ரஷ்யாவில் கண்டுபிடிக்கப்பட்ட 2000 வருடத்திற்கு முந்தைய ஏலியனின் மண்டை ஓடு!!!

அர்கைம், சென்ட்ரல் ரஷ்யா (Arkaim, central Russia)

சென்ட்ரல் ரஷ்யாவில் உள்ள அர்கைம் என்னும் இடத்தில் தான் ஏலியனின் தோற்றமளிக்கும் நீளமான மண்டை ஓட்டை அகழ்வாராய்ச்சியாளர்கள் கண்டுபிடித்துள்ளனர். இந்த இடத்தை ரஷ்யாவின் ஸ்டோன்ஹெஞ் (Russia's Stonehenge) என்றும் குறிப்பிடுகிறார்கள்.

யூ.எப்.ஓ ஆர்வலர்கள் ஏலியன் என்று கூறினார்

இந்த புகைப்படங்களை முதலில் கண்ட யூ.எப்.ஓ ஆர்வலர்கள், இது முன்னர் பூமிக்கு ஏலியன்கள் வந்து சென்றதற்கான ஓர் சான்று என கூறினர்.

இந்த மண்டை ஓடு ஓர் பெண்ணுடையது

ஆனால், அர்கைம் பகுதிக்கு சென்ற அகழ்வாராய்ச்சியாளர்கள், ஏலியன் தோற்றமளிக்கும் இந்த மண்டை ஓடு 2000 வருடங்களுக்கு முன் வாழ்ந்த ஓர் பெண்ணுடையதாக இருக்க கூடும் என்று கூறுயிருக்கிறார்கள்.

நீளமான மண்டை ஓடு எவ்வாறு சாத்தியம்

முன்னர் இருந்த மலைவாழ் மக்களின் பாரம்பரியத்தின் காரணமாக இவ்வாறான நீளமான மண்டை ஓடு இருந்திருக்கலாம் என்று அகழ்வாராய்ச்சியாளர்கள் கருதுகிறார்கள்.

எஞ்சியுள்ள மண்டை ஓடு

எஞ்சியுள்ள சில மண்டை ஓடு மற்றும் எலும்பு கூடுகளை ஆராய்ச்சி செய்த அகழ்வாராய்ச்சியாளர்கள், இவை 4000 ஆண்டுகளுக்கு முன்னர் வாழ்ந்த பழங்குடியினரின் மண்டை ஓடு மற்றும் எலும்பு கூடுகளாக இருக்க கூடும் என்று கூறுகிறார்கள்.

உக்ரைன் நாட்டை சேர்ந்தவராக இருக்க வேண்டும்

இந்த மண்டை ஓடுகளை ஆராய்ச்சி செய்த அகழ்வாராய்ச்சியாளர்கள், இவை தற்போதைய உக்ரைன் நாட்டு பகுதியில் வசித்த பழங்குடியினராக இருக்க கூடும் என்றும் கூறியிருக்கிறார்கள்.

சர்மதி பழங்குடி (Sarmati Tribe)

ஆராய்ச்சியாளர் மரியா மகுரோவா என்பவர், "இந்த மண்டை ஓடுகள் உக்ரைன், கஜகஸ்தான் மற்றும் தெற்கு ரஷ்யாவில் வாழ்ந்த சர்மதி பழங்குடியை சார்ந்ததாக தான் இருக்கக்கூடும்" என்று கூறுகிறார். மற்றும் அந்த பழங்குடியில் சிறுவயது முதலே தலையை சுற்றி இறுக்கமான கயிறு கட்டும் வழக்கம் இருந்தமையால் தான் இவ்வாறான நீளமான மண்டை ஓடு உருவாகியிருக்கிறது என்றும் அவர் தெளிவான கருத்தினை பகிர்ந்துள்ளார்.

அர்கைம் வரலாறு

அர்கைம் எனும் இந்த இடத்தின் சதுர அடி ஏறத்தாழ 2,20,000 என்று கூறுகிறார்கள். இந்த பகுதி இரண்டு வட்டமான சுவர்களால் பாதுகாக்கப்பட்டு வந்துள்ளது. ஆனால், ஓர் எதிர்பாராத சீரழிவால் முற்றிலும் எரிந்து அழிந்து போன இவ்விடம் இப்போது யாருமில்லாத வெற்றிடமாக தான் இருக்கிறது. இப்பகுதியில் வீதிகளும், வீடுகளும் இருந்ததற்கான சான்றுகள் இருக்கின்றன.

நட்சத்திரங்களை பயின்றவர்கள்

இவ்விடத்தில் வாழ்ந்த பழங்குடியினர் பண்டைய காலத்தில் நட்சத்திரங்களை இங்கிருந்து பயின்றிருக்கலாம் என்று கூறுகிறார்கள். வரலாற்று ஆராய்ச்சியாளர்களும் இதை ஒருமனதாக நம்புகிறார்கள்.