மிதுனம் செல்லும் சூரியனால் இந்த 4 ராசிக்காரர்களின் பிரச்சனை அதிகரிக்கப் போகுது.. உங்க ராசி இதுல இருக்கா?

மேஷம்

சூரிய பெயர்ச்சியால், மேஷ ராசிக்காரர்கள் குடும்ப வாழ்க்கையில் சில சவால்களை சந்திக்க நேரிடும். தந்தையின் உடல்நிலை மோசமடையக்கூடும். எனவே இக்காலத்தில் உங்கள் தந்தையின் ஆரோக்கியத்தில் சிறப்பு கவனம் செலுத்துங்கள். அதே வேளையில், உங்கள் இளைய உடன்பிறப்புகளுடனான உறவு மோசமடைய வாய்ப்புள்ளது. தொழில் ரீதியாக, வியாபாரிகளுக்கு வியாபாரத்தில் முன்னேற்றம் ஏற்படும். ஆனால் பணிபுரிபவர்கள் சில பிரச்சனைகளை சந்திக்க நேரிடும்.

துலாம்

சூரியனின் ராசி மாற்றத்தால், துலாம் ராசிக்காரர்கள் பல சிரமங்களை சந்திக்க நேரிடும். மாணவர்கள் விரும்பிய முடிவைப் பெற முடியாமல் போகலாம். மேலும் நிதி இழப்புகளும் ஏற்படலாம். எனவே கவனமாக இருங்கள். வியாபாரிகள் நிறைய சிரமங்களை சந்திக்க நேரிடும். இருப்பினும் மனதை அமைதியாக வைத்துக் கொள்ள முயற்சி செய்யுங்கள்.

விருச்சிகம்

சூரிய பெயர்ச்சியால் விருச்சிக ராசிக்காரர்கள் உடல்நலத்தில் அக்கறை காண்பிக்க வேண்டும். ஏனெனில்இக்காலத்தில் எலும்புகள் மற்றும் வயிறு தொடர்பான பிரச்சனைகளை சந்திக்கலாம். இரவு நேரத்தில் ஜங்க் உணவுகள் உண்பதைத் தவிர்க்கவும். மேலும் இக்காலத்தில் பண விஷயத்தில் கவனமாக இருக்க வேண்டும். அதிக பணம் சம்பாதிக்கும் போது கவனமாக இருங்கள். பணியிடத்தில் சக ஊழியர்களிடம் வாக்குவாதம் செய்வதைத் தவிர்த்திடுங்கள். சிலருக்கு இக்காலத்தில் சில இடங்களிலிருந்து நிதி ஆதாயம் கிடைக்கும்.

தனுசு

சூரிய பெயர்ச்சியால் திருமணமான தனுசு ராசிக்காரர்கள் கவனமாக இருக்க வேண்டும். சிறு சிறு விஷயங்களால் கூட வாழ்க்கைத் துணையுடன் சச்சரவுகள் ஏற்படலாம். கூட்டு தொழில் செய்பவர்கள் தங்கள் தொழில் கூட்டாளர் மீது சந்தேகம் கொள்ளலாம். காதலிப்பவர்கள், இக்காலத்தில் காதலன்/காதலியுடன் சில நல்ல நேரத்தை செலவிட வாய்ப்புகள் கிடைக்கும்.

சூரிய தோஷத்தைப் போக்கும் பரிகாரங்கள்

சூரியனுக்கு உகந்த நாள் ஞாயிற்றுக்கிழமை. இந்த ஞாயிற்றுக்கிழமைகளில் காலையில் எழுந்தது நீராடி, சூரியனுக்கு சிவப்பு மலர்களை வழங்கி வணங்குங்கள். ஞாயிற்று கிழமைகளில் ஏழைகளுக்கு இனிப்புகளை வழங்குங்கள். மேலும் சூரிய உதயத்தில் ஆதித்ய ஹிருதய ஸ்தோத்திரம் பாராயணம் செய்வதும் பயனுள்ளதாக இருக்கும். அதோடு துறவிகளுக்கும் பசுக்களுக்கும் தவறாமல் உணவளியுங்கள். ஞாயிற்றுக்கிழமைகளில் விரதம் இருங்கள் மற்றும் இந்நாளில் வீட்டை விட்டு வெளியேறும் முன் இனிப்புகளை சாப்பிடுங்கள்.