நவம்பர் மாதம் இந்த 4 ராசிக்கு அதிர்ஷ்டமான மாசமா இருக்கப் போகுது.. உங்க ராசி இதுல இருக்கா?

2021 நவம்பர் மாத கிரக மாற்றங்கள்

நவம்பர் மாதம் 02 ஆம் தேதி புதன் கன்னியில் இருந்து துலாம் ராசிக்கு இடம் மாறுகிறது. அதற்கு பின் நவம்பர் 16 ஆம் தேதி சூரியன் துலாம் ராசியில் இருந்து விருச்சிக ராசிக்கு இடம் மாறுகிறது. பின்னர் நவம்பர் 20 ஆம் தேதி சுப கிரகமான குரு கும்ப ராசியில் நுழைகிறது. நவம்பர் மாதத்தில் நடக்கும் இந்த மூன்று கிரகங்களின் இட மாற்றத்தால் பின்வரும் ராசிக்காரர்களுக்கு அதிர்ஷ்டமான காலமாக இருக்கப் போகிறது.

மேஷம்

நவம்பர் மாதத்தில் மேஷ ராசிக்காரர்கள் பலவிதமான மகிழ்ச்சியைப் பெறுவார்கள். ஆரம்ப காலத்தில் புதன் கன்னி ராசியில் இருந்து துலாம் ராசிக்கு நுழையும் போது, மேஷ ராசிக்காரர்களுக்கு முன்னேற்றத்திற்கான வாய்ப்புகள் அதிகம் கிடைக்கும். உத்யோகத்தில் எதிர்பார்த்த சம்பளம் கிடைக்கும். வியாபாரத்திலும் நல்ல லாபம் கிடைக்க வாய்ப்புள்ளது. இது தவிர சூரியன், குரு ஆகிய கிரகங்களின் இடமாற்றமும் மேஷ ராசிக்காரர்களுக்கு சுபமாக அமையும்.

மிதுனம்

மிதுன ராசிக்காரர்களுக்கு சில நாட்களாக இருந்து வந்த பிரச்சனைகள் நவம்பர் மாதத்தில் படிப்படியாக குறையும். தொழிலில் வெற்றி கிடைக்கும். குரு பகவான் கும்ப ராசியில் நுழைவதால் படிப்பு மற்றும் வேலையில் நல்ல முன்னேற்றம் இருக்கும்.

கன்னி

நவம்பர் மாதத்தில் நடக்கும் சூரியனின் இடமாற்றம் கன்னி ராசிக்காரர்களுக்கு மிகவும் பயனுள்ளதாக இருக்கும். வியாபாரத்தில் புதிய சாதனைகள் உருவாகும். புதிய தொழிலுக்கு அடித்தளம் அமைப்பதில் வெற்றி பெறுவீர்கள். மேலும் அனைத்து கிரகங்களிலும் மிகவும் சுப கிரகமாக கருதப்படும் குரு, கன்னி ராசிக்காரர்களுக்கு சாதகமான பலன்களைக் கொடுக்கும்.

மகரம்

மகர ராசிக்காரர்களுக்கு நவம்பர் மாதத்தில் லாபம் அதிகமாக இருக்கும். பணிபுரிபவர்களுக்கு இந்த மாதம் அற்புதமாக இருக்கும். அதே நேரத்தில் சமூகத்தில் உங்கள் மரியாதை அதிகரிக்கும். மேலும் புதிதாக ஏதாவது செய்ய வேண்டும் என்ற ஆர்வம் உங்கள் மனதில் தோன்றும். அதோடு அதில் நீங்கள் நூறு சதவீதம் வெற்றியும் பெறுவீர்கள்.