2022 ஆம் ஆண்டு குறித்து நோஸ்ட்ராடாமஸ் என்னவெல்லாம் கணித்துள்ளார் தெரியுமா?

அணுகுண்டு வெடிப்பு

நோஸ்ட்ராடாமஸ் 2022 ஆம் ஆண்டு குறித்த தனது குறிப்பில், இந்த ஆண்டு அணுகுண்டு வெடிக்கலாம் என்று குறிப்பிட்டுள்ளார். இந்த அணுகுண்டு வெடிப்பு பருவநிலை மாற்றத்தை ஏற்படுத்தும். அதுமட்டுமல்லாமல், அணுகுண்டு வெடிப்பால் பூமியின் நிலையும் மாறலாம் என கணித்து கூறியுள்ளார்.

வானில் இருந்து பாறை விழும்

2022 ஆம் ஆண்டில் பூமிக்கு சிறிய கிரகம் பெரும் பாதிப்பை ஏற்படுத்தும் என்று நோஸ்ட்ராடாமஸ் கணித்துக் கூறியுள்ளார். அதுவும் வானத்தில் இருந்து ஒரு பெரிய பாறை கடலில் விழும். இதனால் பயங்கரமான சுனாமி போன்ற அலைகள் எழும்பி பூமியின் அனைத்து பக்கங்களிலும் தண்ணீர் வந்து நாசப்படுத்தும். மொத்தத்தில், கடல் நீர் பூமியின் பெரும் பகுதியில் பாதிப்பை ஏற்படுத்தும் என்று கணித்துள்ளார்.

பணவீக்கம்

500 ஆண்டுகளுக்கு முன்பு நோஸ்ட்ராடாமஸ் தனது கணிப்புகளில் 2022 ஆம் ஆண்டில் பணவீக்கம் ஏற்படும் என்பதைக் கணித்துள்ளார். இந்த ஆண்டில் பணவீக்கம் கட்டுப்பாட்டை மீறும். அதுவும் அமெரிக்க டாலரின் விலையில் பெரும் சரிவு ஏற்படும் என்பதை கணித்துள்ளார். மேலும் இந்த ஆண்டில் மக்கள் தங்கம், வெள்ளி மற்றும் பிட்காயினில் அதிக பணத்தை முதலீடு செய்வார்கள் என்றும் கணித்து கூறியுள்ளார்.

ரோபோக்கள் மனிதர்களை அழிக்கும்

2022 ஆம் ஆண்டில் உலகில் பெரும் அழிவுக்குப் பின் அமைதி வரும் என்று நோஸ்ட்ராடாமஸ் கணித்துள்ளார். ஆனால் இந்த அமைதி ஏற்படுவதற்கு முன் உலகம் முழுவதும் 3 நாட்கள், அதாவது 72 மணிநேரம் இருளில் மூழ்கியிருக்கும். அதோடு இந்த ஆண்டில் ரோபோக்கள் மனிதர்களை கட்டுப்படுத்தும். மேலும் ரோபோக்கள் மனித இனத்தையே அழித்துவிடும்.

பிரான்சில் பேரழிவு ஏற்படும்

நோஸ்ட்ராடாமஸின் கணிப்பின் படி, 2022 ஆம் ஆண்டு பிரான்ஸை ஒரு பெரிய புயல் தாக்கும். இது கடுமையான சேதத்தை ஏற்படுத்தி பிரான்ஸை நாசமாக்கும். இது தவிர உலகின் பல பகுதிகளில் தீ மற்றும் வறட்சி போன்ற நிலைமைகளை சந்திக்க நேரிடும்.

உலகில் பசி அதிகரிக்கும்

நோஸ்ட்ராடாமஸின் கணிப்பின் படி, ஆயுத மோதல்களால் உலகில் பசி பட்டினி அதிகரிக்கும். இது பெரும் அழிவிற்கு வழிவகுக்கும். நோஸ்ட்ராடாமஸின் இந்த கணிப்புகள் எந்தளவுக்கு உண்மை என்பதை காலம் தான் சொல்லும்.