மோசமான மனநிலையால் தற்கொலை செய்து கொண்ட பாலிவுட் பிரபலங்கள்!

குணால் சிங்

இந்தியில் மட்டுமின்றி தமிழிலும் நடித்தவர் தான் குணால் சிங். இவர் தமிழில் காதலர் தினம் என்ற திரைப்படத்தில் சோனாலி பிந்த்ரே ஜோடியாக நடித்தவர். இவர் 2008 ஆம் ஆண்டு ஃபேனில் தூக்குப் போட்டு தற்கொலை செய்து கொண்டார். அவரது மனைவியுடனான உறவில் உள்ள பிரச்சனையால், குழந்தைகளைப் பார்க்க அவர் அனுமதிக்கப்படவில்லை என்பதே அவரது தற்கொலைக்கு காரணம் என்று வதந்திகள் பரவின.

ஜியா கான்

நடிகை ஜியா கான் தனது முதல் திரைப்படமான நிஷாப்ட் மூலம் பார்வையாளர்களை திகைக்க வைத்தவர். இவர் 2013 ஆம் ஆண்டு தனது ஜுஹு குடியிருப்பில் தூக்கில் தொங்கிய நிலையில் காணப்பட்டார். இந்த நடிகை தனது உறவில் தோல்வி அடைந்ததால் ஏற்பட்ட மனச்சோர்வினால் இந்த முடிவை எடுத்ததாக கூறப்படுகிறது.

பிரத்யுஷா பானர்ஜி

பிரபல தொலைக்காட்சி தொடரில் 'ஆனந்தி' என்ற வேடத்தில் நடித்த பிரத்யுஷா, 2016 ஆம் ஆண்டு ஏப்ரல் 1 ஆம் தேதி தனது மும்பை குடியிருப்பில் இறந்து கிடந்தார். இவரது தனிப்பட்ட வாழ்க்கையில் ஏற்பட்ட பிரச்சனைகளின் காரணமாக, மனரீதியாக மிகவும் கடினமான காலங்களை கடந்து கொண்டிருந்தால், இந்த முடிவை எடுத்துள்ளார்.

குஷால் பஞ்சாபி

"கால்" மற்றும் "லக்ஷ்யா" போன்ற திரைப்படங்களிலும், பல தொலைக்காட்சி நிகழ்ச்சிகளிலும் தோன்றிய நடிகர் தான் குஷால் பஞ்சாபி. இவர் கடந்த 2019 ஆம் ஆண்டு பாந்த்ரா குடியிருப்பில் தூக்கில் தொங்கிய நிலையில் காணப்பட்டார். மேலும் இவர் தற்கொலை செய்வதற்கு முன், தனது இந்த முடிவுக்கு யாரும் காரணம் இல்லை என்ற குறிப்பையும் விட்டுச் சென்றார்.

சுஷாந்த் சிங் ராஜ்புத்

சமீபத்தில் பாலிவுட்டில் தற்கொண்ட செய்து வழக்கு தான் இது. மும்பையில் உள்ள பாந்த்ரா இல்லத்தில் சுஷாந்த் இறந்து கிடந்தார். ஆதாரங்களின் படி, இவர் கடந்த ஆறு மாதங்களாக மன அழுத்தத்தால் பாதிக்கப்பட்டு, அதற்கான சிகிச்சையில் இருந்தது தெரிய வந்தது.