முகலாயர்கள் 300 ஆண்டுகள் இந்தியாவை ஆழ காரணமாக இருந்தது இந்த சக்திவாய்ந்த 5 அரசர்கள்தான்..அவங்க யார் தெரியுமா?

தற்போதைய இந்தியாவை வடிவமைத்ததில் முகலாயர்களின் பங்கு என்பது மிகவும் முக்கியமானது. நம்முடைய உணவுப் பழக்கம் முதல் கலாச்சாரம் வரை பல விஷயங்களில் முகலாயர்களின் தாக்கம் இன்றும் தொடர்கிறது. ஏனெனில் முகலாயப் பேரரசு இந்தியாவின் மிகவும் சக்திவாய்ந்த மற்றும் செல்வாக்குமிக்க பேரரசுகளில் ஒன்றாக திகழ்ந்தது.

சக்திவாய்ந்த மற்றும் தொலைநோக்குப் பார்வை கொண்ட பல அரசர்கள் இந்தியாவில் முகலாயப் பேரரசு கிட்டதட்ட 300 ஆண்டுகள் வலுவாக இருக்க வழிவகுத்தனர். பேரரசைத் தொடங்கிய பாபர் முதல் தாஜ்மஹாலைக் கட்டியது மூலம் புகழ் பெற்ற ஷாஜகான் வரை ஒவ்வொரு முகாலயப் பேரரசரும் இந்திய வரலாற்றில் தனி முத்திரையைப் பதித்துள்ளனர்.

இந்த அரசர்கள் பேரரசை விரிவுபடுத்தினர், கலை மற்றும் கலாச்சாரத்தை ஆதரித்தனர், மேலும் எக்காலமும் நிலைத்து நிற்கும் நம்பமுடியாத நினைவுச்சின்னங்களை உருவாக்கினர். முகலாயப் பேரரசை வலிமையான அரசராக மாற்றிய அரசர்கள் யாரென்று தெரிந்து கொள்ளுங்கள்.

பாபர்

பாபர் 1483 இல் பிறந்தார். பாதி உலகை வென்ற தைமூரின் வழித்தோன்றலான அவர், தனது தாயகத்தை இழந்தார் மற்றும் சமர்கண்ட்டை வெல்ல முடியவில்லை. அதனால் அவர் தனது கவனத்தை இந்தியாவின் பக்கம் திருப்பினார். 1526 இல் பாபர் பானிபட் போரில் லோடி சுல்தானை வென்றார், இந்த வெற்றி மூலம் முகலாய பேரரசுக்கான அடித்தளம் அமைக்கப்பட்டது.

அவர் நான்கு ஆண்டுகள் மட்டுமே ஆட்சி செய்தாலும், பாபர் முகாலய வம்சத்தின் மிக முக்கியமான நபராக இருந்தார். அவர் தனது சுயசரிதையான பாபர்நாமாவை எழுதினார், அதில் அவர் தனது வாழ்க்கை, போராட்டங்கள் மற்றும் இயற்கையின் மீதான காதல் பற்றிய சம்பவங்ககளைப் பகிர்ந்து கொண்டார். பாபரின் தொலைநோக்குப் பார்வையும், உறுதியும்தான் அவரை முகலாயப் பேரரசின் முதல் பேரரசராக மாற்றியது.

ஹுமாயூன்

பாபரின் மகனான ஹுமாயூன் 1530 இல் முகலாய பேரரசராக பதவியேற்றார், ஆனால் அவர் மிகவும் சிக்கலான மற்றும் போராடும் ஆட்சியைக் கொண்டிருந்தார். அவர் ஷெர்ஷா சூரியால் வீழ்த்தப்பட்டு பல ஆண்டுகள் நாடுகடத்தப்பட்டார். இருப்பினும், அவர் தனது நம்பிக்கையை இழக்கவில்லை, இறுதியில் 1555 இல் தனது அரியணையை மீண்டும் கைப்பற்றினார்.

துரதிர்ஷ்டவசமாக, அவர் தனது நூலகத்தின் படிக்கட்டுகளில் இருந்து கீழே விழுந்து 1556 இல் திடீரென மரணமடைந்தார். ஹுமாயூனின் போராட்டங்கள் அவரது மகன் அக்பருக்கு வெற்றியைத் தேடித் தந்ததன் மூலம் பேரரசின் எதிர்காலத்தை வலுப்படுத்த மறைமுகமாக உதவியது.

அக்பர்

அக்பர் ஹுமாயூனின் மகன் மற்றும் அவர் தனது 13 வயதில் பேரரசரானார். அவர் தனது இளம் பருவத்திலேயே ஒரு புத்திசாலியான மற்றும் சக்திவாய்ந்த பேரரசராக இருந்தார். அவர் ராஜபுத்திரர் போன்ற வலுவான எதிரிகளை தோற்கடித்து பேரரசை விரிவுபடுத்தினார், மேலும் இந்தியாவின் பெரும்பகுதியை முகலாயர்களின் கட்டுப்பாட்டின் கீழ் கொண்டு வந்தார்.

அக்பர் அவரது நேர்மை மற்றும் மத சகிப்புத்தன்மைக்காக இன்றும் நினைவுகூரப்படுகிறார். பல்வேறு மதங்களைச் சேர்ந்த மக்களை ஒன்று சேர்ப்பதும், உள்ளூர் ஆட்சியாளர்களை அவருக்குக் கீழ் ஆட்சி செய்ய அனுமதிப்பதும் அவரது சிறந்த உத்தியாக இருந்தது. அவர் படிப்பறிவற்றவராக இருந்தபோதும் அவர் கலைகள், கலாச்சாரம் மற்றும் கற்றல் ஆகியவற்றிற்கு ஆதரவளித்தார். 1556 முதல் 1605 வரையிலான அவரது காலம் முகலாயப் பேரரசின் பொற்காலமாகக் கருதப்படுகிறது.

ஜஹாங்கீர்

அக்பரின் மகனான ஜஹாங்கீர் 1605 இல் பேரரசரானார். அவர் மிகவும் வலுவான மற்றும் பணக்கார பேரரசை உருவாக்கினார். கலை மற்றும் கலாச்சாரத்தின் மீதான தனது ஆர்வத்தைத் தொடர அவருக்கு சுதந்திரம் இருந்தது. அவரது ஆட்சியில், முகலாய பேரரசில் மினியேச்சர் ஓவியம் புதிய உச்சத்தை எட்டியது, மேலும் அவரது நீதிமன்றம் கலைகளை வளர்க்கும் இடமாக இருந்தது.

அவரிடம் குடிப்பழக்கம் அதிகமாக இருந்தது. அவர் பேரரசில் நிலையானவராக இருந்தார் மற்றும் ஒரு வளமான கலாச்சார பாரம்பரியத்தையும் அழகையும் விட்டுச் சென்றார்.

ஷாஜஹான்

ஜஹாங்கீரின் மகனான ஷாஜஹான் 1628 முதல் 1658 வரை ஆட்சி செய்தார் மற்றும் அவர் தந்த அற்புதமான கட்டிடங்களுக்கு மிகவும் பிரபலமானவர். அவர் தனது மனைவி மும்தாஜ் மஹாலின் நினைவாக தாஜ்மஹாலைக் கட்டினார், செங்கோட்டை போன்ற மற்ற புகழ்பெற்ற கட்டமைப்புகளை உருவாக்கினார்.

அவரது ஆட்சி முகலாயர்களின் பொற்காலமாக இருந்தது, ஆனால் அவரது குடும்பப் பிரச்சினை அவரது வாழ்க்கையின் சாபமாக மாறியது. அவர் நோய்வாய்ப்பட்ட பிறகு, அவரது மகன் ஔரங்கசீப் மற்ற சகோதரர்களைக் கொன்றுவிட்டு ஆட்சியை கைப்பற்றி விட்டு ஷாஜகானை சிறையில் அடைத்தார். ஷாஜகான் தனது கடைசி ஆண்டுகளை சிறையில் கழித்தார், ஆனால் அவர் உருவாக்கிய பிரமாண்டமான கட்டிடங்களுக்காக இன்னும் வரலாற்றில் நிலைத்திருக்கிறார்.