புத்தாண்டின் போது உலகின் மற்ற நாடுகளில் மக்கள் அதிர்ஷ்டத்துக்காக இந்த உணவுகளை சாப்பிடுவாங்களாம்...

12 திராட்சைகள், ஸ்பெயின்

ஸ்பெயினில் புத்தாண்டு பிறக்கும் போது நள்ளிரவு 12 மணிக்கு 12 திராட்சைகளை சாப்பிடும் ஒரு பாரம்பரிய வழக்கம் உள்ளது. அவ்வாறு சாப்பிடாவிட்டால், அது அந்த ஆண்டில் துரதிர்ஷ்டத்தை தருமாம். அதில் அவர்களுக்கு இனிப்பு திராட்சை கிடைத்தால், அது அதிர்ஷ்டமாகவும், புளிப்பு திராட்சை கிடைத்தால், அது துரதிர்ஷ்டத்தை தருவதாகவும், அந்நாட்டு மக்கள் நம்புகின்றனர்.

தமலேஸ், மெக்சிகோ

மெக்சிகோவில் புத்தாண்டு பிறக்கும் போது தமலேஸ் என்னும் ரெசிபியை மக்கள் வீட்டில் செய்து, அவற்றை தங்களின் நண்பர்கள், குடும்பத்தினருக்கு வழங்குவார்கள். தமலேஸ் என்பது சோள மாவில் இறைச்சி மற்றும் சீஸை வைத்து வாழை இலையில் வைத்து சுற்றி செய்யும் ஒரு உணவாகும்.

பச்சை முட்டை, எல் சால்வடார்

எல் சால்வடாரில் உள்ள மக்கள், பாரம்பரியமாக புத்தாண்டு பிறப்பதற்கு ஒரு நிமிடத்திற்கு முன் ஒரு டம்ளர் நீரில் முட்டையை உடைத்து ஊற்றுவார்கள். மறுநாள் காலையில் எழுந்து அந்த டம்ளரில் உள்ள மஞ்சள் கரு எப்படி உள்ளதோ, அதை வைத்து அவர்களுக்கு அந்த ஆண்டு எப்படி இருக்கும் என்பதை தீர்மானிப்பார்களாம்.

பருப்புகள், இத்தாலி

இத்தாலி மக்கள் புத்தாண்டு அன்று பருப்பை நாணயம் போன்ற வட்ட வடியில் உட்கொள்வார்களாம். ஏனெனில் பருப்புக்களானது ஆண்டு முழுவதும் செழிப்பைக் கொண்டு வரும் என்று நம்பப்படுகிறது. அதுவும் இந்த பருப்பை போர்க் சாசேஜ் உடன் சாப்பிடுவார்களாம்.

குகு சப்ஜி, ஈரான்

இது முட்டை மற்றும் நற்பதமான மூலிகைகளால் தயாரிக்கப்பட்ட ஒரு ஃப்ரிட்டாட்டா ஆகும். மேலும் இது நவ்ரூஸில் ஒரு பாரம்பரிய உணவாகும். குகு சப்ஜி உண்பதன் மூலம், ஆண்டு முழுவதும் செழிப்பாக இருக்கும் மற்றும் நில வளம் கிடைக்கும் என்று மக்கள் நம்புகின்றனர்.

மாதுளை, துருக்கி

துருக்கி நாட்டு மக்கள் புத்தாண்டு அன்று தங்கள் வீட்டு வாசலில் மாதுளையை அடித்து நொறுக்குவார்களாம். அப்படி செய்யும் போது, அதிலிருந்து தெறிக்கும் விதைகள் போன்று, அந்த ஆண்டில் அதிக அதிர்ஷ்டம் வரும் என்று நம்பப்படுகிறது.

சர்க்கரையால் ஆன பன்றி, ஜெர்மனி

ஜெர்மனியில் பன்றிகள் பணத்திற்கு சமமாக கருதப்படுகின்றன. எனவே ஜெர்மனியில் புத்தாண்டின் போது அந்நாட்டு மக்கள் சர்க்கரை மற்றும் பாதாம் பேஸ்ட்டால் ஆன பன்றியை செய்து, அதை புத்தாண்டு பிறந்ததும் சாப்பிடுவார்களாம். இதனால் அந்த புத்தாண்டு இனிமையாக இருக்கும் என்று அந்நாட்டு மக்கள் நம்புகின்றனர்.

விஸ்கி, ஸ்காட்லாந்து

ஸ்காட்லாந்தில், புத்தாண்டு கொண்டாட்டமானது ஸ்காட்டிஷ் விஸ்கி இல்லாமல் முழுமையடையாது. மேலும் அந்நாட்டில் மக்கள் மசாலா பழ கேக் செய்தும் சாப்பிடுவார்களாம். இவை புத்தாண்டை இனிமையாகவும், ஆண்டு முழுவதும் போதுமான உணவு கிடைக்க செய்யும் என்று மக்களால் நம்பப்படுகிறது.