ஹோட்டல் காரிடாரில் பதிவான விசித்திர உருவம், நடந்த வந்த நபரை புரட்டி எடுத்தது - (வீடியோ)

ஹோட்டல்!

இந்த சிசிடிவி பதிவான வீடியோ காட்சியை காணும் போது, நிச்சயம் அந்த கட்டிடம் ஒரு தங்கும் விடுதியாக இருக்கலாம் என்பதை ஊர்ஜிதமாக கணிக்க முடிகிறது. வீடியோவின் ஆரம்பத்தில் இருந்தே அந்த காரிடார் காலியாக தான் இருக்கிறது. மக்களின் நடமாட்டம் என்று எதுவும் காணப்படவில்லை.

ஹூட்ஸ் அணிந்த நபர்!

வீடியோ ஓடிக்கொண்டிருக்கும் போது, இடையே வெளிப்புறத்தில் இருந்து ஹூட்ஸ் உடை அணிந்த ஆண் நபர் ஒருவர் அந்த காரிடாரில் இயல்பாக நடந்து வருகிறார். அவர் ஓரிரு அறைகளை தாண்டி.. காரிடாரின் நடு பகுதியை அடையும் போது தான், சிசிடிவி கேமாராவில் அந்த விசித்திர புகை போன்ற உருவம் தோன்றுகிறது.

பேயா?

திடீரென காரிடாரின் பாதி வழியில் தோன்றிய அந்த கருப்பு நிற புகை போன்ற உருவம். ஒரு மனித உருவம் போல உருவாகிறது. அதை கண்ட அந்த ஆண், தடுமாறி கீழே விழுகிறார். அவர் கீழே விழுந்த சமயத்தில், காலை பிடித்து ஒருசில அடி தூரம் புகை மண்டலமாக தோன்றிய அந்த விசித்திர உருவம் இழுத்து செல்கிறது.

பதற்றம்!

ஒருசில அடி இழுத்து சென்ற பிறகு, அந்த கருப்பு நிற புகை போன்ற உருவம்.. மீண்டும் மாயமாகி காரிடாரின் மறுமுனையில் சென்று மாயமாகி விடுகிறது. சற்றும் எதிர்பாராத இந்த தாக்குதலால் பதற்றம் அடைந்த அந்த ஆண், விழுந்தடித்து தான் வந்த வழியிலேயே ஓடிவிடுகிறார். இப்படியாக முடிகிறது, அந்த சிசிடிவி வீடியோ பதிவு.

மெய்யா? பொய்யா?

நாம் பார்த்த ஆங்கில படங்களில் இருந்து, தமிழ் படங்கள் வரை பேய்கள் சிசிடிவியில் பதிவாவதை காண்பித்திருக்கிறார்கள் தான். ஆனால், ஆவியும், பெய்யும் எலக்ட்ரானிக் கருவிகளில் எல்லாமா பதிவாகும். ஆரம்பத்தில் கரகரகவென ரிப்பேர் ஆவது போல காண்பித்தனர். பிறகு, ஆவி, பேய், மொபைல், டிவி, கண்ணாடி போன்ற மீடியங்களில் வந்து கொலை செய்வது போன்ற படங்கள் வந்த பிறகு, சிசிடிவியில் பதிவாவதை போல காண்பிக்கிறார்கள்.

மிக எளிய வி.எப்.எக்ஸ் எடிட்டிங் முறையில் இப்படியான வீடியோக்களை உருவாக்கி விடலாம் என்பதால், நாம் முன்பு கூறியதை போல, இந்த பேய் தாக்குதல் வீடியோ உண்மையானதா அல்ல உருவாக்கப்பட்டதா என்பது ஊர்ஜிதமாக அறியப்படவில்லை என்பது குறிப்பிடத்தக்கது.