திருப்பதி செல்லும் பக்தர்களின் கவனத்திற்கு.. இனி லட்டு வாங்க ஆதார் கட்டாயமாம்.. ஏன் தெரியுமா?

உலகப்பிரசித்தி பெற்ற திருமலை திருப்பதி ஏழுமலையானை தரிசிக்க தினமும் லட்சக்கணக்கான பக்தர்கள் வருகை தந்தாலும் விடுமுறை நாட்களான வார இறுதி நாட்களில் நாட்டின் மூலை முடுக்ககளிலிருந்தும் திருமலைக்கு வருகை தருவார்கள்..

அதனால் திருமலை முழுக்கவும் பக்தர்கள் கூட்டம் நிரம்பி வழிகிறது. இப்போது பிரமோற்சவம் நடைபெற உள்ளதால் திருப்பதியில் பக்தர்கள் கூட்டம் கட்டுக்கடங்காத அளவிற்கு இருந்து வருகிறது. திருப்பதியில் அளவுக்கு அதிகமாக கூட்டம் இருப்பதால் ஏழுமலையானை பார்க்க பல மணி நேரம் ஆவதாக பக்தர்கள் தெரிவிக்கிறார்கள்.

அப்படி ஏழுமலையானை தரிசனம் செய்வதற்கு நிற்கும் கூட்டத்திற்கு இணையாக லட்டு பிரசாதம் வாங்குவதற்கு நிற்கும் கூட்டமும் அதிகமாக இருக்கும்.. காரணம் திருப்பதி லட்டு அவ்வளவு சுவை மிகுந்ததாக இருக்கும்.. அதனால் அந்த லட்டு பிரசாதம் வாங்குவதில் பல முறைகேடுகள் நடப்பதாக பல காலமாக புகார்கள் எழுந்து கொண்டிருக்கும் நிலையில், லட்டு பிரசாதம் பெறுவதற்கான நடைமுறையில் புதிய விதிகளை கொண்டு வந்துள்ளது திருமலை திருப்பதி தேவஸ்தானம்.. அதுமட்டுமல்லாமல் அது எதற்காக கொண்டு வரப்பட்டுள்ளது என தேவஸ்தானம் விளக்கமும் அளித்துள்ளது.

பொதுவாக திருமலைக்கு வரும் ஒவ்வொரு பக்தர்களும் சராசரியாக 10 முதல் 20 லட்டுகளை வாங்கி செல்கின்றனர். டிடிடி ஒவ்வொரு ஆண்டும் தேவைக்கேற்ப லட்டு உற்பத்தியை அதிகரித்து வருகிறது. தற்போது டிடிடி ஒரு நாளைக்கு 3 லட்சத்து 20 ஆயிரம் லட்டுகளை தயாரித்து வருகிறது. பிரதிநித்யம் பூண்டி வெப்ப திரவ முறையில் தயாரிக்கப்படுகிறது. இவ்வாறு தயாரிக்கப்படும் லட்டுகளை கோயிலின் பின்புறம் உள்ள லட்டு வளாகத்தில் திருப்பதி தேவஸ்தானம் விநியோகம் செய்கிறது.

சில ஆண்டுகளுக்கு முன் இலவச லட்டுக்களுடன் 10 ரூபாய் லட்டு ஒன்று பக்தர்களுக்கு பிரசாதமாக வழங்கப்பட்டது. மூலப்பொருட்களின் விலைகள் அவ்வப்போது அதிகரித்து வருவதால்... அந்த லட்டு விலை ரூ. 25 ஆக உயர்ந்தது.. ஸ்ரீவாரி புஷ்கரிணி அருகே சிறப்பு கவுன்ட்டர் அமைக்கப்பட்டுள்ளது. அதன் பிறகு லட்டு விலை ரூ. 50 ஆகவும், நேரடியாக கவுண்டரில் விற்பனை செய்யவும் நடவடிக்கை எடுக்கப்பட்டுள்ளது. பின்னர், 2019-2024 க்கு இடையில் பல்வேறு தரிசனங்களுக்கு வழங்கப்பட்ட லட்டுகளையும் தேவஸ்தானம் ரத்து செய்தது. எந்த ஒரு தரிசனத்திற்கும் இலவச லட்டு கொடுக்க முன்மொழியப்பட்டது.

திருமஞ்சன சேவைக்காக வழங்கப்பட்ட கல்யாணம் லட்டு... வடை, ஆர்ஜித சேவைக்காக வழங்கப்பட்ட இரண்டு லட்டுகள் நீக்கப்பட்டு ஒரே ஒரு சாதாரண லட்டு மட்டுமே வழங்கப்பட்டது. கடந்த ஆட்சியில் லட்டு கவுண்டர்களில் பக்தர்கள் கேட்கும் அளவுக்கு லட்டுகள் விநியோகம் செய்யப்பட்டு வந்தது. பக்தர்கள் கூட்டம் அவ்வப்போது அதிகரித்து வருவதால், ஒவ்வொரு பக்தர்களுக்கும் தலா இரண்டு லட்டுகள் வழங்கப்பட்டன. பல்வேறு காரணங்களால் தரிசனத்திற்கு செல்ல முடியாத சில பக்தர்கள் லட்டு பிரசாதம் எடுத்து செல்கின்றனர். தற்போது தேவஸ்தானம் புதிய கொள்கையை அறிமுகப்படுத்தி அறிக்கை ஒன்றை வெளியிட்டுள்ளது..

அதில்,” திருமலை திருப்பதி ஏழுமலையான் கோவிலில் இனி தரிசனத்திற்கு மட்டுமின்றி, லட்டு வாங்குவதற்கும் ஆதார் அட்டை கட்டாயம் காட்ட வேண்டும் என திருமலை திருப்பதி தேவஸ்தானம் அதிரடி அறிவிப்பு ஒன்றை நேற்று வெளியிட்டுள்ளது. இந்த அதிரடி அறிவிப்பிற்கு என்ன காரணம் என்பது குறித்து, தேவஸ்தானத்தில் கூடுதல் இஓ வெங்கைய்யா செளத்ரி விளக்கமும் அளித்துள்ளார். தேவஸ்தானத்தின் இந்த புதிய உத்தரவு பக்தர்களிடம் அதிர்ச்சியை ஏற்படுத்தி உள்ளது”.

திருப்பதி தேவஸ்தானம் கூடுதல் EO வெங்கையா சவுத்ரி கூறுகையில்,” அதில் லட்டு கொள்கையில் எந்த மாற்றமும் இல்லை என்றார். ஏழுமலையானை தரிசிக்கும் ஒவ்வொரு பக்தருக்கும் ஒரு லட்டு இலவசமாக வழங்கப்படுகிறது என்றார்.. பக்தர்களின் தேவைக்கேற்ப லட்டுகளை வினியோகித்து வருகின்றனர். எங்கள் ஆய்வுக்கு வந்த புள்ளிகளின்படி சிறிய மாற்றத்தை கொண்டு வந்துள்ளோம் என தெளிவுபடுத்தப்பட்டுள்ளது. பக்தர்கள் மட்டுமின்றி புரோக்கர்கள் அதிகளவில் லட்டுகளை வாங்கி வெளியில் அதிக விலைக்கு விற்பனை செய்கின்றனர்.

தரிசனத்திற்கு செல்லாமல் லட்டு வாங்குபவர்களுக்கு ஆதார் அட்டையில் இரண்டு லட்டுகள் மட்டுமே விற்பனை செய்யப்படும். இந்த அமைப்பின் மூலம் சாமானிய பக்தர்களுக்கு முன்னுரிமை அளிக்கலாம் என தெளிவுபடுத்தப்பட்டது. அதனால் தரிசனத்திற்கு செல்லும் ஒவ்வொரு பக்தர்களுக்கும் கூடுதலாக 4 லட்டுகள் வழங்க நடவடிக்கை எடுக்கப்பட்டுள்ளது. கிடைக்கும் லட்டுகளுக்கு ஏற்ப லட்டு விநியோகம் செய்யப்படும். சாமானிய பக்தனுக்கு இது சிறந்த முடிவாக இருக்கும்.. தரகர்களுக்கு கசப்பான முடிவு.. இதுவரை ஒரு டோக்கனுக்கு ஒரு லட்டு மட்டுமே வழங்கப்படும். ரூ.50 விலையில் கூடுதல் லட்டுகள் வழங்கப்படுகிறது. ஆனால் இனி ஆதார் எண் காட்டினாலும் ஒரு நபருக்கு 2 கூடுதல் லட்டுகள் மட்டுமே வழங்கும் முறை அமல்படுத்தப்பட்டுள்ளது” என்று தெளிவுபடுத்தினார்.

இதுவரை திருப்பதியில் தரிசனம் மற்றும் தங்கும் அறைகள் முன்பதிவிற்கு மட்டும் தான் ஆதார் எண் கட்டாயம் என்ற நடைமுறையில் இருந்து வந்தது. இந்நிலையில் தற்போது லட்டு வாங்குவதற்கும் ஆதார் அட்டை கட்டாயம் என்ற நடைமுறை கொண்டு வரப்பட்டுள்ளது குறிப்பிடத்தக்கது...