மகாளய பட்சத்தின் போது மறந்தும் இந்த தவறுகளை செஞ்சுடாதீங்க... அப்புறம் பாவமாயிடும்...

அசைவம் கூடாது

மகாளய பட்ச காலத்தின் போது சைவ உணவை மட்டுமே உட்கொள்ள வேண்டும். அந்த 16 நாட்களில் நீங்கள் அசைவ உணவு மற்றும் மது உட்கொண்டால், அது பிரிந்த ஆன்மாவை வருத்தப்படுத்தும் செயலாக மாறிவிடும். மேலும், நீங்கள் சிக்கலை சந்திக்க நேரிடும்.

முடி, நகம் வெட்டக்கூடாது

மகாளய பட்சத்தின் போது 'படையல்' வைத்து சடங்குகளைச் செய்வோரின் குடும்பத்தில் உள்ளவர்கள் அந்த 16 நாட்களிலும் முடி வெட்டுவது மற்றும் நகம் வெட்டுவது போன்றவற்றை மறந்தும் செய்திட கூடாது. அதிலும், அவரும் பிரம்மச்சரியத்தை முக்கியமாக பின்பற்ற வேண்டும்.

சூரிய மறைவிற்கு பின்பு சமையல் கூடாது

மகாளய பட்ச காலத்தில் படையல் செய்து சடங்குகளை செய்வோர் மாலை சூரிய மறைவிற்கு முன்பாக அனைத்தையும் செய்து முடித்து விட வேண்டும். சூரிய மறைவிற்கு பிறகு சடங்குகள் செய்வது நல்லதல்ல.

விலங்குகளுக்கு உணவளிக்கவும்

மகாளய பட்சத்தின் போது உங்கள் வீட்டு வாசலில் ஏதேனும் விலங்குகள் அல்லது பறவைகள் வந்தால், நீங்கள் அவற்றிற்கு உணவு கொடுக்க வேண்டும். முன்னோர்கள் விலங்குகள் மற்றும் பறவைகள் வடிவில் உங்களை சந்திக்க வருவார்கள் என்று நம்பப்படுகிறது. எனவே, முடிந்தளவு இந்தக் காலக்கட்டத்தில் பசு மாட்டிற்கோ அல்லது காகத்திற்கோ உணவு கொடுக்க வேண்டும்.

இலையில் சாப்பிடுவது

மகாளய பட்சம் 16 நாட்களிலும் படையல் போடும் போது, பிராமணர்களுக்கு உணவளிக்கும் போதும் வாழை இலையில் உணவளிப்பது நல்லதாக கருதப்படுகிறது. எனவே, நீங்கள் படையல் உணவை பிறருக்கு பரிமாறும் போது வாழைஇலையில் மட்டுமே பரிமாற வேண்டுமென்பதை மறவாதீர்கள்.

சுப காரியங்கள் கூடாது

மகாளய பட்ச காலத்தில் வீட்டில் திருமணம், நிச்சயதார்த்தம் போன்ற எந்த சுப காரியங்களையும் நடத்தக்கூடாது. அதுமட்டுமின்றி, இந்த காலகட்டத்தில் புதிய பொருட்களை வாங்குவதையும் தவிர்க்க வேண்டும்.