பொங்கலன்று ஏன் சூரிய பகவானை வழிபட வேண்டும்? அதனால் கிடைக்கும் நன்மைகள் என்ன தெரியுமா?

சூரிய பூஜை

பொங்கல் பண்டிகையின் முக்கிய தெய்வம் சூரிய கடவுள். எனவே பொங்கல் பண்டிகையின் அனைத்து சடங்குகளும் சூரியனை வணங்குவதைச் சுற்றியே உள்ளன. பொங்கல் அன்று வீட்டிற்கு வெளியே சூரிய பூஜை செய்யப்படுகிறது.

பொங்கல் கோலம் வரைதல்

பூஜைக்கு தேர்ந்தெடுக்கப்பட்ட இடம் நன்கு சுத்தம் செய்யப்பட்டு சூரிய கோலம் வரையப்படுகிறது. கோலம் என்பது வெள்ளைப் பொடியால் செய்யப்பட்ட ஒரு வகையான ரங்கோலி. சூரிய கோலம் சூரியனின் முகத்துடன் வரையப்பட்டுள்ளது. மக்கள் பொதுவாக மயில், கரும்பு, கொதிக்கும் பொங்கல் மற்றும் செழிப்பைக் குறிக்கும் பொருட்களையும் வரைவார்கள்.

உணவு

பொங்கல் சூரிய பூஜையில் உணவு மிக முக்கியமான பகுதியாகும். இந்த நாளில் பொங்கல் உணவு குறிப்பாக வீட்டிற்கு வெளியே தயாரிக்கப்படுகிறது. மூன்று கரும்பு குச்சிகளை ஒன்றாகக் கட்டி ஒரு விதானம் அமைக்கப்படுகிறது. ஒரு பானையில் மஞ்சள் செடியைக் கட்டி பொங்கல் சமைப்பார்கள். இது செழிப்பின் அடையாளமாகும்.

பிரார்த்தனை

சூரிய பூஜையின் போது சூரிய அஷ்டோத்திரம் அல்லது காயத்ரி மந்திரம் கூறப்பட்டு பூஜை செய்யப்படுகிறது. இது சூரிய பகவானுக்கு தங்களின் நன்றியை செலுத்துவதுடன் சூரிய தேவரின் ஆசியையும் பெற்றுத்தருகிறது.

பூஜைக்கு பின் என்ன செய்ய வேண்டும்?

பூஜை முடிந்ததும் புனித நீர் மற்றும் பூக்கள், கோலம் மற்றும் பொங்கல் சாப்பாட்டின் மீது தெளிக்கப்படுகின்றன. இறுதிப் பிரார்த்தனைக்குப் பிறகு, அனைவருக்கும் உணவு விநியோகிக்கப்படுகிறது.

சூரியனின் பிரதிபலிப்பு

சில தென்னிந்திய பகுதிகளில், தண்ணீர் நிரப்பப்பட்ட பாத்திரத்தில் சூரியனின் பிரதிபலிப்பைப் பார்க்கும் வழக்கம் உள்ளது. சில சமூகங்கள் தண்ணீரில் மஞ்சள் மற்றும் குங்குமம் சேர்த்து பிரதிபலிப்பைப் பார்க்கின்றன. மற்றொரு தனித்துவமான சடங்கு, விரல்களுக்கு இடையில் உள்ள இடைவெளியில் சூரியனைப் பார்ப்பது.