New Year 2023 Vastu Tips: புத்தாண்டு அன்று இந்த பொருட்களை வீட்டிற்கு கொண்டு வந்தால் செல்வம் பெருகுமாம்...

மகாலட்சுமி யந்திரம்

புத்தாண்டிற்கு பலரும் வீட்டை சுத்தம் செய்வார்கள். அப்படி நீங்கள் உங்கள் வீட்டை சுத்தம் செய்துவிட்டால், மகாலட்சுமி யந்திரங்களை வாங்கி வந்து வீட்டில் வையுங்கள். இப்படி இந்த யந்திரத்தை வைப்பதன் மூலம், ஒருவர் அனைத்து வழிகளிலும் செல்வத்தை பெறுவதோடு, ஆண்டு முழுவதும் அவர் மகிழ்ச்சியான வாழ்க்கையை வாழ்வார். மொத்தத்தில் வாழ்க்கை செல்வ செழிப்போடு இருக்கும்.

பிரமீடு

வாஸ்து சாஸ்திரத்தில் பிரமீடுக்கு அதிக முக்கியத்துவம் உள்ளது. பிரமீடு இருக்கும் வீட்டில் நேர்மறை ஆற்றல் அதிகம் நிரம்பியிருக்கும் மற்றும் எதிர்மறை ஆற்றல் நுழையாது. முக்கியமாக ஒருவரது வீட்டில் வாஸ்து தோஷம் இருந்தால், இந்த பிரமீடை வீட்டில் வைத்திருக்கும் போது, வாஸ்து தோஷம் நீங்குவதாக கருதப்படுகிறது. அதுவும் வெள்ளி, பித்தளை, தாமிரம் அல்லது படிக பிரமீடுகளை வீட்டில் வைத்திருப்பது மிகவும் நல்லது. எனவே உங்கள் வீட்டில் பிரமீடு இல்லாவிட்டால், இந்த புத்தாண்டில் பிரமீடுகளை வாங்குங்கள்.

சோழி

சோழி என்பது ஜோதிடத்தில் பயன்படுத்தப்படும் ஒன்றாகும். இந்த சோழியை ஒருவர் புத்தாண்டிற்கு முன் வீட்டிற்கு கொண்டு வந்தால், வாழ்வில் செல்வம் பெருகும். அதுவும் வாஸ்து சாஸ்திரப்படி 7 சோழியை சிவப்பு துணியில் வைத்து கட்டி, வீட்டின் பிரதான வாசலில் கட்ட வேண்டும். இப்படி செய்வதால், வீட்டினுள் எதிர்மறை ஆற்றல் நுழையாது. மேலும் இந்த சோழியை சிவப்பு துணியில் கட்டி பணப்பையில் வைத்தால், நல்ல அதிர்ஷ்டத்தால் செல்வம் பெருகும் என்பது நம்பிக்கை.

மண் குடம்

புத்தாண்டை முன்னிட்டு உங்கள் வீட்டிற்கு ஒரு மண் குடத்தை வாங்குவது மிகவும் நல்லது. அதுவும் இந்த மண் குடத்தை வீட்டின் வடக்கு திசையில் வைத்தால், வீட்டில் உள்ள பணப் பிரச்சனைகள் நீங்கும். மேலும் இது ஜாதகத்தில் உள்ள புதன் மற்றும் சந்திரனின் நிலையை சரிசெய்கிறது. ஆகவே புதனால் சந்திக்கும் பிரச்சனையை தவிர்க்க வேண்டுமானால், நீர் நிரப்பப்பட்ட பாத்திரத்தை வடக்கு திசையில் வையுங்கள். இதனால் இந்த கிரகங்கள் வலுபெறும்.

உலோக யானை

வாஸ்து சாஸ்திரத்தின் படி, உலோகத்தால் செய்யப்பட்ட யானையின் சிலையை வீட்டில் வைத்திருப்பது நல்லதாக கருதப்படுகிறது. ஏனெனில் இது வீட்டில் நேர்மறை ஆற்றல் ஓட்டத்தை அதிகரிக்கிறது மற்றும் தீய ஆற்றலை அழிக்கிறது. எனவே உங்கள் வீட்டில் இதுமாதிரியான யானை இல்லாவிட்டால், இந்த புத்தாண்டில் வெள்ளி யானையை வாங்குங்கள். இது வீட்டில் மகிழ்ச்சியையும் செழிப்பையும் தரும்.

மயில் இறகு

மயில் இறகு வீட்டில் இருப்பது மிகவும் நல்லது மற்றும் வாஸ்து சாஸ்திரத்தில் இது மிகவும் முக்கியத்துவம் வாய்ந்தது. பொதுவாக கிருஷ்ணருக்கு மயிர் இறகு மிகவும் பிடிக்கும். அந்த மயில் இறகை வீட்டில் வைத்திருக்கும் போது, அந்த வீட்டில் லட்சுமி தேவி குடிபுகுவாள் என்பது நம்பிக்கை. எனவே இந்த புத்தாண்டில் உங்கள் வீட்டில் மகிழ்ச்சியும், செல்வமும் நிலைத்திருக்க விரும்பினால், மயில் இறகை வீட்டிற்கு வாங்கி வாருங்கள். குறிப்பாக 1-3 மயில் இறகுகளை வீட்டிற்கு வாங்கி வர வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)