உலக வரலாற்றில் சாத்தானின் வருடம் என்று கூறப்படும் வருடம் எது தெரியுமா?

பூமியில் மனிதர்களின் ஆதிக்கம் தொடங்கி ஆயிரக்கணக்கான ஆண்டுகள் கடந்து விட்டது. மனிதர்கள் இதுவரை எண்ணற்ற இயற்கை பேரழிவுகள் முதல் செயற்கை பேரழிவுகள் வரை பலவற்றை சந்தித்து விட்டார்கள். ஒவ்வொரு பேரழிவும் மனிதர்களுக்கு ஒரு பாடத்தைக் கற்றுத் தந்துள்ளது. மனித வரலாற்றில் சில ஆண்டுகள் மிகவும் முக்கியமானது. அது நேர்மறையான காரணத்துக்காகவும், எதிர்மறையான காரணத்துக்காகவும் இருக்கலாம்.

பூமியின் வரலாற்றில் ​​1349 இல் ஏற்பட்ட கருப்பு மரணம் அல்லது 1918 இன் காய்ச்சல் தொற்றுநோயால் ஏற்பட்ட பேரழிவு போன்ற ஆண்டுகள் மிகவும் மோசமான ஆண்டுகளாக கருதப்படுகிறது. ஆனால் அது அதற்கு மனிதர்கள் வாழ்வதற்கே சிரமப்பட்ட ஒரு ஆண்டு உள்ளது என்பது உங்களுக்கு தெரியுமா?

வரலாற்றிசிரியர்களின் கூற்றுப்படி, 536 ஆம் ஆண்டு உயிருடன் இருப்பதற்கு மிக மோசமான காலமாகத் இருந்தது. இந்த ஆண்டு ஒரு மர்மமான மூடுபனியால் ஏற்பட்ட 18 மாத இருளுடன் தொடர்புடையது, இது ஐரோப்பா, மத்திய கிழக்கு மற்றும் ஆசியாவின் சில பகுதிகளில் பேரழிவுகளுக்கு வழிவகுத்தது. இந்த மூடுபனி, பிற இயற்கை மற்றும் மனிதனால் உருவாக்கப்பட்ட பேரழிவுகளுடன் இணைந்து, உலக வரலாற்றில் மோசமான ஆண்டாக இதை மாற்றியது.

536 ஆம் ஆண்டில், ஒரு மர்மமான மூடுபனி ஐரோப்பா, மத்திய கிழக்கு மற்றும் வடக்கு ஆசியாவை மூடியது, இந்த பகுதிகளை 18 மாதங்கள் பகல் மற்றும் இரவு முழுவதும் இருசூழ்ந்தது. இந்த காலகட்டத்தில் சூரியனானது சந்திரன் போல மங்கலான ஒளியை வெளிப்படுத்தியது. இது கோடை வெப்பநிலையை 1.5°C முதல் 2.5°C வரை குறைத்தது, கடந்த 2300 ஆண்டுகளில் இல்லாத அளவுக்குக் குளிரான ஒரு தசாப்தத்தைத் தொடங்கியது. இதனால் சீனாவில் கோடையில் பனி பெய்தது, பயிர்கள் வாடின, மனிதர்கள் பசியால் வாடினர். இந்த ஆண்டில் மட்டும் சுமார் 50 முதல் 100 மில்லியன் மக்களை வரை இறந்திருக்கலாம் என்று கணிக்கப்பட்டுள்ளது.

ஜஸ்டினியன் பிளேக்

மர்மமான மூடுபனியால் ஏற்பட்ட பாதிப்பு அதோடு நிற்கவில்லை. 541 ஆம் ஆண்டில், எகிப்தில் உள்ள ரோமானிய நகரமான பெலூசியத்தைத் ப்யூபோனிக் பிளேக் தாக்கியது. ஜஸ்டினியன் கொள்ளைநோய் என்று அழைக்கப்பட்ட இது, விரைவாகபரவி, கிழக்கு ரோமானியப் பேரரசின் மக்கள்தொகையில் மூன்றில் ஒரு பங்கு முதல் பாதி வரையிலானவர்களைக் கொன்று, நிலைமையை மேலும் மோசமாக்கியது.

இந்த மர்மமான மூடுபனி எப்படி உருவானது?

பல நூற்றாண்டுகளாக, இந்த மர்மமான மூடுபனி எப்படி உருவானது என்று வரலாற்றாசிரியர்கள் ஆச்சரியப்பட்டு வருகின்றனர். ஓரோனோவில் உள்ள மைனே பல்கலைக்கழகத்தின் (UM) காலநிலை மாற்ற நிறுவனத்தின் ஆராய்ச்சியாளர்களின் கூற்றுப்படி, 536 ஆம் ஆண்டின் தொடக்கத்தில் ஐஸ்லாந்தில் நிகழ்ந்த எரிமலை வெடிப்பு வடக்கு பகுதி முழுவதும் முழுவதும் சாம்பலை அனுப்பியது. 540 மற்றும் 547 இல் இரண்டு அடுத்தடுத்த எரிமலை வெடிப்புகள் நிகழ்ந்தன. பிளேக் உடன் மீண்டும் மீண்டும் நிகழ்ந்த இந்த எரிமலை வெடிப்புகள் ஐரோப்பாவை 640 வரை நீடித்த பொருளாதார தேக்க நிலைக்கு காரணமாக அமைந்தது.

இந்த பேரழிவிற்கான காரணம் என்ன?

1990 களில் நடத்தப்பட்ட ஆய்வுகள் 540 ஆம் ஆண்டு கோடைக்காலம் வழக்கத்திற்கு மாறாக குளிராக இருந்ததாகக் கூறியதிலிருந்து, ஆராய்ச்சியாளர்கள் அதற்கான காரணத்தைத் தேடி வருகின்றனர். பெர்ன் பல்கலைக்கழகத்தைச் ஆராய்ச்சி குழு, கடந்த 2500 ஆண்டுகளில் கிட்டத்தட்ட ஒவ்வொரு வழக்கத்திற்கு மாறாக குளிரான கோடைகாலமும் எரிமலை வெடிப்பால் ஏற்படுவதாகக் கண்டறிந்தது. 535 மற்றும் 540 இல் ஏற்பட்ட இரட்டை வெடிப்புகள் நீடித்த இருள் மற்றும் குளிரை விளக்கின.