டீச்சர் வேடிக்கையாக மாணவர்களுக்கு கொடுக்கும் 5 சூப்பர் தண்டனைகள் இதுதான்...

கைகட்டி வாய் மேல விரல் வை

பேசிக்கிட்டே இருப்பியா கிளாஸ்ல?... கைய கட்டி வாய் மேல விரலை வை. இந்த வகுப்பு முடியற வரைக்கும் கைய எடுக்கக்கூடாது என்று ஆசிரியர்கள் சொல்வதுண்டு. ஏறக்குறைய எல்லாருமே மாணவப் பருவத்தில் அனுபவித்திருக்கும் தண்டனை தான் இது. இதில் நம்மில் சிலர் ஜகஜால கில்லாடிகளாக இருப்பார்கள். வாய்மேல் விரல் வைத்துக் கொண்டே பேசிக்கொண்டு இருப்பார்கள்.

வெளியே நில்

வகுப்பறையில் ஒழுங்காக இல்லாமல், ஆசிரியர் சொல்வதைக் கேட்காமல் அல்லது பாடம் நடத்தும் போது தொந்தரவு விளைவித்தாலும் உடனடியாக ஆசிரியர் சொல்வது முதலில் கிளாஸ் ரூமிலிருந்து வெளியே போ என்பது தான். எல்லா ஆசிரியர்களாலும் கொடுக்கப்படும் தண்டனை தான் இது.

எனக்கு நேரா உட்காரு

வகுப்பறைகளில் மாணவர்கள் பேசிக் கொண்டிருந்தாலோ அல்லது பாடம் நடத்துவதை கவனிக்காமல் இருந்தாலோ அல்லது ஆசிரியர் கேட்கும் கேள்விக்கு பதில் சொல்லாமல் இருந்தாலோ அவர்கள் அநத மாணவருக்கு கொடுக்கும் தண்டனை இதுவாகத் தான் இருக்கும். இங்கே வா! இனிமே என்னோட எல்லா கிளாஸ்லயும் என் கண்ல படற மாதிரி தான் உட்காரணும்.

இடத்தை மாற்று

ரெண்டு நண்பர்கள் ஒன்றாக அமர்ந்து கொண்டு சேட்டை செய்து கொண்டு இருக்கின்ற பொழுது, ஆசிரியர் சொல்லும் விஷயம் என்னவென்றால், முதலில் உங்களுடைய இடத்தை மாற்றி உட்காருங்கள். ரெண்டு பேரும் ஒன்னா சேர்ந்து உட்காரக் கூடாது என்று சிறு பிள்ளைத்தனமாக தண்டனை கொடுப்பார்கள்.

இம்போசிசன்

ரொம்ப கறாரான டீச்சராக இருந்தால், அவர்களுடைய தண்டனை மற்றவர்களை விடவும் கொஞ்சம் வித்தியாசமாக இருக்கும். எடுத்தவுடனே அவர்கள் சொல்வது இந்த பாடத்தை 100 முறை இம்போசிஷன் எழுதிக் கொண்டு வாருங்கள். இத்தனை முறை எழுதவில்ல என்றால் அடுத்து இவ்வளவு முறை கொண்டு வர வேண்டும் என்று வேடிக்கையான தண்டனையைக் கொடுப்பார்கள்.