சுச்சி லீக்ஸ் சுச்சித்திராவின் இன்னொரு முகம் இதுதான்!

கண்ணம்மா பிராஜக்ட்!

கண்ணம்மா எனும் ஓரங்கட்டப்படும் பெண்களின் வாழ்க்கையை மேலோங்க வைக்கும் பிராஜக்ட் மூலமாக தன்னால் முடிந்த உதவியை செய்து வருகிறார் பின்னணி பாடகி சுச்சிதிரா.

உறுதிமொழி!

இந்த பிராஜக்ட் மூலமாக தான் மற்றும் தனது நட்பு மற்றும் உறவு வட்டத்தில் இருந்து ஒரு லட்சம் ரூபாய் நிதி திரட்டி தருவதாக உறுதி மொழி அளித்துள்ளார் பாடகி சுச்சித்திரா.

எனக்கு நெருங்கிய பிராஜக்ட்!

இந்த பிராஜக்ட் தனக்கு மிகவும் நெருங்கிய பிராஜக்டாக இருப்பதாகவும். இதற்கு காரணம் தனது வாழ்வில் இன்றளவும் பெண் குழந்தைகள் படிப்பிலிருந்து பல வகையில் ஓரங்கட்டப்படுவதை பார்த்து வருவதாக பாடகி சுச்சித்திரா கூறியுள்ளார்.

குடும்ப வேலைகள்!

இன்றளவும் கூட வறுமைக் கோட்டிற்கு கீழே இருக்கும் குடும்பங்கள் பல படிப்பில் ஆண், பெண் பேதம் காண்பிப்பதை பார்க்க இயல்கிறது. இந்த பேதம் மாற வேண்டும். இதே கருத்தை தான் பாடகி சுச்சித்திராவும் முன் வைத்து பேசியுள்ளார்.

அமுதா...

தனது வீட்டில் சமையல் வேலை செய்யும் அமுதா என்பவரை முன் உதாரணமாக வைத்து பேசிய சுச்சித்திரா. அமுதா தானாக ஆங்கிலம் பயின்றவர். போனில் கூட ஆங்கிலத்தில் தான் தன்னுடன் பேசுவார். நன்கு மேலாண்மையும் அறிந்தவர் அமுதா என கூறியுள்ளார்.

நாடாளும் திறன்!

அமுதா மட்டும் மேலும் நன்கு படித்திருந்தார் என்றால் அவர் நாடாளும் திறன் கொண்டிருப்பார். அதற்கான சாத்தியம் அவரிடம் இருக்கிறது.

இது போன்று சிறுவயதில் படிப்பை இழந்த பெண்கள் பெரியாளாக வந்திருப்பார்கள் என்பதை பேசி நேரத்தை வீணடிப்பதை காட்டிலும், கண்ணம்மா பிராஜக்ட் மூலமாக அவர்களை பெரியாள் ஆக்குவது சிறந்தது என பாடகி சுச்சித்திரா கூறியுள்ளார்.

காணொளிப்பதிவு!

சுச்சி லீக்ஸ் சுச்சித்திராவின் இன்னொரு முகம் இதுதான்!