சூரியன்-கேது உருவாக்கும் கிரகண தோஷத்தால் மிகவும் கவனமாக இருக்க வேண்டிய ராசிக்காரர்கள் யார்யார் தெரியுமா?

மேஷம்

சூரியன் மற்றும் கேதுவின் சேர்க்கை மேஷ ராசிக்காரர்களுக்கு சற்று வலிமிகுந்ததாக இருக்கும். குறிப்பாக ஆரோக்கியத்தில் பிரச்சனைகளை சந்திக்க நேரிடும். ஏற்கனவே இதய பிரச்சனை உள்ளவர்கள் இக்காலத்தில் இன்னமும் கவனமாக இருக்க வேண்டும். வியாபாரம் செய்பவர்கள் இக்காலத்தில் நஷ்டத்தை சந்திக்க வாய்ப்புள்ளது.

சிம்மம்

சிம்ம ராசியின் அதிபதி சூரியன். இந்த சூரியன் கேதுவுடன் இணைவது இந்த ராசிக்காரர்களுக்கு கெடு பலன்களை தரும். முக்கியமாக ஆரோக்கிய விஷயத்தில் சிம்ம ராசிக்காரர்கள் கவனமாக இருக்க வேண்டும். விபத்து ஏற்பட வாய்ப்புள்ளதால், பயணம் மேற்கொள்ளும் போது கவனமாக இருக்க அறிவுறுத்தப்படுகிறது. வணிகத்தில் முதலீடு செய்ய விரும்பினால், இக்காலத்தில் அதை செய்யாதீர்கள். ஏனெனில் இக்காலமானது உங்களுக்கு சாதகமாக இல்லை.

துலாம்

சூரியன் மற்றும் கேதுவின் சேர்க்கையால் வியாபாரத்தில் நஷ்டம் ஏற்படலாம். வணிகம் தொடர்பான பயணம் செய்ய திட்டமிட்டிருந்தால், அதை சற்று ஒத்தி வையுங்கள். ஏனெனில் விபத்து ஏற்பட வாய்ப்புள்ளது. கூட்டு தொழில் தொடங்காமல் இருப்பது நல்லது. ஆரோக்கியத்தைப் பொறுத்தவரை, வயிறு மற்றும் இதயம் தொடர்பான பிரச்சனைகளை சந்திக்க நேரிடும். இதய நோயாளியாக இருந்தால், மருந்து மாத்திரைகளை சரியான நேரத்தில் சாப்பிடுங்கள்.

பரிகாரம்

சூரியன் மற்றும் கேதுவின் சேர்க்கையால் சந்திக்கும் பிரச்சனைகளைத் தவிர்க்க சூரியன் மற்றும் கேதுவின் பீஜ மந்திரத்தை பாராயணம் செய்ய வேண்டும். இது தவிர சூரியன் மற்றும் கேது தொடர்பான பொருட்களை தானம் செய்வது நல்லது.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)