கருட புராணத்தின் படி இந்த பழக்கங்கள் ஒருவரின் வாழ்நாளை குறைக்குமாம்... உங்ககிட்ட இருந்தா உடனே கைவிடுங்க..

தாமதமாக எழுவது

காலையில் தாமதமாக எழுவது ஒருவரது ஆயுர்காலத்தை குறைப்பதாக கருடபுராணம் கூறுகிறது. ஏனெனில் பிரம்ம முகூர்த்தத்தில் நல்ல சுத்தமான காற்று இருப்பதால், அதிகாலையில் ஒருவர் வேகமாக எழும் போது, அவரது ஆரோக்கியம் சிறப்பாக இருக்கும். முந்தைய காலத்தில் எல்லாம் நம் முன்னோர்கள் அதிகாலையில் வேகமாக எழுந்ததனால் தான், அவர்களுக்கு சுவாச பிரச்சனைகள் அதிகம் இல்லாமல் இருந்தது. எனவே உங்கள் ஆரோக்கியம் சிறப்பாக இருக்க விரும்பினால், தாமதமாக எழுவதை தவிர்த்திடுங்கள். இல்லாவிட்டால், உங்கள் ஆயுட்காலம் தான் குறையும்.

இரவு நேரத்தில் தயிர் சாப்பிடுவது

தயிர் ஆரோக்கியமான உணவுகளில் ஒன்று தான். ஆனால் அந்த தயிரை இரவு நேரத்தில் சாப்பிடுவது பல நோய்களை வரவழைக்கும். குறிப்பாக இரவு நேரத்தில் தயிர் சாப்பிடும் போது, அது வயிறு தொடர்பான நோய்களை அதிகரித்து, அடிக்கடி மருத்துவமனைக்கு செல்ல வேண்டிய சூழல் உருவாகும். எனவே இந்த பிரச்சனைகளைத் தவிர்க்க பகல் வேளையில் தயிரை சாப்பிடுங்கள்.

பழைய இறைச்சி

நீங்கள் அசைவ பிரியராக இருந்தால், முதல் நாள் சமைத்த இறைச்சியை மறுநாள் வரை வைத்திருந்து சாப்பிடாதீர்கள். இல்லாவிட்டால் அது உடலில் பல பிரச்சனைகளை உருவாக்கும். முக்கியமாக பழைய இறைச்சியை சாப்பிடும் போது, அதனால் ஃபுட் பாய்சன் ஏற்பட்டு, உடல் ஆரோக்கியம் பலவீனமாகிவிடும். எனவே எக்காரணம் கொண்டும், முதல் நாள் சமைத்த இறைச்சிகளை மறுநாள் வரை வைத்திருந்து சாப்பிடாதீர்கள்.

அதிகாலையில் உடலுறவு கொள்வது

கருட புராணத்தின் படி, அதிகாலையில் உடலுறவு கொள்வது ஆண்களின் ஆயுளைக் குறைக்கும். கூடுதலாக, காலையில் உடலுறவு கொள்ளும் போது, அது உடலை பலவீனமடையச் செய்து, நோய்களை எதிர்த்துப் போராட முடியாமல் செய்துவிடும். அதிகாலையானது யோகா, தியானம், பிராணயாமம் போன்றவற்றை செய்ய ஏற்ற காலமாகும். ஏனெனில் யோகிகளும், ரிஷிகளும் இந்த காலத்தை தியானத்திற்கான நேரமாக நிர்ணயம் செய்ததால், இந்த காலத்தில் இவற்றை செய்யும் போது, உடலின் சக்தி அதிகரிக்கும்.

சுடுகாட்டில் இருந்து வந்ததும் குளிக்காமல் இருப்பது

சுடுகாட்டில் உடலை எரிக்கும் போது, அந்த தீயில் இருந்து வெளிவரும் புகையில் ஏராளமான பாக்ரியாக்கள் கலந்து, சுடுகாட்டிற்கு வந்தோரின் மீது ஒட்டிக் கொள்ளும். எனவே சுடுகாட்டில் இருந்து வீட்டிற்கு வந்ததும், உடனே குளிக்க வேண்டும் மற்றும் அப்போது அணிந்திருந்த ஆடைகளை உடனே துவைத்துவிட வேண்டும். இல்லாவிட்டால் அந்த பாக்டீரியாக்களால் கடுமையான ஆரோக்கிய பிரச்சனைகளை சந்திக்க நேரிடும்.