நியூமராலஜி படி இந்த தேதிகளில் பிறந்தவங்க ரொம்ப பெரிய துரதிர்ஷ்டசாலியாம்... இவங்க கைக்கு பணம் எப்பவும் வராது...

Numerology: இந்த உலகத்தில் அனைத்தையும் நிர்ணயிக்கும் சக்தியாக பணம் எப்போதே மாறிவிட்டது. ஆடம்பர வாழ்க்கை மட்டுமின்றி அடிப்படையான வாழ்க்கை வாழ்வதற்கே பணம்தான் அவசியம். எதற்கும் எல்லாவற்றிற்கும், பணமே அடிப்படை. அதனால்தான் மக்கள் எப்போதும் பணத்தை அடைவதற்கு புதுப்புது வழிகளைத் தேடுகிறார்கள்.

சிலர் எவ்வளவுதான் முயற்சித்தாலும் அவர்கள் நினைத்த பொருள் வசதியை அடைய முடியாமல் தவிப்பார்கள். அதற்கு அவர்களின் பிறந்த தேதி முக்கிய காரணமாக இருக்கலாம் என்று கூறப்படுகிறது. நியூமராலஜி சில தேதிகளில் பிறந்தவர்கள் நிதிரீதியாக துரதிர்ஷ்டவசமானவர்கள் மற்றும் பணம் சம்பாதிப்பதில் வாழ்நாள் முழுவதும் சிரமங்களை எதிர்கொள்கின்றனர் என்று கூறுகிறது. இந்த பதிவில் எந்தெந்த தேதிகளில் பிறந்தவர்கள் பணம் சம்பாதிக்க கஷ்டப்படுவார்கள் என்று தெரிந்து கொள்ளலாம்.

எண் 2 (2, 11, 20, 29 ஆகிய தேதிகளில் பிறந்தவர்கள்)

இந்த எண்களில் பிறந்தவர்களுக்கு, பணம் சம்பாதிப்பது மற்றவர்களை விட மிகவும் கடினமாக இருக்கும், ஏனெனில் அவர்கள் பணத்தை சம்பாதிக்க தேவையான முயற்சிகளை எடுப்பதில்லை. அவர்களின் மனஉறுதி மிகவும் பலவீனமாக இருக்கும்.

இதன் விளைவாக, அவர்கள் உயர்ந்த நோக்கங்களையும், இலட்சியங்களைக் கொண்டிருந்தாலும், அவர்கள் அதனை பின்பற்ற மாட்டார்கள். அவர்களுக்கு மோசமான நிதி அதிர்ஷ்டம் உள்ளது, அவர்கள் உழைக்காமல் பணத்தைப் பெற முடியாது என்பதை உணர்ந்து கொள்ள வேண்டும். உங்களுக்கு பரம்பரை சொத்துக்கள் மூலம் செல்வம் கிடைக்க வாய்ப்புள்ளது.

எண் 4 (4, 13, 22 அல்லது 31 ஆம் தேதிகளில் பிறந்தவர்கள்)

இந்த தேதியில் பிறந்தவர்களுக்கு அதிர்ஷ்டம் இல்லாததால் பணம் சம்பாதிப்பது மிகவும் கடினமாக இருக்கலாம். அவர்கள் பணம் சம்பாதிக்க நிறைய முயற்சிகளை மேற்கொள்வார்கள், விடாமுயற்சியுடன் இருப்பார்கள், ஆனாலும் தொடர் தோல்விகள் உங்களை சோர்வடையச் செய்யலாம்.

கடின முயற்சியின் மூலம் நீங்கள் பிற்காலத்தில் செல்வத்தையும், நிதி திருப்தியையும் அடையலாம். எப்போதும் நேர்மறையாக சிந்திக்க முயற்சி செய்யுங்கள் மற்றும் எதிர்மறை எண்ணங்களிடம் இருந்து விலகி இருக்க முயற்சி செய்யுங்கள்.

எண் 7 (7, 16 மற்றும் 25 ஆகிய தேதிகளில் பிறந்தவர்கள்)

எண் 7- பிறந்தவர்கள் பண விஷயம் என்று வரும்போது, ​​இரண்டு தனித்துவமான சாத்தியங்களை சந்திக்கிறார்கள். அவர்கள் ஒரு சமயம் பெரிய செல்வந்தராக இருப்பார்கள் அல்லது மோசமான துரதிர்ஷ்டத்தை கொண்டவர்களாக இருப்பார்கள்.

உங்களின் இலக்குகளை அடைய நீங்கள் கடுமையாக முயற்சிக்க வேண்டும், ஏனெனில் உங்களின் முயற்சி மட்டும்தான் உங்களுக்கு உதவியாக இருக்கும். இருப்பினும், சூதாட்டம் அல்லது போதுமான தகவல்களை தெரிந்து சேகரிக்காமல் வணிகத்தைத் தொடங்குதல் போன்ற ஆபத்தான நடத்தைகளில் ஈடுபடுவதைத் தவிர்க்க முயற்சிக்கவும், ஏனெனில் இவை குறிப்பிடத்தக்க நிதி இழப்பை ஏற்படுத்தக்கூடும்.

எண் 3 (3, 12, 21, 30 ஆகிய தேதிகளில் பிறந்தவர்கள்)

இந்த தேதிகளின் கீழ் பிறந்தவர்கள் நிதிரீதியாக வளமானவர்களாக இருப்பார்கள், ஆனால் அவர்கள் கடுமையான சவால்களையும் எதிர்கொள்வார்கள். உங்கள் முயற்சிகளை விட உங்கள் முன் தோன்றும் சவால்கள் மிகவும் வலுவானதாக இருக்கும் போது உங்களின் முயற்சிகள் தோல்வியடையும்.

பணம் சம்பாதிக்க அவர்கள் வாழ்நாள் முழுவதும் போராட வேண்டியிருக்கும். உங்கள் நல்ல அறிவையும், புரிதலையும் பயன்படுத்தி பணத்தை ஈட்டலாம். உங்களின் தனிப்பட்ட திறன்கள் சமூகத்தில் முன்னேற உதவும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)