ஸ்வப்ன சாஸ்திரப்படி, கனவில் இந்த மிருகங்களைப் பார்த்தால் அதிர்ஷ்டம் அடிக்கப் போகுதுன்னு அர்த்தமாம்..

கனவில் யானையைப் பார்ப்பது

ஸ்வப்ன சாஸ்திரத்தின் படி, கனவில் யானையைக் கண்டால், அது நல்லது நடக்கப் போவதைக் குறிக்கிறது. அதோடு கனவில் யானையைப் பார்ப்பது நல்ல அதிர்ஷ்டத்துடன், மகிழ்ச்சி மற்றும் செழிப்பு அதிகரிப்பதைக் குறிக்கிறது. அதிலும் நீங்கள் யானை மேல் சவாரி செய்வது போல் கனவு கண்டல், வீட்டில் அமைதியும், மகிழ்ச்சியும் நிறைந்திருக்கும் மற்றும் செல்வம் பெருகும் என்றும் அர்த்தம்.

கனவில் பசுவைப் பார்ப்பது

ஸ்வப்ன சாஸ்திரத்தின் படி, கனவில் பசுவைப் பார்ப்பது மிகவும் மங்களகரமானதாக கருதப்படுகிறது. அதுவும் பசு கனவில் வருவது உங்கள் வாழ்க்கையில் மகிழ்ச்சி அதிகரிக்கப் போவதைக் குறிக்கிறது. கனவில் வெள்ளை நிற மாடு வந்தால், வெள்ளை நிறம் தொடர்பான விஷயங்களில் பலன்கள் கிடைக்கும் என்று அர்த்தம். அதுவே பசு கன்று கனவில் தெரிந்தால், செல்வம் பெருகப் போகிறது என்று அர்த்தம்.

கனவில் நாயைப் பார்ப்பது

கனவில் நாயைப் பார்ப்பது நல்ல அறிகுறி. ஸ்வப்ன சாஸ்திரத்தின் படி, கனவில் நாய் கடித்தால், நீங்கள் பெரிய பிரச்சனைகளில் இருந்து விடுபடப் போகிறீர்கள் என்று அர்த்தம். அதுவே நாய் உங்கள் கனவில் ஓடினால், அது உங்கள் வாழ்க்கையில் முன்னேற்றத்தின் அறிகுறியாகும்.

கனவில் பூனையைப் பார்ப்பது

கனவில் பூனையைக் கண்டால், அதுவும் நல்ல அறிகுறியாகும். அதுவும் கனவில் காட்டுப் பூனையைப் பார்த்தால், உங்கள் இலக்கு நிறைவேறப் போகிறது என்று அர்த்தம். அதாவது தொழில், வாழ்க்கை என்று எதை நினைத்தாலும் அது நிறைவேறும்.

கனவில் தவளையைப் பார்ப்பது

கனவில் ஒரு தவளையை உங்கள் கையில் வைத்திருப்பது போன்று கண்டால் அது நல்ல அறிகுறியாகும். கனவில் தவளையைப் பார்ப்பது உங்கள் வேலையில் நீங்கள் நிச்சயம் வெற்றி பெறுவீர்கள் என்பதைக் குறிக்கிறது. மேலும் பல புதிய வழிகள் உங்களுக்கு திறக்கும்.