ஃபிபாவில் அசத்திய குரோஷியா வானில் இருந்து கடலில் விழுந்த வினோத ஜந்து - (வீடியோ)

UFO?

பல காலமாக வானில் தோன்றும் விசித்திரமான விமானத்தை UFO என்ற பெயரில் நாம் அறிந்து வருகிறோம். பலரும் இது ஏலியன் வந்து செல்லும் வாகனத்தின் பெயர் என்றே கருதி வருகிறார்கள்.

ஆனால், UFO என்றால் Unidentified Flying Object என்றே பொருளாகிறது. இந்த பெயரை அமெரிக்காவின் விமானப்படை அதிகாரி எட்வார்ட் ருப்பல்ட் என்பவர் 1952ம் ஆண்டில் சூட்டியுள்ளார்.

ஃப்ளையிங் சாசர்!

இதற்கு முன் 1947ல் வானில் தோன்றும் அந்த விமானம் போன்ற பிம்பத்தை Flying Saucer என்றே அழைத்து வந்தனர். விமானி கென்னத் அர்னால்ட் என்பவர் 1947 ஜூன் மாதம் வானில் பறக்கும் போது 9 பறக்கும் ஆப்ஜக்ட்களை கண்டதாகவும், அவை பார்பதற்கு நீரில் மிதக்கும் சாசர் தட்டுகள் போல இருந்ததாகவும் கூறி இருந்தார்.

போஸ்ட் ஸ்டாம்ப்

1975ம் ஆண்டு பறக்கும் தட்டினை போஸ்ட் ஸ்டாம்பில் அச்சிட்ட முதல் நாடு எனும் பெருமையை பெற்றது கினியா. உங்களுக்கு தெரியுமா? அமெரிக்காவில் மட்டும் 40 ஆயிரத்திற்கும் மேலானவர்கள் "ஏலியன்களால் கடத்தப்பாட்டால்.." என்ற பிரிவில் இன்சூரன்ஸ் செய்திருக்கிறார்கள்.

அமெரிக்க அதிபர்!

அமெரிக்காவின் முன்னாள் அதிபர் கிம்மி கார்டர் 1973ம் ஆண்டு வானில் தான் ஒரு UFO-வை கண்டதாக பரபரப்பை ஏற்படுத்தினார். ஆனால், கடைசியில் வானில் அவர் கண்ட அந்த வினோத பிம்பமானது செவ்வாய் கிரகமாக இருக்க கூடும் என்று கண்டறியப்பட்டது.

நுரிம்பர்க்

ஜெர்மனியில் அமைந்திருக்கும் நகரம் நுரிம்பர்க். என்ன தான் உலகின் பல்வேறு பகுதிகளில் பலரும் UFOக்களை கண்டுள்ளதாக செய்திகள் வெளியிட்டாலும், வீடியோ ஆதாரங்களை காண்பித்தாலும்... ஒரே இடத்தில் பலரால் காணப்பட்ட UFO காட்சியாக கருதுப்படுவது இதுதான். கடந்த 1561ம் ஆண்டு வானில் பறக்கும் தட்டை கண்டதாக நுரிம்பர்க்கை சேர்ந்த பெரும்பாலானோர் கூறி இருக்கிறார்கள்.

தினமுமா?

இதுவரை வெளியான செய்திகள் மற்றும் வீடியோக்களை எல்லாம் வைத்து பார்த்தால்... கடந்த நாற்பது ஆண்டுகளில் சராசரியாக ஒரு நாளில் நம் உலகில் ஆறு முறையாவது UFO காணப்பட்டிருக்கலாம் என்று ஒரு ஆய்வறிக்கை கூறுகிறது. அதில் பெரும்பாலானவை மேற்கத்திய நாடுகளில் நிகழ்ந்தவையாக கருதப்படுகிறது.

மேலும், பெரும்பாலும் UFOக்களை கண்டதாக கூறுபவர்கள் வெள்ளிகிழமைகளில் மற்றும் குடிக்கும் போது கண்டதாக கூறுகிறார்கள். (வீக்கென்ட் என்ஜாய்மெண்ட்ல மப்புல உளறுறாங்களோ!)