உலகின் டாப் 10 புத்திசாலி விலங்குகள் என்னென்ன தெரியுமா? 10வது இடத்தில் இருக்குறத பார்த்தா ஷாக் ஆகிருவீங்க...!

பூமியின் மிகவும் புத்திசாலி உயிரினம் என்றால் அது மனித இனம்தான். ஆனால் மனிதர்களால் முடியாத சில காரியங்களை விலங்குகள் எளிதாக செய்து விடக்கூடும். இயற்கையின் படைப்பில் ஒவ்வொரு உயிரினமும் ஒரு விதத்தில் தனித்துவமானது மற்றும் ஒவ்வொரு உயிரினத்திடமும் ஒரு தனித்துவமான சிறப்பியல்பு இருக்கும்.

விலங்குகளின் புத்திக்கூர்மை என்பது நாம் கற்பனை செய்து பார்ப்பதை விட மிகவும் பெரியது. விலங்குகளின் புத்திசாலித்தனம் பற்றி நடத்தப்பட்ட ஆய்வில் பல ஆச்சர்யப்படுத்தும் தகவல்கள் வெளிவந்துள்ளன. இந்த ஆய்வுகளின் அடிப்படையில் பூமியின் புத்திசாலி விலங்குகள் என்னென்ன என்று பட்டியலிடப்பட்டுள்ளது. இந்த பட்டியலில் நாம் சற்றும் எதிர்பார்க்காத சில மிருகங்கள் இடம்பெற்றுள்ளன. இந்த பதிவில் பூமியின் டாப் 10 புத்திசாலி விலங்குகள் என்னென்ன என்று தெரிந்து கொள்ளலாம்.

ஒராங்குட்டான்

ஒராங்குட்டான்கள் அவற்றின் விதிவிலக்கான அறிவாற்றலால் இந்தப் பட்டியலில் முதலிடத்தில் உள்ளன. அவை மனிதர்கள் உபயோகிக்கும் கருவிகளை மிகவும் திறம்படப் பயன்படுத்த முடியும், மேலும் அவற்றால் சைகை மொழியைக் கூட கற்றுக்கொள்ள முடியும். அவற்றின் சமூக கட்டமைப்புகள் சிக்கலானவை, அவற்றின் உணர்ச்சி ஆழத்தை நிரூபிக்கும் சில தனித்துவமான சடங்குகளும் அவற்றிடம் உள்ளது.

பாட்டில்நோஸ் டால்பின்

பாட்டில்நோஸ் டால்பின்கள் புத்திசாலி விலங்காக அங்கீகரிக்கப்பட்டுள்ளது, மேலும் அவை மற்ற டால்பின்களை விட மிகப்பெரிய மூளையைக் கொண்டுள்ளன. அவை கண்ணாடியில் தன்னைத்தானே அடையாளம் கண்டுகொள்ள முடியும் மற்றும் ஒவ்வொரு சூழ்நிலைக்கும் குறிப்பிட்ட அழைப்புகளைக் கொண்ட ஒரு சிக்கலான மொழி அமைப்பைப் பயன்படுத்த முடியும்.

சிம்பன்சி

சிம்பன்சிகளின் மரபணுக்கள் மனிதர்களின் மரபணுக்களுடன் 98% ஒத்திருப்பதாக அறியப்படுகிறது. அவை கருவிகளை சிறப்பாக பயன்படுத்துவதாகவும், சிக்கலான விஷயங்களை எளிதில் கற்றுக்கொள்வதாகவும் அறியப்படுகின்றன. மேலும் மனித தலையீடு இல்லாமல் தங்கள் குலந்திகளுக்கு சைகை மொழியைக் கற்பிப்பதாக அறியப்படுகிறது.

யானை

நம்ப முடியாத நினைவாற்றல் மற்றும் விதிவிலக்கான உணர்ச்சி நுண்ணறிவுக்குப் பெயர் பெற்ற யானைகள், தங்கள் கூட்டத்தில் ஒருவர் இறந்துவிட்டால் அவர்களுக்காக இறுதி சடங்குகளைச் செய்கின்றன, மேலும் தங்கள் கூட்டத்தினரை பாதுகாப்பதன் மூலம் நட்பைக் கடைப்பிடிக்கின்றன.

ஆப்பிரிக்க க்ரே கிளி

ஆப்பிரிக்க க்ரே கிளிகள் நூற்றுக்கணக்கான வார்த்தைகளை மனப்பாடம் செய்து, வடிவங்கள் மற்றும் வண்ணங்களை எளிதில் அடையாளம் காண்பது எப்படியென்று கற்றுக்கொள்ளும். இந்த திறன் ஐந்து வயது குழந்தையின் திறனுக்கு இணையானது.

ஆக்டோபஸ்

முதுகெலும்பில்லாத உயிரினங்களிடையே தப்பிப்பதற்கும், வேட்டையாடுவதற்கும் ஆக்டோபஸ் தனித்துவமான திறன்களைக் கொண்டுள்ளன. அவை தங்களின் அனுபவத்திலிருந்து பாடங்களை கற்றுக்கொள்கின்றன மற்றும் நீண்டகால நினைவாற்றலைக் கொண்டுள்ள.

பன்றி

மிகச்சிறிய வயதிலேயே பிரதிபலிப்பு பற்றிய புரிதல் மற்றும் பலவிதமான குரல்களை உள்ளடக்கிய அவற்றின் வளமான தொடர்பு அமைப்பு காரணமாக, பன்றிகள் புத்திசாலித்தனத்தால் மிகவும் உயர்ந்தவையாக மதிப்பிடப்படுகின்றன.

காக்கா

காகங்கள் குறிப்பிடத்தக்க சிக்கல்களைத் தீர்க்கும் திறன்களைக் கொண்டுள்ளன, மேலும் அவற்றுக்கு கைகள் இல்லாவிட்டாலும் கருவிகளைத் திறம்படப் பயன்படுத்தக் கூடிய திறன் காகங்களுக்கு உள்ளது. அவை முகங்களைப் புரிந்துகொள்ளும் சிறந்த நினைவாற்றலைக் கொண்டுள்ளன, மேலும் கடந்த கால அனுபவங்களின் அடிப்படையில் அவற்றின் நடத்தைகளை மாற்றியமைக்கும்.

புறா

சமாதானத்தின் சின்னமாக கருதப்படும் புறாக்கள் கண்ணாடியில் தங்கள் பிரதிபலிப்புகளை அடையாளம் காண்பதன் மூலம் சுய விழிப்புணர்வை வெளிப்படுத்த்துகின்றன. அவற்றின் நீண்டகால நினைவாற்றல், அவை இருப்பிடங்களையும் தனிநபர்களையும் நீண்ட காலத்திற்கு நினைவில் வைத்திருக்க உதவுகிறது.

எலி

கிட்டதட்ட அனைத்து அறிவியல் பரிசோதனைகளும் பொதுவாக எலிகளைப் பயன்படுத்துகின்றன, ஏனெனில் அவை மனிதனைப் போன்ற அறிவாற்றலைக் கொண்டுள்ளன, மேலும் அவை ஆராய்ச்சிகளில் மிகவும் பயனுள்ளதாக இருக்கும் மற்றும் சமூக நடத்தைகளைக் கொண்டுள்ளன, இது அவற்றின் உணர்ச்சி நுண்ணறிவைக் குறிக்கிறது.