உங்க பர்ஸில் இந்த பொருட்கள் இருந்தா உடனே தூக்கிப் போடுங்க.. இல்ல பண இழப்பு ஏற்படும்...

கிழிந்த நோட்டுகள் அல்லது தேவையில்லாத பேப்பர்கள்

பலர் தங்கள் பர்ஸில் கிழிந்த நோட்டுகள் அல்லது தேவையில்லாத பேப்பர்களை வைத்திருப்பார்கள். வாஸ்து சாஸ்திரத்தின் படி, இம்மாதிரி கிழிந்த நோட்டுகள் அல்லது தேவையில்லாத பேப்பர்கள் பர்ஸில் வைத்திருந்தால், அது ஒருவரின் வருமானத்தை பாதிக்கும். எனவே எப்போதும் பணம் வைக்கும் பர்ஸை சுத்தமாக வைத்திருக்க வேண்டும்.

பழைய பில்லை வைத்திருக்கக்கூடாது

ஷாப்பிங் சென்றால் அங்கு கொடுக்கும் பில்லை பலரும் பர்ஸில் வைப்போம். அப்படி வைக்கும் பில்லானது பல மாதங்களாக பலரது பர்ஸில் இருப்பதுண்டு. வாஸ்துப்படி, இப்படி பழைய பில் பர்ஸில் இருந்தால், அது எதிர்மறை ஆற்றலை ஈர்க்கும் மற்றும் பர்ஸில் தேவையில்லாத பில்லை வைத்திருப்பது அசுபமானது. பணம் வைக்கும் இடம் எப்போதும் சுத்தமாக இருக்க வேண்டும். சுத்தமில்லாத இடத்தில் பணம் வைத்தால், அது லட்சுமி தேவியின் கோபத்திற்கு ஆளாக்கி, பர்ஸில் பணம் நிலைக்கவிடாமல் தடுக்கும்.

மறைந்தவரின் போட்டோ கூடாது

மனதிற்கு மிகவும் நெருக்கமான ஒருவரின் போட்டோவை தான் நாம் எப்போதும் நம்முடனேயே வைத்துக் கொள்ள விரும்புவோம். அப்படிபட்டவர் ஒருவேளை இறந்துவிட்டால், அவரது போட்டோவை மறந்தும் உங்கள் பர்ஸில் வைத்துக் கொள்ளாதீர்கள். வாஸ்து சாஸ்திரத்தின் படி, இறந்தவரின் போட்டோவை பர்ஸில் வைத்திருக்கக்கூடாது. அப்படி வைத்திருந்தால், அது பண பிரச்சனையை சந்திக்க வைக்கும்.

லட்சுமி தேவியின் போட்டோவை வைத்திருக்கவும்

லட்சுமி தேவி செல்வத்தின் அதிபதியாவார். வாஸ்து சாஸ்திரத்தின் படி, ஒருவர் தங்களின் பர்ஸில் லட்சுமி தேவியின் போட்டோவை வைத்திருந்தால், அது செல்வத்தை ஈர்க்கும். அதேப் போல் லட்சுமி யந்திரத்தையும் பர்ஸில் வைத்திருப்பது நல்லது. இது லட்சுமி தேவியை மகிழ்விப்பதோடு, அவரது ஆசியையும் பெற உதவும்.

அட்சதையை பர்ஸில் வைத்திருப்பது நல்லது

உங்கள் பர்ஸில் பணம் நிலைப்பதில்லையா? அப்படியானால் பர்ஸில் சிறிது அட்சதையை வைத்திருங்கள். வாஸ்து சாஸ்திரத்தின் படி, பணம் வைக்கும் பர்ஸில் அட்சதையை வைத்திருக்கும் போது லட்சுமி தேவி மகிழ்ச்சி அடைவாள். அதேப்போன்று, பர்ஸில் நோட்டுக்களையும், நாணயங்களையும் ஒன்றாக வைத்திருக்கக்கூடாது.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)