வெளிநாடுகளில் உள்ள விசித்திரமான தடை உத்தரவுகள்!!!

வட கொரிய

வட கொரியா நாடு மிகவும் கடுமையான சட்டத்திட்டங்கள் கொண்ட நாடு. இங்கு வெளிநாட்டவர்கள் அந்த நாட்டு பணத்தை உபயோகிக்க தடை செய்யப்பட்டுள்ளதாம். வெளிநாட்டவர்கள் அங்குள்ள மளிகை கடைகளில் கூட பொருள் வாங்க முடியாதாம்.

அழகு நிலையம் செல்ல தடை

சவுதி அரேபியாவில் பெண்களுக்கு பல கடுமையான சட்டத்திட்டங்களும், ஒழுங்கு நடவடிக்கைகளும் ஏற்படுத்தப்பட்டிருக்கிறது. ஆயினும் அங்கு பெண்கள் அழகு நிலையங்கள் மற்றும் முடி திருத்தும் நிலையங்களுக்கு கூட செல்ல தடை விதிக்கப்பட்டிருக்கிறது.

சத்தமாக பாட

ஹவாய் விடுமுறைக்கு புகழ்ப்பெற்ற நாடு. உலகில் உள்ள பல்வேறு நாடுகளில் இருந்து மக்கள் அவர்களது விடுமுறையை சந்தோசமாக கொண்டாட விரும்பி செல்லும் நாடு. அங்கு மாலை சூரிய அஸ்தமனம் ஆகிய பின்பு சத்தமாக பாடுவது தடை செய்யப்பட்டுள்ளது.

அசுத்தமான கார்

ரஷ்யாவில் உள்ள செல்யாபின்ஸ்க் (Chelyabinsk) எனும் ஊரில். அழுக்கு நிறைந்த கார்களை ஓடுவதற்கு தடை விதிக்கப்பட்டுள்ளது. மீறினால் 30 அமெரிக்க டாலர்கள் அபராதம் விதிக்கப்படுகிறது.

மேலாடை இன்றி நடக்க

கால்பந்தாட்டத்திற்கு பிரபலமான லிவர்பூல் நகரில் பெண்கள் மேலாடையின்றி நடப்பதற்கு தடை விதிக்கபட்டுள்ளது. ஆனால், கவர்ச்சியான மீன்களை விற்கும் பெண்கள் மட்டும் அவ்வாறு இருக்கலாம் என அவர்களது சட்டம் கூறுகிறது. இது ஏதோ எழுத தெரியாதவன் எழுதியது போல அல்லவா இருக்கிறது (அம்மி கல்லை கொத்த தெரியாதவன் கொத்தியதை போல)

தங்க மீனை வீட்டில் வளர்க்க

மிலன் நகரில் இருந்து 15 கி.மீ தொலைவில் மோன்ஜா என்ற ஊர் இருக்கிறது. அங்கு வீட்டில் தங்க மீன்களை வளர்க்க தடை செய்யப்பட்டுள்ளது. இது இயற்கைக்கு புறம்பான செயலாக கருதுகின்றனர்.

எச்சில் துப்ப

பிரெஞ்சில் 2009 ஆண்டில் பன்றி காய்ச்சல் ஏற்பட்டதிலிருந்து நகர வீதிகளில் எச்சில் துப்ப தடை விதிக்கப்பட்டுள்ளது.

புரளி பேசுவது

கொலம்பியாவில் 2005 ஆண்டு புரளி பேசுவதற்கு தடை செய்யப்பட்டுள்ளது. இதனால், பலரது வாழ்க்கை பாதிக்கப்படுவதாய், அங்குள்ள ஊர் தலைவர் இந்த விதியை பிறப்பித்துள்ளார்.

செருப்பு அணிய

இத்தாலியில் உள்ள கப்ரி எனும் தீவில் செருப்பு அணிந்து நடக்க தடை விதிக்கப்பட்டிருக்கிறது. ஏனெனில், அதிலிருந்து வெளிப்படும் சத்தம் இரைச்சலாக இருப்பதாய் அவர்கள் கூறுகின்றனர்.

சூயிங் கம்

சிங்கப்பூரில் கடந்த 2004 ஆம் ஆண்டு சூயிங் கம் உபயோகிக்க தடை விதிக்கப்பட்டிருக்கிறது. அதையும் மீறி அங்குள்ள நகர தெருக்களில் நீங்கள் சூயிங் கம் மென்று துப்பினால் 500 சிங்கப்பூர் டாலர்கள் அபராதமாக தர வேண்டும்.