"ஹாட்ரிக்" என்ற வார்த்தை எப்படி உருவானது என்று உங்களுக்கு தெரியுமா?

எச்.எச். ஸ்டீபன்சன்!

உலகில் முதல் முறை இந்த ஹாட்ரிக் என்ற வார்த்தை உருவாக காரணமாக இருந்தவர் இங்கிலாந்தை சேர்ந்த எச்.எச். ஸ்டீபன்சன் எனும் கிரிக்கெட் விளையாட்டு வீரர். 1858ல் தான் முதல் முறை இந்த ஹாட்ரிக் நிகழ்வு நடந்தது.

ஹாட்ரிக் விக்கெட்!

ஷெபீல்ட்-ல் இருக்கும் ஹைட் பார்க் கிரிக்கெட் மைதானத்தில் ஆல் இங்கிலாந்து அணிக்கும், சவுத் யார்க்ஷீர் அணிக்கும் இடையே போட்டி நடந்தது. அப்போது எச்.எச். ஸ்டீபன்சன் தொடர்ந்து மூன்று முறை விக்கெட் வீழ்த்தினார்.

வரலாற்றில் முதல் முறை!

கிரிக்கெட் வரலாற்றில் முதல் முறை இப்படி ஒரு சாதனை நிகழ்வை நிகழ்த்திய எச்.எச்.ஸ்டீபன்சனை பாராட்டி, அன்று அந்த போட்டியை காண வந்தவர்களிடம் இருந்து வசூலிக்கப்பட்ட தொகையை (வருமானம்) திரட்டி, தொப்பி (Hat) ஒன்றை பரிசாக அளித்தனர். இதுவே, ஹாட்ரிக் என்ற வார்த்தை உருவாக காரணமாகி போனது.

Image Courtesy:store.ecb.co.uk

பின்னாட்களில்!

பின்னாட்களில் பிற போட்டிகளிலும் தொடர்ந்து மூன்று முறை கோல் அல்லது ஸ்கோர் செய்யும் போது இந்த ஹாட்ரிக் என்ற வார்த்தையை பின்பற்ற துவங்கினர். இப்படி தான் ஹாட்ரிக் என்ற வார்த்தை பிறந்தது.

மலிங்கா!

இலங்கை பந்துவீச்சாளர் மலிங்கா மூன்று முறை ஹாட்ரிக் விக்கெட்டுகள் எடுத்து தனி சாதனை புரிந்துள்ளார். மேலும், தொடர்ந்து நான்கு பந்துகளில் நான்கு விக்கெட்டுகள் எடுத்த ஒரே பந்து வீச்சாளர் என்ற பெருமையும், சாதனையும் இவரையே சேரும்.

வாசிம் அக்ரம்!

1999ல் இலங்கைக்கு எதிரான டெஸ்ட் தொடரில் அடுத்தடுத்த போட்டிகளில் வெறும் 9 நாட்கள் இடைவேளையில் (6 March 1999 மற்றும் 14 March 1999) இரண்டு முறை ஹாட்ரிக் விக்கெட் எடுத்து சாதனை புரிந்துள்ளார் உலகின் தலைசிறந்த வேக பந்து வீச்சாளர் வாசிம் அக்ரம்.