணைக்கைதிகளாக வைத்திருப்பதே அவர்களின் திட்டம் என்று அவர் ஒப்புக்கொண்டார், மேலும் யாரையும் கொல்வது அவர்களின் திட்டமாக இல்லை. 'விமானக் கொள்ளையர்கள்' தங்கள் துப்பாக்கிகளை தங்கள் சாக்ஸில் கட்டிக்கொண்டு பயணித்ததன் மூலம், அப்போதிருந்த குறைந்தபட்ச பாதுகாப்பு சோதனைகளில் இருந்து தப்பினர்.

'ஸ்கைஜாக்கிங்' எவ்வாறு உருவானது?

இந்த நிகழ்வு செய்தித்தாள்களில் பரவிய பிறகு, மக்களுக்கு அதிகமான யோசனைகள் கிடைத்தன, இது மிகவும் பொதுவானதாக மாறியது. விமானத் துறையின் வளர்ச்சி அடையும் போது, ஸ்கைஜாக்கிங் எண்ணிக்கையிலும் ஒரு ஏற்றம் ஏற்பட்டது. இது திருட்டு மற்றும் பிணைத்தொகையில் தொடங்கி, அரசியல் காரணங்களுக்காக கடத்தல்காரர்கள் மக்களைக் கொன்று விமானங்களை விபத்துக்குள்ளாக்கும் நிலைக்குச் சென்றது. 1968 முதல் 1972 வரை, விமான கடத்தல்கள் அதிகளவில் நடந்தது, ஒவ்வொரு ஆறு நாட்களுக்கும் ஒன்று நிகழ்ந்தது.

இந்த பொறுப்பற்ற தன்மை கடுமையான நடவடிக்கையைக் கொண்டு வந்தது, விமான நிலையங்கள் போலீஸ் மாநிலங்களாக மாறி, கடுமையான பாதுகாப்பு நடைமுறைகள் செயல்படுத்தப்பட்டன, அதன் பிறகு விமானக் கடத்தல்கள் எண்ணிக்கை வெகுவாகக் குறைந்துவிட்டது, தற்போது ஒரு விமானத்தை கடத்துவது என்பது அவ்வளவு எளிதான காரியமல்ல.