2025-ல் கோடிக்கணக்கான மக்களின் உயிரை பறிக்கப்போவதாக நோஸ்ட்ராடாமஸ் கூறியுள்ள சம்பவங்கள் என்னென்ன தெரியுமா?

2025 ஆம் ஆண்டு வந்துவிட்டது, இந்த புதிய ஆண்டு நமக்கு ஆச்சரியத்தை அளிக்கப்போகிறது என்பதைத் தெரிந்து கொள்ள ஆர்வமாக உள்ளோம். ஜோதிடர்கள் மற்றும் தீர்க்கதரிசிகள் 2025 ஆம் ஆண்டு நமக்கு என்ன கொடுக்கப்போகிறது என்பதை கணித்து வருகிறார்கள், ஆனால் அவர்களில் மிகவும் மதிக்கப்படுபவர் 16 ஆம் நூற்றாண்டின் செர் நோஸ்ட்ரடாமஸ்.

அவர் ஒரு பிரெஞ்சு ஜோதிடர் மற்றும் மருத்துவராக இருந்தார், மேலும் அவர் 1555-ல் எழுதிய அவரது புத்தகம் மிகவும் பிரபலமடைந்தது. அவரது புத்தகம் "லெஸ் ப்ரோபிடீஸ்" என்பது எதிர்கால நிகழ்வுகளை முன்னறிவிக்கும் 942 கவிதைகளின் தொகுப்பாக இருந்தது.

இந்த தீர்க்கதரிசனங்கள் பல நூற்றாண்டுகளாக மக்களின் ஆர்வத்தைத் தூண்டியுள்ளன, மேலும் முக்கிய வரலாற்று நிகழ்வுகளை முன்னறிவிப்பதற்காக கவனிக்கப்பட்டு வருகின்றன. நோஸ்ட்ராடாமஸின் குவாட்ரெயின்கள் ஒவ்வொருவராலும் வித்தியாசமாக விளக்கப்பட்டுள்ளன, மேலும் அவரது தீர்க்கதரிசனங்களுக்குப் பின்னால் உள்ள துல்லியம் மற்றும் பொருள் பற்றிய முடிவில்லாத விவாதங்களை ஏற்படுத்தின. 2025 ஆம் ஆண்டிற்கான அவர் கூறியுள்ள சில குறிப்புகள் என்னென்ன என்று இந்த பதிவில் தெரிந்து கொள்ளலாம்.

உலகளாவிய மோதல்கள்

நோஸ்ட்ராடாமஸ் அடிக்கடி குறிப்பிடப்படும் கணிப்புகளில் ஒன்று உலகளாவிய போர் ஆகும். 2025 ஆம் ஆண்டில், அவரது கவிதைகளின் மொழிபெயர்ப்பாளர்கள், பல நாடுகளை உள்ளடக்கிய கடுமையான போரின் காலகட்டத்தை அவர் கணித்ததாகக் கூறுகிறார்கள். தற்போதைய அரசியல் பதட்டங்கள் மற்றும் போர் உருவாகும் சூழல்களின் தற்போதைய அச்சுறுத்தலைப் பார்க்கும் போது, ​​இந்த கணிப்பு புறக்கணிக்க முடியாததாக உள்ளது.

ஐரோப்பா கண்டம் முழுவதும் "ஆபத்தான போர்கள்" விரைவில் வெடிக்கும் என்று நோஸ்ட்ராடாமஸ் கணித்துள்ளார். இது உலகம் முழுவதும் பெரிய சவால்களுக்கும் தடைகளுக்கும் வழிவகுக்கலாம். இந்த தீர்க்கதரிசனம் அரச குடும்பத்திற்குள் உள்ள உள் பதட்டங்களைக் குறிக்கலாம் அல்லது நடந்து கொண்டிருக்கும் ரஷ்யா-உக்ரைன் போருடன் தொடர்புடையதாக இருக்கலாம்.

இயற்கை பேரழிவுகள்

நோஸ்ட்ராடாமஸ் இயற்கை பேரழிவுகளை முன்னரே கணித்துள்ளார், மேலும் 2025 ஆம் ஆண்டும் அதற்கு விதிவிலக்கல்ல. அவரது எழுத்துக்களின் விளக்கங்கள் பூகம்பங்கள் மற்றும் எரிமலை வெடிப்புகள் உட்பட இயற்கை பேரழிவுகளைக் கணித்துள்ளன. இந்த நிகழ்வுகள் மிகப்பெரிய உலகம் முழுவதும் அழிவையும், குழப்பத்தையும் ஏற்படுத்தும் என்று எதிர்பார்க்கப்படுகிறது, இது மில்லியன் கணக்கான உயிர்களை பறிக்கும்.

சமீபத்திய ஆண்டுகளில் அதிகரித்து வரும் இயற்கை பேரழிவுகள் அவரது தீர்க்கதரிசனங்களை உறுதிப்படுத்துகிறது. நோஸ்ட்ராடாமஸின் குவாட்ரெய்ன்கள் பூமியின் மையத்தில் இருந்து நில நடுக்கம் மற்றும் தீ பற்றி குறிப்பிடுகிறது, இது எரிமலை செயல்பாட்டைக் குறிக்கிறது என்று சிலர் நம்புகிறார்கள்.

உலகளாவிய பொருளாதார சரிவு

2025 ஆம் ஆண்டிற்கான மற்றொரு மோசமான கணிப்பு உலகளாவிய பொருளாதார சரிவு. அவரது குவாட்ரெயின்கள் கடுமையான நிதி நெருக்கடியை கணித்துள்ளன, இது பரவலான பொருளாதார தடைகள் மற்றும் உறுதியற்ற தன்மைக்கு வழிவகுக்கும். தற்போதைய உலகப் பொருளாதார சூழலில், பல நாடுகள் கடன் மற்றும் பிற பொருளாதார சவால்களுடன் போராடுகின்றன. இத்தகைய சரிவு உலகளவில் மோசமான விளைவுகளை ஏற்படுத்தலாம், வேலைவாய்ப்பில் இருந்து சர்வதேச வர்த்தகம் வரை அனைத்தையும் பாதிக்கும். பல பெரிய கம்பெனிகள் திவாலாகலாம் என்று கூறப்படுகிறது.

தொழில்நுட்ப முன்னேற்றங்கள்

நோஸ்ட்ராடாமஸின் கணிப்புகள் வெறும் அழிவைப் பற்றி மட்டும் கணிக்கவில்லை சில நேர்மறையான விஷயங்களையும் கணித்துள்ளது. அவரது குவாட்ரெயினின் சில விளக்கங்கள் 2025 இல் குறிப்பிடத்தக்க தொழில்நுட்ப முன்னேற்றங்களைக் குறிக்கின்றன. இந்த முன்னேற்றங்கள் மருத்துவம், தகவல் தொடர்பு மற்றும் போக்குவரத்து உட்பட மனித வாழ்வின் பல்வேறு அம்சங்களை மாற்றியமைக்கும்.

இந்த கணிப்புகள் குறிப்பிட்ட தொழில்நுட்பம் பற்றி குறிப்பிடவில்லை, ஆனால் தொழில்நுட்ப முன்னேற்றம் அவரின் பயமுறுத்தும் கணிப்புகளுக்கு மத்தியில் ஆறுதலாக உள்ளது. நோஸ்ட்ராடாமஸின் குவாட்ரெயின்கள் புதிய கண்டுபிடிப்புகள் மூலம் பலரின் வாழ்க்கைத் தரத்தை மேம்படுத்த வழிவகுக்கும் என்று குறிப்பிடுகின்றன.

2025 ஆம் ஆண்டுக்கான மிகவும் ஆபத்தான கணிப்பு எது?

நோஸ்ட்ராடாமஸின் சில தீர்க்கதரிசனங்களின்படி, 2025 ஆம் ஆண்டிற்கான மிகவும் பேரழிவு தரும் கணிப்புகளில் ஒன்று வானத்திலிருந்து ஒரு சிறுகோள் விழுவதுதான், அதைத் தொடர்ந்து பூமியில் ஒரு பெரிய தீயும் ஏற்படுவதும் ஆகும். இந்த தீர்க்கதரிசனம் பலரையும் அச்சத்தில் ஆழ்த்தியுள்ளது, ஏனெனில் ஒரு சிறுகோளின் தாக்குதல் கோடிக்கணக்கான மக்களின் உயிருக்கு ஆபத்தை ஏற்படுத்துவதாகும்.