இந்தியாவில் தங்கம் உற்பத்தி செய்யும் டாப் 10 மாநிலங்கள் இதுதான்..தமிழ்நாடு எத்தனாவது இடத்தில் இருக்கு தெரியுமா

Top 10 Gold Producing States in India 2025: இந்தியாவில் தங்கம் என்பது வெறும் உலோகம் என்பதையும் தாண்டி அது கலாச்சாரத்திலும், திருமணங்களிலும், அனைத்து விழாக்களிலும் முக்கியப்பங்கு வைக்கிறது. தங்கம் உலோகம் என்பதையும் தாண்டி கௌரவத்தின் அடையாளமாக இருக்கிறது. உலகளவில் தங்கம் வாங்குவதில் இந்தியா முக்கியமான இடத்தில் இருந்தாலும், இந்தியாவில் சில மாநிலங்கள் மட்டுமே தங்கத்தை உற்பத்தி செய்கின்றன.

பண்டைய சுரங்க நகரங்கள் முதல் மண்ணில் ஆழமாகப் புதைக்கப்பட்ட பயன்படுத்தப்படாத இருப்புக்கள் வரை, இந்த மாநிலங்கள் ஒட்டுமொத்தமாக இணைந்து நாட்டின் தங்க மரபை உயிர்ப்புடன் வைத்திருக்கின்றன. இந்தியாவின் தங்க உற்பத்தியில் முன்னணி வகிக்கும் மாநிலங்கள் என்னென்ன என்று இந்த பதிவில் தெரிந்து கொள்ளலாம்.

கர்நாடகா

இந்தியாவின் மொத்த தங்க உற்பத்தியில் கர்நாடகா மாநிலம் கிட்டத்தட்ட 80% பங்களிக்கிறது, இது இன்றுவரை இந்தியாவின் மிகப்பெரிய தங்க உற்பத்தியாளராக உள்ளது. 103 மில்லியன் டன்களுக்கும் அதிகமான இருப்புக்களுடன், கர்நாடக மாநிலம் ஆண்டுக்கு சுமார் 1,553 கிலோ உற்பத்தி செய்கிறது. ராய்ச்சூரில் உள்ள ஹுட்டி தங்கச் சுரங்கங்கள் அதன் உற்பத்தியின் முதுகெலும்பாக உள்ளன, அதே நேரத்தில் புகழ்பெற்ற கோலார் தங்க சுரங்கம் இந்திய வரலாற்றில் மிகவும் முக்கியத்துவம் வாய்ந்தவை.

ஆந்திரப் பிரதேசம்

இரண்டாவது இடத்தில் ஆந்திரப் பிரதேசம் உள்ளது, இந்த மாநிலம் ஒவ்வொரு ஆண்டும் சுமார் 726 கிலோ தங்கத்தை உற்பத்தி செய்கிறது. அனந்தபூர், கர்னூல் மற்றும் சித்தூர் போன்ற மாவட்டங்கள் வளமான தங்க இருப்புகளைக் கொண்டுள்ளன, மேலும் இந்த பகுதியில் சுரங்க முயற்சிகள் படிப்படியாக வேகமடைந்து வருகின்றன.

ஜார்கண்ட்

ஜார்கண்ட் இந்த பட்டியலில் மூன்றாம் இடத்தில் உள்ளது. கனிம வளத்திற்கு பெயர் பெற்ற ஜார்கண்ட், இந்தியாவின் தங்க உற்பத்தியில் 11% பங்களிக்கிறது. இங்கு குந்தர்கோச்சா, பராசி மற்றும் பஹாடியா போன்ற பகுதிகளிலிருந்தும், சுபர்ணரேகா நதி மணலில் இருந்தும் கூட தங்கம் பிரித்தெடுக்கப்படுகிறது. அதன் விரிவான கனிமப் பகுதி காரணமாக வரும் காலங்களில் இந்த உற்பத்தி மேலும் அதிகரிக்கலாம் என்று எதிர்பார்க்கப்படுகிறது.

ராஜஸ்தான்

இந்தியாவின் தங்கத் தாது இருப்புக்களில் 25% ராஜஸ்தானிடம்தான் உள்ளது, குறிப்பாக புக்யா-ஜக்புரா பகுதியில் அதிக தங்க இருப்பு உள்ளது. இருப்பினும், உண்மையான உற்பத்தி இங்கு இன்னும் ஆரம்ப நிலையில்தான் உள்ளது. ராஜஸ்தானில் வருங்காலத்தில் தங்க உற்பத்தி அதிகரிக்க சிறப்பான வாய்ப்புள்ளது, மேலும் இங்கு தங்க உற்பத்தி பற்றி பல ஆய்வுகள் நடந்து வருகின்றன.

கேரளா

இந்த பட்டியலில் கேரளா ஐந்தாவது இடத்தில் உள்ளது. கேரளாவில், மலப்புரம் மற்றும் பாலக்காடு ஆற்றுப் படுகைகளில் உள்ள வண்டல் படிவுகளில் தங்கம் முதன்மையாகக் காணப்படுகிறது. புன்னை புழா மற்றும் சபியார் புழா போன்ற ஆறுகள் நுண்ணிய தங்கத் துகள்களைக் கொண்டுள்ளன, இருப்பினும் இங்கு செய்யப்படும் தங்க உற்பத்தி முழுமையாக ஆவணப்படுத்தப்படாமலும் உள்ளது.

பீகார்

இந்தியாவின் தங்கத் தாது இருப்பில் 44% பீகார் மாநிலத்தில் உள்ளது, குறிப்பாக ஜமுய் மாவட்டத்திலிருந்துதான் அதிகளவு தங்கம் உற்பத்தி செய்யப்படுகிறது. இருப்பினும், இங்கு நிலவும் நக்சல் பிரச்சினைகள் காரணமாக, இங்குள்ள தங்க இருப்புக்கள் பெரும்பாலும் பயன்படுத்தப்படாமல் உள்ளன.

மேற்கு வங்கம்

இந்தியாவின் தங்க இருப்பில் சுமார் 3% மேற்கு வங்கத்தில் உள்ளது, குறிப்பாக சோனாபதா பகுதியில் அதிக உற்பத்தி செய்யப்படுகிறது. இங்கு 12 மில்லியன் டன் தங்க இருப்பு இருப்பதாக கண்டறியப்பட்டுள்ளது, இருப்பினும் தற்போதைய உற்பத்தி இங்கு குறைவாகவே உள்ளது, ஆனால் எதிர்காலத்தில் அதிக விரிவாக்கத்திற்கான வாய்ப்பு உள்ளது.

தமிழ்நாடு

இந்த பட்டியலில் நம் தமிழ்நாடு எட்டாவது இடத்தில் உள்ளது. தமிழ்நாடு குறிப்பிட்ட அளவு தங்க இருப்புக்களை அடையாளம் கண்டுள்ள போதிலும், உண்மையான உற்பத்தியில் அதன் பங்களிப்பு மிகவும் குறைவாகவே உள்ளது. போதுமான அளவு சுரங்க நடவடிக்கைகள் இல்லாததால் இங்கு தங்க உற்பத்தி குறைவாகவே உள்ளது.

சத்தீஸ்கர்

சத்தீஸ்கர் சுமார் 4.8 மில்லியன் டன் தங்க இருப்புக்களை வைத்திருக்கிறது, குறிப்பாக பலோடை பகுதியை சுற்றி குறிப்பிட்ட அளவு தங்க இருப்பு உள்ளது. போதுமான அளவு தங்க உற்பத்தி இருந்தபோதிலும், சுரங்க செயல்பாடு மிகவும் குறைப்பதால், இங்கு தங்க உற்பத்தி குறைவாகவே உள்ளது.

மத்தியப் பிரதேசம்

மத்தியப் பிரதேசத்தில் சுமார் 7.9 மில்லியன் டன் இருப்பு உள்ளது, முக்கியமாக ஹர்தா பகுதிகளில். மத்தியப் பிரதேசத்தின் உற்பத்தி குறைவாக இருந்தாலும், சுரங்க உள்கட்டமைப்பில் எதிர்கால முதலீடுகள் அதிகரிக்கக்கூடும்.

இந்தியா தங்க உற்பத்தியை விட தங்க இறக்குமதியை பெரிதும் நம்பியிருக்கலாம், ஆனால் இந்த பத்து மாநிலங்களும் உள்நாட்டு உற்பத்தியில் முக்கிய பங்கு வகிக்கின்றன. மூலோபாய முதலீடுகள் மற்றும் தொழில்நுட்ப முன்னேற்றங்களுடன், பீகார் மற்றும் ராஜஸ்தான் போன்ற மாநிலங்களின் பயன்படுத்தப்படாத இருப்புக்கள் தங்க உற்பத்தியில் இந்தியாவின் சுயசார்பை கணிசமாக அதிகரிக்கக்கூடும்.