சனிக்கிழமைகளில் காலை எழுந்ததும் 'இத' பார்த்தால், அந்த நாள் முழுவதும் அதிர்ஷ்டமான நாளா இருக்குமாம்....

பிச்சைக்காரரைக் காண்பது

சனிக்கிழமைகளில் ஒருவர் காலையில் எழுந்ததும் பிச்சைக்காரரைக் காண்பது ஒரு நல்ல அறிகுறியாக கருதப்படுகிறது. சனிக்கிழமைகளில், ஏழைகளுக்கு தானம் வழங்குங்கள். இவ்வாறு செய்வதன் மூலம், சனி பகவான் சந்தோஷமடைவார் மற்றும் உங்கள் செல்வ நிலையை உயர்த்துவார். முக்கியமாக சனிக்கிழமைகளில் ஏழை மக்கள் அல்லது பிச்சைக்காரரை அவமதிக்காதீர்கள். இல்லாவிட்டால், நீங்கள் சனி பகவானின் கோபத்திற்கு உள்ளாவீர்கள்.

பெருக்குபவர்கள்

சனிக்கிழமை காலையில் எழுந்ததும் துடைப்பத்தால் வாசலைப் பெருக்குபவர்கள் அல்லது துப்புரவாளர்கள் துடைப்பத்தால் பெருக்குவதைப் பார்த்தால், அது நல்ல அறிகுறியாக கருதப்படுகிறது. சனிக்கிழமைகளில் தானம் வழங்குவது நல்லது. எனவே இந்நாளில் துப்புரவு பணியாளர்களுக்கு கருப்பு நிற துணி அல்லது உங்களால் முடிந்த பணத்தை வழங்குங்கள். இதைச் செய்வதன் மூலம், சனி பகவானின் ஆசீர்வாதம் கிடைக்கும் மற்றும் உங்களின் வேலைகள் அனைத்திலும் வெற்றி பெறுவீர்கள். இது தவிர, உங்களின் பணிகள் அனைத்தும் சுமூகமாக முடிக்கப்படும்.

கருப்பு நாய்

சனிக்கிழமைகளில் காலையில் எழுந்ததும் கருப்பு நாயைக் கண்டால், வருத்தப்படாதீர்கள். கருப்பு நாய் கண்ணில் தென்படுவது ஒரு நல்ல அறிகுறி. ஏனெனில் சனி பகவானின் வாகனத்தின் நிறம் கருப்பு. எனவே சனிக்கிழமைகளில் கருப்பு நிற நாயைக் கண்டால், நெய் ரொட்டி அல்லது பிஸ்கட் வாங்கிக் கொடுங்கள். இது சனி பகவானை மட்டுமல்ல, ராகு மற்றும் கேதுவையும் சந்தோஷப்படுத்தும்.

இப்போது சனிக்கிழமைகளில் வாங்கக்கூடாத பொருட்கள் என்னவென்பதைக் காண்போம்.

இரும்பு பொருட்கள்

சனிக்கிழமைகளில் இரும்புப் பொருட்களை வாங்கக்கூடாது. அப்படி வாங்கினால், சனி பகவானின் கோபத்திற்கு ஆளாக நேரிடும். வேண்டுமானால், இரும்பு பொருட்களை தானமாக கொடுக்கலாம். சனிக்கிழமைகளைத் தவிர, வேறு எந்த நாட்களிலும் இரும்பு பொருட்களை வாங்கலாம்.

உப்பு வாங்கக்கூடாது

சனிக்கிழமை நாட்களில் உப்பை ஒருபோதும் வாங்கக்கூடாது. அப்படி சனிக்கிழமைகளில் உப்பு வாங்குவது கடன் சுமையை அதிகரிக்கும் என்று நம்பப்படுகிறது. ஜோதிடத்தின் படி, நீங்கள் கடன் சுமையில் இருக்கக்கூடாது என்று நினைத்தால், சனிக்கிழமைகளில் உப்பை வாங்காதீர்கள்.

கருப்பு எள்ளு

சனிக்கிழமைகளில் கருப்பு எள்ளு விதைகளை வாங்கக்கூடாது. இந்நாளில் கருப்பு எள்ளு விதைகளை வாங்குவது வேலைகளில் இடையூறை ஏற்படுத்தும் என்று நம்பப்படுகிறது. சனி தோஷத்தை நீக்க, சனிக்கிழமைகளில் கருப்பு எள்ளு விதைகளை தானமாக அரச மரத்திற்கு வழங்க வேண்டும் என்ற விதி உள்ளது.

கருப்பு நிற காலணிகள்

நீங்கள் கருப்பு நிற காலணிகளை வாங்க விரும்பினால், சனிக்கிழமைகளில் வாங்காதீர்கள். சனிக்கிழமைகளில் கருப்பு காலணியை வாங்குபவர் எதிலும் தோல்வி அடைவார் என்று நம்பப்படுகிறது. ஜோதிடத்தின் படி, நீங்கள் தோல்வியைத் தவிர்த்து வெற்றிபெற விரும்பினால், சனிக்கிழமைகளில் கருப்பு காலணிகளை வாங்காதீர்கள்.